روح الغياب

[فهد المويهي]

وش هو يعني لافقدتك ...

والا تفقدني بعد ...

ماني اول .. ولاانت اول من فقد احباب قلبه ...


ياخي اصلاً من يسافر ماظمن يوم الرجوع ....


والبكي وصدق المشاعر ماهو اصلاً بالدموع ...


الحزن طفلٍ بقلبي .... تشبعه روحي وتجوع .....


وش هو يعني لافقدتك ... والا تفقدني بعد ....


تلعب الايام فينا .... نبكي وتضحك علينا ...


وكل ليل يمر فينا وكان ظالم ....


نشعل ارواحٍ بوجهه ... والاصابع ذي شموع ...


وش هو يعني لافقدتك ... والا تفقدني بعد ....


لو بعدنا... لو نسينا... لو رحلنا ....


لونسافر بالظلام ... لو نعيش بلاغرام ...


لو نشوف الليل نور .... ونور فينا يصير ليل ....


لاتقول اني نسيتك ... لاوربي مانسيتك ...


صدق مشتاق لعيونك .... حيل مشتاق لجنونك ....


للجبين اللي كسف شمس القوايل ... للهوايل ..


للرموش .. وللجيوش اللي بها قروم وقبايل ...


للخدود ... وللسواد اللي جرحه سود الجدايل ...


وآآآآآه ياصوتك وشوقي ... وآآآه ياشوقي لصوتك ....وللاماني ...


للمواني ... للبحر لما يتمايل لاهمس صوتك اغاني ...


للدفوف ... وصدرها ذيك الكفوف اللي دفاني ...


من هو مجني ... ومن هو جاني !!؟


وانت تذكر في وصالي ماجبرتك ..... وفي جفانا ماظلمتك .....


وحتى اصلاً لافقدتك ... يكفي اني مانسيتك ....


قرب ونبدا بدايه ... لاني ماعمري نهيتك ...


وحتى لو اني فقدتك .... انت فاقدني بعد ....


صح فاقدني !!!؟؟