قصيدة لشاعر جوهر بن غالب الحربي يخاطب بها الشعر وهي من أجمل القصائد التي كتبها.
بعد ما صار كل من هب ودب شاعر.....
صدفه لقيت الشعـر فـي قسـم الأعصـاب""يـبـي يـشـق الـثــوب ومحجـزيـنـه
وأسمـع وراه بغرفتـه صـوت وطــلاب""أحـد(ن) يبـي يحمـاه وأحـد(ن) يديـنـه
وسئلـت عنـه أهـل العنايـه والأطـبـاب""وش صـاب حـال العـود يـا معالجيـنـه
قالـوا مريـض ودخّـل أشهـار منصـاب""والـظـاهـر انـــه مقفيات(ن)سنـيـنـه
قلـت أبـا زوره عجلـوا فـكـوا الـبـاب""قالـوا مريـض ويزعجـك فــي ونيـنـه
قلـت أن هجرتـه عمـد يلحقنـي أعـتـاب""تكـفـون لا تقـفـون بـيـنـي وبـيـنـه
قـالـوا تفـضـل دون تقيـيـد وحـسـاب""لـو كـان حـال العـود مـاهـي بزيـنـه
وجيته وهـو مـن ضجـة النـاس مرتـاب""وقـام وتنهـض فــي وقــار وسكيـنـه
عليـه مـن لـبـس العـيـادات جلـبـاب""وسلـك المغـذي رابـطـه فــي يميـنـه
وحبيـت خشمـه وأقبـل الدمـع سـكـاب""وأبـطـى يطالـعـنـي بعين(ن)حـزيـنـه
جسمـه نحيـف ولحيتـه كلـهـا تــراب""وبعـض الكوايـا واسـمـات(ن) جبيـنـه
معـروف مـا بيـن القرايـب والأجـنـاب""شكـل بـدوي معـروف مـلـه وطيـنـه
قلت انت وشلونك عسـى مـا بـك أسبـاب""وقـام يتلـقـف عبـرتـه فــي يديـنـه
قلت أنـت لا تبكـي تـرى عنـدك أقـراب""قـرابـة الـمـولـود مـــن والـديـنـه
ومش الدموع وقال ويـش أنـت يـا شـاب""فـلان وبــن فــلان وفــلان ويـنـه
نـاس(ن) ثنـوا مـن دون حقـي ولاغـاب""يــوم إنـهــم حـيـيـن متوارثـيـنـه
متوارثيـن الصيـت والصيـت مـا خـاب""ياطـيـب صيـتـي عنـدهـم حافظيـنـه
حاميننـي مـن كـل جـاهـل وغـصـاب""مـن مــد كـفـه للعـبـث خاصميـنـه
واليـوم شـوّه سمعـتـي كــل مغـتـاب""يلعـب علـى الحبليـن مـحـد(ن) يهيـنـه
إلاّ قليـل(ن) مـن كثيـر العـرب طــاب ""تالـي رجايـه عـقـب ذقــت الغبيـنـه
لعلهـم يبـنـون بيـتـي بــلا طـنـاب ""فـي وجـه صلـفـات اللـيـال المتيـنـه
وحقـي عليهـم ذبــح تسعـيـن كــذاب""ومـن فـوق هــذا شرهـتـي بالثميـنـه
وإن ما فعلوا هـذا فـأنـا مالـي أصحـاب""بكـره تبـي تصبـح عضـامـي دفيـنـه
بلـغ لـي الشعـار فـي كــل الأشـعـاب""تـراك فــي حـكـم الوصـيـه رهيـنـه
وأنتـه تنـوب وكـل شاعـر ليـا نــاب""يصبـح كمـا الـربـان فــوق السفيـنـه
إمـا طلـع و ألاّ هفـى هفـيـة غــراب""والشعـر مـاهـو شــي لــولا سميـنـه
بلـغ شواعيـر النـبـط تـصـدر كـتـاب""عـن عالـم(ن) شعـر النـبـط ظالميـنـه
قلـت الوصيـه واصلـه مابهـا أطــلاب""أبــداً تطـمـن والـمـراسـل أمـيـنـه
وقـام وتلحـف وأنسـدح وأغلـق الـبـاب""وبعـد المـرض عـادت عليـه السكيـنـه
المواضيع المتشابهه
العرض الشجري