[poem= font="Traditional Arabic,6,black,bold,normal" bkcolor="transparent" bkimage="" border="double,7,blue" type=1 line=0 align=center use=ex num="0,black"]
معقول باقي من الشهر .. 10 .. أيام ؟؟ = معقول راحت منه .. 20 .. ليلة ؟؟
شفتوا أجل مرت بنا مثل الأحلام = مامن جديد وكلّـن يعيش جيله !!
اللي معانا العام هـالعام ما صـــام = منهو ضمن مستقبله وش يجيله ؟؟
في جيلنا مادامت لـجيش صدّام ! = وفي جيلهم وين أبرهة وين فيله ؟؟
كذا الحياة تمرّ عام ٍ ورى عام ! = كم فرّقت بين الخليل وخليله !!
شف الليالي كم تقضـّـت بـالأعوام = وحنـّـا نقول أن الليالي طويلة !!
ياهوه صحصح عندنا لك خبر هام = نصّ الأماني في الحقيقة قتيــــلة !!
دنياك هذي حزن وجروح وأوهام =ومالك على دنياك مكر ٍ وحيــــلة !!
كم واحد ٍ ودّع حبيبه وسط خام = وعلى حبيبه حدّر الدمع سيـــله !!
بكى فراقه مرّت أيام مانام !! = بكى وروحه من فراقه عليـــلة !!
لكن نسى إنه كذا بعد أيام= نفس الأيادي يمّ قبره تشيـــــله !!
يارب عفوك .. قبل تلتف الأقــــدام = يوم الخليل يخون عشرة خليله !!
ويارب ثبـّـتنا على دين الإســـلام = واللي خذاه الطيش تهدي سبيـــــله !!
أقولها والعمر لو طال مادام = وإعرف سنين العمر ياخي قليلة !!
والحين باقي من الشهر .. 10 .. أيام = طالبك عوّض فيه .. 20 .. ليلة !![/poem]
[align=center]أحببت أن أعيدها هنا بشكل آخر فسامحني أخي بورك فيك .[/align]
المواضيع المتشابهه
معقول .. باقي من الشهر .. 10 أيام ...؟؟ ... كيبوردية .. لـ الخيمة .. الرمضانية ...!
العرض المتطور
