//
//
//
إهداء للرائديه وأهلها كلهم ..
والعيد مبروك عليكم مقدما ..
ظلم الغريب أهـون ولا ظلـم الاقـراب
لأن الظليمـه مـن قريـبـك مصيـبـه !!
وعيب القريب اصعب من عيوب الاغراب
لأن القريـب يعيبـك الـلـي يعيـبـه !!
والله مايـذبـح طويلـيـن الاشـنـاب
غير القريـب اللـي طعـن فـي قريبـه !!
عقب القرابه والغـلا صرتـو احـزاب
ولـحد ٍ جنى مـن فعلتـه كـود خيبـه !!
بالله لايكثـر , تـرى خاطـري طــاب
مليـت مـن كثـر الجـروح العطيـبـه !!
الفرق واضـح بيـن صـادق ونصـاب
والحـق يطلـع لـو يـطـول مغيـبـه !!
وان كان بالدنيا محـد حاسـب حسـاب
بـالآخـره رب ٍ خلـقـنـا حسـيـبـه !!
وانـا قسـم بالله . لايمـكـن ارتــاب
ولا حـب هـرج ٍ فيـه نمـه وغيـبـه !!
احـب اقـول الصـدق حتـى لـكـذاب
واحـب اجـازي مـن غمرنـي بطيبـه !!
وإلا الـردي لـه عندنـا حفنـة تـراب
وان غـاب ماقلنـا عسـى الله يجيبـه !!
بـس انـت ياليتـك تفكـر بالاسبـاب
لان الظليمـه مـن قريـبـك مصيـبـه !!
الشاعر فهد الديحاني !!
المواضيع المتشابهه
العرض العادي
