للاستماع
http://www.dwaihi.com/25nab216.ram
صفا صافي صفيت من صافي الصافي
وفكري صفا صافيه والجو لي صافي
ليا صف ؤصف الصافيات اصطفيتها
وصفيتها تصفيف مصفوف الاصدافي
اصدر صدى صدري واصفي مصادره
تصاريح من صدري لها الصدر صرافي
لها صالي بين المعاليب صابني
صبور على صاليه واسرف بي اسرافي
تصافق بصندوق الحشا كن صفقها
موج تصافق صافقه فوق الاطرافي
صادف صدوف صادفتني صدوفها
صواديف صدفات لها الفكر مصدافي
تصديت واحكمت التصدي لصدها
ليا صادني منها صدى صده الكافي
فلا صفو للدنيا بليا صدوفها
و لا صبر للعاقل على بعض الاجحافي
و لا خير فيمن لا يعزز مواقفه
يروم العلا والمجد بالمخلب الوافي
و لا دين يبقى في رقاب طليقة
الا يطلع له طليب ونكافي
زمان تغير والبشر ما تغيروا
او الناس تتغير والازمان زلافي
فلا ورة الا به شوك والبشر
كذلك بهم ورد وشوك وسفسافي
ومن رد للسفساف راسه وهامته
تنازل عن الامجاد واهفى مع الهافي
ومن لا يمدك بالحمية بوقتها
وفعله معك بمجرد العين ينشافي
خله يروح ولا ترجاه ينفعك
من صد عنك بوجهه لقه بالاكتافي
لا بد ما توريه الايام وضيمها
ويمشي على القدام من حوفها حافي
فلا تخلفك ريح من الشرق عاتية
ولا يخلفك موج من الغرب قضافي
موت الفتى بالسيفو مذلق القنا
اخير من موت الجرادة بصفصافي
بالعز لو جسمك بالامراض ممتلي
وعرضك نظيف تعد طيب ومتعافي
خلك عزيز ولو يحذفونك البشر
من عجز عن دربك يصير الك حذافي
ايضا ولا تعجب فذي حالة الملا
كلن على طبعه يحب التصرافي
للدر غواص تحت غبة البحر
وللزين قطاف وللشين غرافي
فلا ترشف المغراف لو حدك الضما
ولا تقتبس من نيرة جمره طافي
ولا تسايل واحد ما يسايلك
ايضا ولا تاخذ اسلوب التلقافي
وليا درج من دارج الهرج سالفة
اصمت لين الهرج يكمل ويستافي
وليا حصلك فرصة قول ما تشا
بشرط ان كلامك واقع هادف ضافي
وليا اعترض عرضك من الناس عاقة
وقال بك قول مع فعايلك متنافي
اشقه على رجل تقدس طبايعه
حليم حكيم صاحي الفكر عرافي
ان طاع نصاحه فلا تبحث الخفا
خلك حليم وشوم عن شم الاعدافي
وان غره الشيطان كدر مشاربه
واسقه بعد شرب الهنا سم ازعافي
وارمه كما يرميك واسحل له الدوا
وقل هكذا حكم العدالة والانصافي
وان جت من الادنيينزلت تخاطرها
لو هي كما بانين ولا جبل قافي
ربعك ذراك ولا يذريك غيرهم
هم سعد عينك يوم الارياق نشافي
ايضا ولا تغضي بعينك عن العدا
رهف لهم حد البواتيع رهافي
الخير يجزا خير ويعان صاحبه
والشر ضده شر في كل العرافي
ليا اعذرت ثم انذرتجود مضاربك
واتكل على الله في المغازي والانكافي
من شاف منك العزم عزك وقدرك
ومن شاف فيك الضعف هفك بهفافي
واصحابك اعرفهم وجرب اعزومهم
حتى تعرف اللي يعزك من الجافي
ترى بعضهم ليا ضحك لك بناجذه
لو مت ما كثر عليك التلهافي
يضحك معك بالحيل في ساعة الرخا
وان رز عنقه قلت لا والله سنافي
وان بارت الايام اعتزت فزعته
شفته ذليل صاقط يعطي الاسدافي
وان هاموا النذال بتختخ الوطا
اشرف كما القرناس في راس مشرافي
وبالقدر سوم الناس كلن بواجبه
حسب المنازل لا تشرط ولا خلافي
ولا تبذل المعروف في غير صاحبه
ترى الردي يقضي لزومه ولا يافي
يا زارع الصبخة خسارتك زرعها
على سطحها يطلع لك الملح قفقافي
فلا خير فالدنيا بليا جمالها
وجمالها من خيرة القوم عرافي
بيت بلا سقف قليل به الذرى
ودار بلا ربع صناديد تنعافي
الشاعر: فيصل بن منصور الرياحي البقمي -رحمه الله-
المواضيع المتشابهه
الشاعر فيصل الرياحي : صفا صافي صفيت
العرض الشجري