[align=center]
.
.
حلمٍ تفرعن في خفوقي وبس مات
ماعاد له لا نبض ماعاد له صوت !!
في داخلي دمعه حزينه وبسمات ..
طفله تنادي للأمل بس بسكوت !!
وبي من سوايا الوقت والحظ كدمات
والناس تشره يوم شرهاتي تفوت !!
ماعدت أطيق اليوم بعض الملامات
مدام راس المال بس لقمة القوت !!
يا قلب يا قلب المعنّى سلامات
تموت وصل وبس لايمكن تموت !!
على كثر ماعشت لوعه وصدمات
وعلى كثر ما أثمر بصدرك التوت !!
ورغم الزمان ولعنته والمطمّات
ورغم أن هالدنيا متاهه وتابوت !!
مازلت أقول : أن أعذب الأتّهامات
لاصار : حبل الود والشوق مفلوت !!
يا بنت جيتك وأصدق النبض كلمات
وأنا على خبرك من سنين مكبوت !!
شاعر ولي بالشعر يا بنت بصمات
ولك في خفوقي أعذب أحساس وبيوت !!
عاشق وفيني من غرامك علامات
وغلاك باقي بالمحاني ومنحوت !!
وأن متّ يبقى بيننا شي ما مات
نبض الوفا لو كان ماعاد له صوت !!
الشاعر .. فلآح العمّاش ..~
.
.
[/align]
المواضيع المتشابهه
وأن متّ .. يبقى بيننا شيء .. ما مآت ..~
العرض الشجري