قصيده للشاعر فراج ابولسان السبيعي

[ناصر السبيعي]

بسم الله الرحمن الرحيم


ارى الجاهل اللي تدبل الكبد هرجاته
على العاقل احسن من منحاته سكاته

ضعيف الروابع قاصر العرف يبلشك
يورى له انه مدخلك وسط مخباته

وليا قلتـه بالهــون والراي نبحثـــه
تعزوى وقام الذيب يفتل شنباته

يقول معصي مخطي وضايع ومنجم
وفتح في مجابه كلمتك كل موجاته

لو انـك تقـول سهيـل هذاك ونظـره
يبذك ضعيف الرابعه في تلفاته

وهـو خابـره ماهـوب غرً بمطلعه
لكن العيا متركزً فوق جمهـــاته

غــلامً ولكـن مثــل ماقـال مرشـــد
يلولا الشعر ما تفرقه من اوخياته

يحسب المراجل في تمسـاس غترتـه
وجوالً اخر ما ظهر من ميدلاته

اايلا جاك في الديوان يذبـح ويصلخ
وهو فالخلا خطرالثعل ياكل شواته

وانا عنـه والي مثـل شرواه مجتبّ
لكن النصيب يحدني صوب حرواته

حداني عليه الي حدا الذيب للغنم
وانا قانعً باللي كتب لي بلوحاته

اجامل واجبـر كل كسـرً يضيمنــي
مادام الشعر راسي يغطي صواباته

وترى كل من جرب وراجع تجاربه
بدت له امورً قيدت في ملفاته

الايـام مدرسـةً تلاميـذهــا البشــر
احدً رسب واحدً تنومس علاماته

حــلاة الفتـى دنيـا وديـنً ومرجلــه
ثلاثً تبث الغيض في قلب شماته

افـعــل وذربيـن الــرياجيــل تشهـــد
يظهر حصانً ينصفك في حمواته

الا حــل في المجلس طويـلً وقاصـر
لو انك بعيدً ذقت نفعه وفزعاته

الاجـواد ما تهفـي للاجـواد قيمـــه
ولا طوحو رايات من رزّ راياته

لا تلفــت لـلـــي هدمــوه تعــوذه
اللي وراى الغافل طوالً يدياتــه

ودّه يشـوّه سمعتك مثل سمعته
والناس تدريبه وتدري بغاياتــــه

مايستوي بيتً يسيس على الصبخ
وبيتً على صم الصفا فوق هضباته

قلتــه وانا ماني وكيلً على البشـر
كلً حسب عرفه ورايه وفكراته

من جـاد لي بالمد بالصـاع زدتله
ومن لا حسبني شي جنبت يماته

نومـي على البيدا جويعً وعاري
احب واشرف لي من الهون وهواته

تمـت وصلوا عدّ مارفـرف الطها
على اللي ختم به رب الامه رسلاته



الشاعر/ فراج أبن عبدالله أبو لسان السبيعي

[أبو رائد]

سلمت يا ناصر

وصح لسان الشاعر


والله يعطيك العافية على القصيدة

[السـبيـعـي]

تمـت وصلوا عدّ مارفـرف الطها
على اللي ختم به رب الامه رسلاته

اللهـم صلـي وسلـم على نبينـآ محمـد ..


صـح لسـآن أبوعبـدالله .. والله لآ يهينـك يا ناصـر على النقـل ..

ولآبخـل علينـآ بجـديد الشـآعر فـرآج أبولسـآن ..

[ناصر السبيعي]

بيض الله وجيهكم على المرور المتميز

[راؤول الـدمـام]

[align=center]قـرأت الـقــصــيــدة بـيـت بيـت وبـحـثـت عـن بيـت ضــعـيـف لــم أجـد, الـقـصـيدة مـن أولهــا لـتـاليــهــا جـزله.[/align]
بـيـض اللـه وجـهــك ووجــه الــشــاعـــر.

اقتباس [blink]ارى الجاهل اللي تدبل الكبد هرجاته على العاقل احسن من منحاته سكاته [/blink]

[align=center]أعتقد إن البيت هـذا يـنـطبق عــلى الفلاسفه في عصـرنـا هـذا[/align]



[align=center][align=center]راؤول الــــدمــــام[/align][/align]