استفسار بخصوص ( معهد الشرق + معهد البترول )

[abadyyat]

السلام عليكم ورحمة الله وبركاته


اخواني اشكركم جزيل الشكر على ما تقومون به في قسم الخفجي وانا متابع قديم لكم وجزاكم الله كل خير


لدي استفسارين

الاستفسار الاول : معهد الشرق الصحي

كما تعلمون الهيئة السعودية الطبية منعت تخصصات الدبلوم، معهد الشرق كانت دراسته 2 سنة ، الان صار 3 سنين ونصف ( دبلوم عالي ) يعني ماراح يفيدنا بالتوظيف .. لازم بكالوريوس زي ماقالوا الهيئة .. فهل راح يعملونه بكالوريوس؟؟

الاستفسار الثاني : معهد البترول

مافيه اخبار عن فتح المعهد؟ لان والله طوّل المعهد وهو على هالحالة هذي ومستقبلنا بيضيع وحنا ننتظر وننتظر والخفجي مظلومة لاكليات ولا شيء


انا والله ياشباب نسبتي 89 علمي و قدرات 72 وتحصيلي 68 ولاحصلت شيء

درست سنة في الخارج انجليزي ومستواي ( فوق المتوسط ) على حسب آخر اختبار اجريته

لكن الوضع مايطمن ولا اقدر اطلع لظروف حالية اجبرتني على الرجوع للسعودية

وش تنصحوني :(

[تباشير الصباح]

أنصحك تكمل دراستك في الكويت ولا تضيع مستقبلك في الأنتظار شئ قد يكون أو لا يكون

[شايل]

درست سنة بالخارج وتبي هنا تدرس معهد بترول
انصح ادخل عسكرية ولاتدخل معهد بترول اخرتها
مع مقاول طول حياتك
وبالنسبة للمعاهد ااهلية الصحية
انسى انها تفتح مرة وماراح يفتحونها للابد
حسب الامر الملكي اللي كلنا سمعنا عنه
لانها شهادتها اندرجت تحت التعليم العالي
لما رأوه من مخرجات تعليمية فاااشلة والحين الدولة عندها بالالاف اللي تخرجوا منها
وماجتازوا اختبار التخصصات الصحية من وزارة الصحة
ومكانهم صار بالبيت
ادخل تخصص دبلوم هندسة مثل كلية المجتمع بالحفر قوية وتابعة لجامعة البترول
وماتقبل الا ناس شاطرين بالانجليزي
او معهد الكويت التطبيقي تخصصات علمية
لان بالاخير الوظيفة مضمونة بالاخير ان شاء الله
ولاتضيع وقتك

[أبعاد]

سجل في جامعة الأمير محمد بن فهد وستتحول تلقائيا بعد اجتيازك مرحلة الأنجليزي لمنحة خادم الحرمين كل الي يدرسون في الجامعة على حساب الدوله وانت عندك اساسا لغه يعني امورك بأذن الله ميسره لاتتخبط وتهدر عمرك تابع موقع الجامعة وشوف متى التسجيل ولايفوتك ثق في قدراتك فأنت طالب جيد وكل معلوماتي عن تجربة واقعية توكل على الله وربي يوفقك

[شاب طموح]

اقتباس المشاركة الأصلية كتبت بواسطة abadyyat السلام عليكم ورحمة الله وبركاته اخواني اشكركم جزيل الشكر على ما تقومون به في قسم الخفجي وانا متابع قديم لكم وجزاكم الله كل خير لدي استفسارين الاستفسار الاول : معهد الشرق الصحي كما تعلمون الهيئة السعودية الطبية منعت تخصصات الدبلوم، معهد الشرق كانت دراسته 2 سنة ، الان صار 3 سنين ونصف ( دبلوم عالي ) يعني ماراح يفيدنا بالتوظيف .. لازم بكالوريوس زي ماقالوا الهيئة .. فهل راح يعملونه بكالوريوس؟؟ الاستفسار الثاني : معهد البترول مافيه اخبار عن فتح المعهد؟ لان والله طوّل المعهد وهو على هالحالة هذي ومستقبلنا بيضيع وحنا ننتظر وننتظر والخفجي مظلومة لاكليات ولا شيء انا والله ياشباب نسبتي 89 علمي و قدرات 72 وتحصيلي 68 ولاحصلت شيء درست سنة في الخارج انجليزي ومستواي ( فوق المتوسط ) على حسب آخر اختبار اجريته لكن الوضع مايطمن ولا اقدر اطلع لظروف حالية اجبرتني على الرجوع للسعودية وش تنصحوني :(

أسعد الله صباحك والأخوات والأخوه جميعا" بكل خير

بالنسبة لمعهد الشرق الصحي في شهر رمضان المبارك راح يتضح كل شي ،يعني أما يفتحون كورسات تمريض جديده أو خلاص يكون الأغلاق نهائي . تقدر تتصل بهم على شهر رمضان وتاخذ العلم الوكاد

بالنسبة لمعهد البترول أبشرك ان شاء الله خلال 6 شهور راح تبدأ الدراسة فيه والمفيد أنهم راح يستقبلون أعداد كبيرة الحمدلله ، أما عن الية التسجيل الحقيقه ماعندي فكرة لكن الأيام أطول من أهلها أنتظر وكل شي راح يبين ان شاء الله


وش تنصحوني

ودي أقول أنصحك تاخذ كورسات لكن بما أنك في الخفجي فهذي ياطويل العمر صعبة حبتين لأن مثل ماتعرف الخفجي مع الأسف الشديد مافيها جودة ولا كفائه مع بالغ الأسف وودي أقول أيظا" سجل في أي كورس في الكويت - طب وتخير - لكن أخشى انك ماراح تكمل لأن سالفة انك تروح وترجع يوميا" متعبه جدا" خصوصا" مع المنفذ . أقترح انك اما تنتظر لشهر رمضان المبارك وبلكي تنفرج ويفتحون لكم كورسات تمريض أو تنتظر 6 شهور الى أن يبدأ التسجيل في معهد البترول في الخفجي .
على فكرة أخوي الكورسات المتوفرة لدى معهد الشرق هي - مختبرات وطوارئ - ليش ماأدري ؟! .

أحد الأخوان طرح فكرة تسجيلك في التطبيقي الكويتي ، هي فكرة كويسة خصوصا" أنها أرخص من - شرق - بــ 000 9 ريال تقريبا" لكن فيه أشياء خليها في بالك : أذا تريد تستأجر بالكويت راح تطلع عليك الدراسة فوق البيعه لأن الأيجار مولع الا اذا كنت متحمس للدراسة الله يقويك . الشغله الثانيه ياطويل العمر القبول في التطبيقي يكون بعد مايقبلون جميع الكويتيين لأنهم مقدمين على غيرهم واذا صار فيه شاغر تنقبل ! . برضوه في مقابلة واختابار انقليزي وان تكون لائق صحيا" ( ماادري اذا غيروا الشروط هذي أو لا ) .

أتمنى أكون قدمت لك معلومات مفيده ولو كانت متواضعه الله يحفظك

[شاب طموح]

مرحبا اخوي

صباحك سعيد والاخوه والأخوات . حبيت اضيف معلومات جديده بخصوص معهد البترول لعلك تستفيد منها وجميع الأخوه في الخفجي وهي سيتم قبول 500 طالب في المرحلة الأولى وبالنسبة للتخصصات فهي كالتالي :: تخصص الميكانيكا والكهرباء وتمديد الأنابيب وقسم اللحام والآلات الدقيقة .

أتمنى لك التوفيق ولجميع اخواني واخواتي ابناء الخفجي