بعض الاعضاء يطالبون

[يتيم الامه]

بعض اعضاء مجلس الشورى يطالبون بألغاء اسم القبيله من الهويه الوطنيه ارجو تثبيته ومناقشته من جميع جوانبه ولكم تحياتي

[طليفيح]

هم الله يهديهم دايم يطالبون بشي تعجيزي

والله اقول لو يضل اسم القبيلة مايضر شي

تسلم يايتيم الامه

[يتيم الامه]

شكرا لتفاعلك الطيب لكن يا عزيزي اعتقد لها فوائد من اهمها محاربة العنصريه بالتوظيف والامور الاخرى

[حزن]

مالهم حق أبداً

لو يطبق النظام ما وجدت العنصرية بالتوظيف من أصله

لو فيه متابعة من جهات عليا في حالات التوظيف ومتابعة سباقات الوظائف والمفاضلات ما صارت الفوضى اللي نعيشها بسبب الواسطات

الغاء القبيله ليست حل

بل مشكلة أخرى

[يتيم الامه]

احترم رايك ولك الشكر على المشاركه

[عجاج]

[align=center]هع هع هع هع هع هع هع هع هع

حتى لو أزالوا أسم القبيلة من الاوراق تبقى عندنا اللهجة ونبقى نتعارف بها مثل قبل

إلا كان بيدخلونا دورة لغة فرنسية ويجبروننا نتكلمها 450 عام يمكن يقدرون علينا ,,,,[/align]

[goree]

والله شيء حلو


بس أشبه بالمستحيل
الناس انزرعت بنفوسها العنصريه
والميل الى ابناء القبيله
ولو على الخطأ


شيء مؤسف



ربي يسعدك

[يتيم الامه]

ويسعدكم جميعا وينزع غل العنصريه من قلوبنا ويعمرها بالايمان الصافي

[ولدالرياض]

اسم القبيله شي زين ومن حق اي واحد انه يفتخر بقبيلته ، والمشكله الحين أن الواحد يجيه تفاكير يقول لو انا مو ولد قبيله كان سويت كذا واشتغلت كذا وعملت كذا بدون محد يحسسه بالنقص راح يكون لنفسه دخل مادي محترم بدون أي عيب أو نقص من الناس.
اللي ادهى من كذا لمى نشوف واحد يشتغل خضار اوعمل يكون من هالمستوى نقوله والله ماشاءالله عليك، يعني كأننا نقول والله انك بايعها تشتغل كذا وانت ولد القبيله الفلانيه ، مع انه مافيها شي مهنه شريفه ويكفي ان دخلها واضح انه انشاءالله مافيه اي مدخول مادي حرام.
والحكومه لمى فكرت انها تشيل اسم القبيله اكيد انها شايفه شي به فايده من القرار وهم كل همهم انهم وشلون يحسنون مستوى دخل الفرد السعودي بأي طريقه كانت وانشاءالله ان الله يعطيهم على قد نيتهم ويكتب الصالح لنا ولهم.
ونسيت اقول ان مجلس الشورى الناس الي فيه هم اصحاب دراسات عليا، مفترض انهم متطلعين على كل شي .
وهذا مجرد رأي شصي

[يتيم الامه]

بارك الله فيكم لمشاركتكم بارائكم النيره