[poem=font="arabic transparent,5,darkred,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""] ازاول طعني لايغرونك ازوال=ازوال وان جيت الفوؤاد امعلوله
ياكم واحد بس بالزول رجال=وان عودت للصدق مابه رجوله
المرجله ماهي بتنسيف دسمال=ولاهي بحصرن بس لابن الحموله
والمرجله ماهي علي سن ياعيال=منهيه ماموره وكايد وصوله
المرجله شفها بصبي منه تهتال=صغير لكن في مراجله هوله
شغموم قرم مبهر البن بدلال=ويمناه دايم بالمراجل دلوله
يقري ضيوفه ملحق الفال بعقال=والضيف رزقه معه كلن نقوله
ولا العفن بالله شيك به الخال=قصه وسابع جد وشي فعوله
وللبن مشخالن وللبر منخال=وحثل العروق الطب ازرا حلوله
اقولها ودنياك نازل ورحال =ثلث الفتى لعمه وثلثين خوله
اقولها عزاه وان قلت ادبال=الكدش ماتسبق اصايل خيوله
وش بدل التفكير او بدل الحال=ماهي جديده العام اربع فصوله
احبال لايشقيك توقيفك احبال=مير ارتح وخل الركاب امعقوله
والمن حملن ينقله عنك عتال=واحد نفر كافي يشيل الحموله
وموت الرجل لاصار للهم حمال=باوهام كذب وكيد من كان حوله
حمل المتون مشيبن قبلك رجال=ولاانت حمل اوهام اشعب ذلوله
للمال خادم عزي ياخادم المال=والمال مال الله وانفق بأصوله
والحسد قل ايمان بالله واخبال=والعبد مكتوبن وش اللي ينوله
ويالله تذبح كل حاسد ومختال=اللي امنعو حتي المطر ابنزوله
من يجهل المخراج من قبل مدخال=يصبر علي ماجاه لايطق جوله
هذي الحقيقه حطها فوق تمثال=ياعالم الدنيا بعرضه وطوله
شذابت العرقوب ماتفيد بريال=لو يعزموني اعتذر عن قبوله
قلته نصيحه واختم بوجه جهال=ماهي بحد ياناشد ابمن اقوله[/poem]
أخوكم/عبدالله بن ضيف الله
المواضيع المتشابهه
العرض العادي
