女允ღ乂 ســوآليف شمووخ الــ 4.. ( شلة حسب الله والحفله+عيد زمآن ) 女允ღ乂<<<---- لآآآتفوتك

[dr.shmoOo5]

صبحهم بالخير

ومسيهم بالخير

وجعلكم بألف خير وصحه وسلامه

والفففففف الف مبروووك للناجحات والناااجحين



ووانا بعد الف مبرووك على نجاحي <<< محد معطيها وجهه خخخ



خلصت المقدمه >_<



بسمـ اللهـ نبدأ هيلا هوب << فاهمهـ غلط


ذات نوبة ..
والدنيا تزغرد ..
والحمام يشقشق ..
والخيول تتبطح وتشقلب ..
والوراعين يتلاحقون حبشه ..

وافراد عصابه يؤ يؤ عفوا اقصد (شله حسب الله) مترززين ويسوولفون ويظحكون

ومن بين السواليف ,,, جت سالوفه داعسه بالخامس وشخخخخخخطت من بيننا وكانت طالعه من عند ســg ســg ..؟؟!


لحظه لحظه ....!!

خل اقولكوم واعرفكم على صبآيا الشله اول عشان ماتضيعيون ..خخخ

1/ مي مي < مايحتاج معرووفه هع هع
2/ ســg ســg بنت عموو
3/ دلع البنات << هذي بنت خالي بس رفضت اقول اسمه .. (تقل بيعرفونتس انتي ووجهتس ) << بتصفقها
4/ شدوووونه << هذي بنت خوية امي يعني الروح بالروح << ياعيني
5/رجرج رجيج مرجوج المريجيج (خآلتي) ..!!؟

ايه خالتي وش فيكم هع
6/ 3صبايا .. (ثنتين خوات .. ووحدة مجانا )هع





ونعيد السالوفه (من بين السواليف ,,, جت سالوفه داعسه بالخامس وشخخخخخخطت من بيننا وكانت طالعه من عند ســg ســg )

قالت ســg ســg : بنات وش رايكم يوم الربوع نسوي حفــــــــــــله <<< ياحب هالبنت للحفلات


عاد الحلوات تحمسوووووووووو وكل وحده بدت تدلو بدلوه >>>اووخس بالفوصحى هع


اوووول شي فكرنا وين بنحطها ,,,, ما اذكر من الي قالت نحطها ببيت سوسو يوم الربووع ,, بس قلنا صعبه الناس داخلين طالعين << لآن جدتي هناك
وانوااااع الرسمات والدجه ذاك اليوم يعني ما راح ناخذ راحتنا بنوووووووووب :(



فقامت ام الفزعات رجرج (اللي هي خالتي )وقالت خلووووهااااااا عندي وانا ام هندي >>>>> بعدي والله

مرررررر الوقت بسرعه ولكن ما اجتمعنا اجتماع سنع عشان نخطط صح:(
(كلن لاهي بأمتحااناته),, لكن كان بيينا (الو)

الموهيم ,,

يوم الأثنين وانا بالبيت دقت ســg ســg ..


وتسلم و تهمق - كل عآم وانتي الحب ..!!
انا : الله يسلمك <<< مدري وش اقوول ههههههه (بريئه البنت)
وش السالفه لاتكونين معجبه بس...(اثآري هالعيد له كم يوم وانا مدري )
قالت: والله انك دبشه (وتسب بعد)عيدالحب جاء وراح وانت ماتدرين وش السالفه خخخ
قلت :اي عيد حب ياماما بلا خراابيط بس .. المهم انت داقه عشان كذا ولا..
قالت : اسمعي بس ترانا الحين مجتمعين بغرفه الحفله ببيت رجرج وسوينا وحطينا وشرينا...هااااأ تجين ترتبين معنا ..!؟
قلت: ما هقيت والله .. امي طالعه ومخليتني انتبهه للبيت << تقل رادار يالله لك الحمد

قالت :خلاص اجل يوم الربوع نبي نسهر بالغرفه ببيت رجرج .. لاااتنسيين
قلت: تممممممم يابعد تسبدي تممممم





(((((((--------------- سنعود بعد قليل ---------------)))))))

[dr.shmoOo5]

الا على طاري (عيد الحب}~ ترى مايجووووز الاحــتــفــال فيه << والله خخخخخخ


<<< محششه دخلت السوالف على بعض



س\ الآ أقول وش رايكم بعيد الفطر هالجيل ؟؟؟

خلوني اجاوب (تخريف قسم)

ج\ استغفر الله هذا مطاريس ,,قلة حياء موب عيد

ايييييييييييه يازين عيد منول الي يذكر ولا يشاف>>تعلمكم انه توه صبيه هع


ابقولكم وش قالت لي جدتي عن عيد منول : >>راحت تلبس الصنفه وتحط حنا بيدينه هع

تقوووووول-الله يطول بعمره على طاعته- :

جدتي : اييييييييييييهــ <<< تنهدت من قلب ...

سقى الله ايام منول وانا امتس..
قبل العيد بكم يوم ...افتح دولابي واتفرج على لبس العيد ..( ياعمري مايشرون الجديد إلا بالعيد )

وما اخلي احدن يشوفه..(ايقاله بتفاجئهم بلبسه)


وامي -الله يرحمه- ليلة العيد تلاحقن من قرنه لقرنه...!!

تبي تقنعن احني يديني ..وانا اقووول لااا مابي منيب عجووز

وتخليني.. امي اتروش (اتسبح )بالليل عشان البرد والهواء مايلفحن الصبح


---------------------> سؤال شاخط وقاط ؟

س/ طيب زمـــآن كان عندكم طرآآطيع ؟

اييييييه وانا امتس جتنا عقب ,,, ولا منول نشب بليفه المواعين <>

ولا نجيب كربون من الصناعيه ونحطه داخل علبه النيدو...ونررررجه ... وبعدين نجلسه ونكون فاتحين فتحه صغيره نحط الكبريت عندها


وبووووووووووووووم انفجااااااااااااااااار



>>>>وتكمل جدتو ,,

وعقب صلاه العيد نروح نعيد ويجتمعووووون كل الناس القريب والبعيد ومايبقى احدن ما نشوفه

وبعدين نطلع بالشارع ونلعب حنا والعيال ونستانس ...<< لاحضوا (نستانس)

انا : تلعبين مع الاولاد ..؟

جدتي : اييييييييييه منول قلوبنا طاهره مهوب الحييييين


~{{مالي دخل ابــي الـعـيـد يـرجـع زي اول >>> هذي انا هع
واهم شي اتميلح عند العيال

عشان يشبون لي صواريخي <<سبهه(غبيه) تشتري صواريخ وتخاف تولعها

>>>>>>>> تحسون اني كشتت عن الموضوع >_<


_ هاذي الخنبقه والكشته برعايت رز ابو كاس لكل الناس واشرب حليب عشان تصير بطل
بس لا تخلطووه مع الحليب ترووح بخراايطها وتضييع الفايده << فاهمه غلط _



((((((((--------------- عـــــدنـــــآ --------------))))))))






امممممممممم وين وصلنا بسالفة الحفلة
ايه
عاد انا من الطفش دقيت على امي



انا : (بعد المقدمات).. طيب يلا تعاااالي تأخرتي ..ترى بنام هع هع << تخوفها

قالت: اصبري لاتنامين وجع .. توهم ماحطوا العشاء ..
اخوانتس بخير ؟..
شوفي كان يبون شي عطيهم ؟..
ونومي اختتس كان به نوم
وانا لاخلصت العزيمه جيت..!
اقووول ..

انا : هــاهـ

:تأكدي ان باب البيت مقفل خخخخخخ <<< مقولة امي الشهيرة

{طيب مدامت خايفه علينا ليه تروحين وتخلينا لحالنا } .. << خنقتها العبرة

انا : طيب طيب بس ترى يوم الربوع بروح لبيت خوالي عشان فيه حفله بــ.....<<<--ماخلتني اكمل كلآمي :(

قالت: ايه اذا جيت اتفاهم معك مشغوله الحين .. مع السلامه طوط طوط طووط <<< تم اغلاق الخط

[dr.shmoOo5]

عاد الغاليه كملت السهرة ماجت الا الساعه وحدة ونووص بالليل <<<<< تبي تستانس لآخر قطره هع

قولوا مااشاء الله خخخخ


المشكله ياليته على سنع ...ماغير يجلسون يهمقون :
من جا , ومن شفنا, ويااااحليله ,وياااملحه, وياخيه ما توقعته كذا, وووووو >> عناوين السوالف هع





المهههم خل ارجع لسالووفتي ابرك لي من الحش خخخخ







جـــــآء يوم الربوع .. موعد الحفله

صحيت العصر عشان اصلي ودقيت على خالتي اللي هي رجرج.. >>متفقين نمر نروح نشري خرابيط البلع هع

(طووووط*يارب ماترد* طووووط *يارب ماترد*) >>>>ماشبعت نوووم ولا لي خلق اطلع العصر

المراد انه ما ردت عاد انا مالزمت ولا دقيت مره ثانيه >_<

رحت ادق على شدووونه اسألها حجزت الكيكه ولا لا
وأأكد عليها وش تبي تكتب >>> شفتوا اني سنعه هع هع


وترد ياحبيله ,,,
قالت: لا الحين ابروح احجزه وقالت كم كلمه ..

بس ما انتبهت عشان نوووصي نوم ,,,قفلت ورجعت اكمل نومي ...

صحيت المغرب

و تدق علي سوسو قالت تراى ببيت رجرج مرين هناك ,,,,

أنا :اوووتسي

سوسو : اقوول تدرين ان الحفله اليوم !!

أنا : (مستغربه) ههههه احسبه السنه الجاييه>_< ايه داريه ...ليه ؟؟

سوووسو: هههههههه لا شدووونه تحسبه بكرى خخخخخخخخخخخخخخ

أنا : ههههههههههههههه هالنوده ولنا اسبوع وش نقول >>>>ما اقول إلا الي ماخذ عقلك جعله ما نيب قايله

سوسو : يلا باي

أنا : باي






عـــــــــآد واروح اتولم واهردس لكم ذاك اللبس الي ماخليت لون ما حطيته بوه ...!؟؟

>>> على فكره كنا متفقين إن اللبس يكون خلااااقين ييعني هراديس يعني نووو للذوق ونووو للرسميات >_<



وبعدهآ رحنآ انا ورجرج لمحل حلويات ونقش قش ههههههههههههههههههه << خلصوا البضاعه

الموهيم,,

ونعبي العربيه ونحاسب ونطلع متجهين بعون الله الى مقر الحفله

يوم دخلنا ... يووووووووووووه وتبدى الحووسه والخبه والأصوات تعلوا تاره وتنخفض اخرى >>>>اشوا ان سبويه موب عايش




ومن بين الحوس جت سوسو
وقالت بكل بروووووووود : فيه سبرايز ..!؟؟

أنا : >انهبلت < وشووووووووووو مين وش القصه ؟

دلع البنات : عازمين بنات

أنا : طيب اعرفهم قد شفتهم ؟

دلع البنات : لا لا ما تعرفينهم

أنا : والدنيا ضاقت بي وجاني الصياح ...لآآآآآآآآآآآآآآآآآآء ياشينكم ...ليه ما قلتولي وانا متهردسه بلبسي تهىء تهىء >>هذا الي هامتس


دلع البنات : والله انه يهبل ,,, وش زينه

انا :

رجرج : >كنه رحمتن< لا لا ماعليتس مرررره فله هالبنات وعااادي يجون لناس ببجاماتهم

انا :ايييييييه بكيفه واهم شي الوناسه >> هلا هلا عاشو خخخخخ

وتضرب هالكشخه الي بتضيق صدري >>>>>> هذا الهرج السنع هع



ومن بين الخبه والحوسه الي ما رضت تخلص

ويجووووووووووووووووووون البنات

كانو 2 خوات توأم >>وحده منهم صديقه سووسو بالمدرصه

ويوم جلسوووو ,,,

قلت :شوفووووووو ترانا قوبل كاشخين بس هالمره متفقين نتهردس يعني لا تاخذون فكره غلط

>>قالوا انثبري بس ؟؟?

انا : بس بنفس الوقت -->

كانو مرررررره مررررره فله هالبنات ,,, ياحبيلهم والله >وووهـ بسـ<



بعدها بدا شغل التفجيرررررر ,,, والبخاخات وحركات النذاله هع هع .. كل وحده مسكت بخاخ وصارت ترش يشكل عشوائي

بجد انواااع الفله <<< تبي تقهركم



والحيييييييييييين

دور الفقره الرئيسيه بكل حفله وكل اجتماع ..

الا وهي.......













7







7










7

[dr.shmoOo5]

7




7


الرقــــــــــــ ــــــــص


واللّبح بكل اشكاله وانواعه >>> الله من الرجه والهبال بعد هع




سكرنا اللمبات وجبنا هذيك الي تدور وتطلع الوان بالنور>> يازين الشرح هع هع

ههههههههه على بالنا بنسوي دي جي خخخخخخخخخ


>>> رايحين فيها (داجات) هع هع



وفجأإأإأإأإأإأإأإأإأإه ...




7




7





7




ما درينا إلا ذاك الإماراتي المملوح الي يدخل علينا

>>>>>> يااااااااويح قلبي

كان لابس ثوب ومسوي عمامه بالشماغ و معه اليوله مدري وش اسمه .. العصا اللي يرقص فيها

>>> اروووح كشنه انا هع هع

و بعد ما صحينا من الهبه

ههههههههههههههههههههههههههههههههه
كرررررررررررررر كرررررررررررررر
ههههههههههههههههههههههههههاهاهاهاي
ههي ههي ههي ههي ههي >> وحده خايفه هع

كانت وحده من الشله متنكرة خخخخ

:




:





:







عاد ماصدقنا خبر ... ونسوي عرس وزفه ونجيب ولد عمو الصغير اخو سوسو..( يقالهم ولدوا واخر شي صارت مشكله) ..

وتطاااااقووووو وتطلقوووو>>>>>> ولا فلم هندي

خخخخخخخخخخخخخخخخخخخخخخخخخخخخخ

واخيرا وليس اخيرا ... بعد ماهلكنا ومتناااااااااااا جوووووع



درعمنا للسفره يمي يمي



لما خلصنا بلع >>بالعااااااافيه

طلعنا نطرررطع بالحووووش

وهذا الرابط خصيصاً للي أبوه حارمه مايشوف الصواريخ ومنعه يلعب بها << وش دخله بالموضوع ؟؟خخخخخ

المهم صواريخ على كيف كيفكم ..

اضغطوا على الرابط

لاتصيروون مشفح اضغطوا على اي ارتفاع في السماء يمين يساار تحت فوق مربع دائره

<<<الشرهه عاللي يخليك تلعبين بلاي ستيشن

اهم شي اضغطوا الكليك عالسماء وانواااع الفله انا احط الكلك بأعلى السماء فلللللله احس اني عضلات لما ارفعها فوق خخخخخخخخ

http://megaweb.clubsnap.org/fireworks/

هاه وش رايكم ماقلت لكم صواريخ ميمي غير خخخ

[dr.shmoOo5]

وونرجع للموزوع حقنآ ..وبعدها ,,

رحنا لغرفه الحفله وبدينا نشخبط شخابيط تذكاريه وسويت لكم هديه بعد (خاصه للرآئديه ),, بس بعدين اعطيكم اياه هع هع<<< اوم الذل

...

















...



بعدها راحوا البنات

يااااسفابهم والله >>> اعجبتني فلتهم مررره يوسعون الصدر ياحبيلهم







وبهذه المناسبة تم تأليف بعض (الكلام الفاضي)ما أدري هو شعر ولا نثر ولابلأ خخخخخ

يلة انخرسووووا وإسمعوا لشاعره الكبيرة >> ثقة زايدة

إسمها:




_._._._._._._._._._._._._._._._._._._._

*~* 7 بنوتات *~*
7 بنوتات على قلب واحد مثل الكتكوتات
7 بنوتات لهسترن كنهن ماكلات قات << ههههههههه
7 بنوتات شعارهن اللي فات مات
7 بنوتات اجتمع فيهن الذوق والعقل والتكفيخات
7 بنوتات يعطون وما يقولون هات
7 بنوتات تغار منهن كل السحليات

وسلامتكم
_._._._._._._._._._._._._._._._._._._._



وش رايكم فيها؟؟ .. ادري بتقولون


بس يمكن شعبان عبدالرحيم يألف أحسن منها وهو يكوي بنطلون عمرو دياب خخخخخخ>>اقول يازينك ساكته هع


بس تبون الصظآحه .. الصظآحه


افكر اشارك ببرنآمج شآعر المليون الوآحد طعش خخخخخخخخخ





اذآ..

مااااااااااااااايستفاد من الساابق :

1- الدلاخه كنز لا يفنى والعقل ما يوكل عيش
2- كم مره قلت الموهيم >_<
3- احسن شي حفلات البنات الخاليه من البزران والأمهات
4- لابغيت تقطع الكيكه فسر اكمامك ووجهها للقبله وسم بالله ^_^
5- .............. كل الموضوع فؤائد خوذوا الي يعجبكم والي مايعجبكم>>> لا تخلون شي


\






\








\




شــــــــــــــــكــــــــــــــر خااااااااااااااااااص لكل من :

رجرج : شكرا على ضفنا ببيتكم ,,بجد بجد مو عارفه كيف آشكرك ياقمر ,,,
ووووسوري على الحوسه >> إلا وش وراك نضفي كودتس تنحفين شوي هع هع

سوووسو : شكرااااااا على تنسيقات الحفله ..وتصليح الديكورات الحلوووه والخنبقات الأحلى


شدوونه : شكرا على الكيكه الذووووووووق و نفخ البلالين وبعض الشغلات الثانيه


دلع بنات : شكرا علىتصليح الديكوريشن & باقي الخنبقات واللمبه ام الوان و على الدفه


dr.shmoOo5= ميمي >>>>مدري وش بتسوون من غيرها
>قولي ولايكثر هع<

1-العباره الي على الكيكه من بنات افكاري >>جلست سااعه احوس بمخي لما طلعتها
2-فكرة الدي جي من عندي وانا ام هندي
3-شوي من الديكوريشن هع
4-الموووووووووووووضوووووووع من تأليفي واخراجي ^_^ << اهم شي







بجد بجد تعبت تعب اووووب صاحي وخاصه صويبيعآتي يآعومري هع





اوووووووووووووووووووووووووو نسيت اهم شي !!

تفضلووووووووووووووووو >مطاريس حسب الله< وتصوير شموووخ






^
^
^
هههههههههههههه >>>> النعووووومه مقطعتنا تقطيـــــع








قود نايت اند تيك كير اند سي يو اند..


باي باي




dr.shmoOo5

[مشتاقه لك]

هههههههههههههههههههههههههههههه ياحبيلك ياشموووخ انتي وسواليييفك

ياليتني معكم بالحفله بس .. وادج دجتن مهوب صاحيه اجل حاطين دي جيي والله انكم انواع الزحف (دي جي عريبيا)هههههههههههههههههه <<<<<<<<<<<<< فااااطسه ضحك




تسلمييييييين عالسوالف اللي تونس الصدر


لاتحرمينا من جديدك



تحيتي لك

[شاطىء الخفجي]

[align=center]هههههههه رووووووووعه <<<< اهم شي

الطرطعان الي بالسماء هههههههههه <<< لاااتعليق




ما شاء الله تبارك الله عليكم


الله يسعدكم يااارب << بصراحه استانست وأنا مو

معكم كيف لو كنت معكم .. الله يهنيكم ياااارب

ولا يحرمكم هالوناسه يااااارب .. كفيتي ووفيتي

ماشاء الله عليتس



نستنى المزيد تحيااااتي لك شموووخ [/align]

[عشق الشمال]

شكرآ على الجريدة

اقتباس قود نايت اند تيك كير اند سي يو اند..

هذي وش معنااااها بالله ؟؟


شكرآ على الموضوع اللي ماقريته

[رهووووووفة]

هههههههههههههههههههههه

الله يخليكم لبعض والوناسة دوم انشاءالله

[dr.shmoOo5]

اقتباس المشاركة الأصلية كتبت بواسطة مشتاقه لك هههههههههههههههههههههههههههههه ياحبيلك ياشموووخ انتي وسواليييفك ياليتني معكم بالحفله بس .. وادج دجتن مهوب صاحيه اجل حاطين دي جيي والله انكم انواع الزحف (دي جي عريبيا)هههههههههههههههههه <<<<<<<<<<<<< فااااطسه ضحك تسلمييييييين عالسوالف اللي تونس الصدر لاتحرمينا من جديدك تحيتي لك

الله مير يسلمتس حبيبتي ..
مشكوووووورة على مرووووووووورك الحلو

تحيآتي لكـ..