(( خلقت في الدنيا ))

[رمح الشمال]

سجه مع،،، الهاجوس طبيعـةٍ لـي "
" طبيعةٍ بامـوت مـا جـزت عنهـا
اشكي على الخلاق وارفع لـه يـدّي "
" لاكثـرت الأفكـار يفـك منـهـا
أما الكرم،،، قد فاز به حاتـم الطّـي "
" حتى الفرس من شأن ضيفه طعنهـا
خلوني أكرم في حياتي وأنا،،، حّـي "
" لامت ماأدري جثتـي مـن دفنهـا
خلقت فالدنيا وأنا مـا معـي شّـي "
" وبروح منها ما معـي شـي منهـا
لابد ما نرحل عن المـزح والغّـي "
" ونسكن بيوتـاً قبلنـا مـن سكنهـا
مسكين ياللي تحسب الواجـد شـوّي "
" والعافية لـو تنشـري وش ثمنهـا
يا جاهل الدنيا تراهـا كمـا الفّـي "
" يا مخبل اللـي فـي حياتـه ومنهـا
أن ناحرت لك قامت تروح وتجـي "
"مثل الذلـول اللـي طويـلاً رسنهـا
وأن دبرت خلتـك طايـح ومرمّـي "
" وكم واحدٍ له حاجـةٍ مـا ضمنهـا
يالله عسى الحسنات تقضي على السّي "
" لا قربـوا للنفـس ذرعـة كفنـهـا

[أبومحمد]

رمح الشمال

يعطيك العافية على هذه القصيدة

وياليت تكتب لنا إسم الشاعر



دمت في حفظ الباري,,,

[رمح الشمال]

ياهلا أبومحمد
الله يعافيك ويجزاك خير
الشاعر مبارك بن بخيت
وشرفتنا بمرورك

[أبو رائد]

سلمت يا رمح الشمال

والله يعطيك العافية

على هذا الاختيااااار


والله يعطيك العافية

[جليس الرائدية]

صح لسان الشاعر . .

ولا هنت يا رمح الشمال على هذا النقل الطيب . .

لك الشكر الجزيل على هذا الطرح . .

وتقبل أصدق تحياتي . .

[حاكم المطيري]

.

..

...


هذي القصيدة لـ الشاعر / مبارك بن بخيت السبيعي..

وهو من سكـان الجبيل حـاليـاً..


لاهنت على نقلك الرائع رمح الشمال..


...

..

.

[داعــ العين ــج]

هــلا بك


رمح الشمـآل




قصيـدة رائعــة


واختيـآر موفق



سـلمت آنـآملك على النقل المميز