[align=center]الأحبه هنا
أسعد الله أوقات الجميع بالخير والمسرات .. ويسعدني الإنضمام إليكم..
هنا مصافحه أولى أتمنى أن ترتقي لحجم ذائقتكم الشعريه ..
..
أحياناً تجتمع في قلب كل شخص أمور مجرد التفكير فيها يثقل كاهل ذلك القلب..
قد لاتكون مهمةً للآخرين .. ولكنها مهمة لذلك الشخص الذي يحملها في قلبه
هنا بعضٌ مما يؤرقني مجرد التفكير به
....
..[/align]
[poem=font="Times New Roman,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الصدر يحمل في خفايا كنينه=أسرار لاثارت يضيقن الأنسام
كوكتيل منه القلب يندا جبينه= ودّي اسولف به واقوله من العام
على ضفاف الحزن به ياسمينه=تصارع ظروف الليالي والأيام
لو انها صارت لحكمه رهينه=مابقيت آمالٍ ولاعاشت أحلام
حلمٍ فقد لحظة لقا والدينه=قبل اللقا خلّوه من ضمن الأيتام
تعاهدوا يحييون أجمل سنينه=بس العهد بين الحبيبين مادام
الحلم عاش بهمّ أبوه وأنينه=يوم أمه اختارت تناساه ويضام
يعيش ظامي في صحاري حنينه=والمزنه أقفت ما بها غير الاوهام
عاشق سجين وأمنياته سجينه=جهّز لها في داخله قيد ولجام
يفتل شوارع غربته بالمدينه=غريب مع ناسه تطاوله الأسقام
يرسم تفاصيل الحياة الحزينه=على جدار الصمت باحساس رسام
محدٍ يشارك حزنه إلا قرينه=يكتب معه شعره وخلق الله نيام
فصّل لكتم اسرار قلبه خزينه=محدٍ بسرّه غير ربه بعلاَم
ننسى شوي حكاية الياسمينه=والحلم واللي سبّب جروح وآلام
ونشوف قصة من سعى بالضغينه=يسعى بهدم بيوت مبنيه اعوام
تافه منافق كل صفاته لعينه=حاسد مفرّق واشي ونذل نمّام
مايدري إنا ندري وشايفينه=بس نترفّع هو كذا طبع الأكرام
ومن صدّقه فـ الله بيني وبينه=دامه سمع بي هرج حاسد ولوّام
مـا احنا ليا منه ذلف تابعينه=جعله مهف مقيط ياجعل ماقام
ننسى شوي الحقد ومصدّرينه=ونشوف حال اللي بعد عزه انضام
الشعر وينه ياعرب بس وينه=طايح طريح فراش محكوم بإعدام
شلّه تمص دماه مستنزفينه=مستشعره ماتكتب الشعر بإحكام
وحنا علينا نتعب من الغبينه=نسمع مهايط يوجب نعض الإبهام
يتبعهم اللي بالشعر جاهلينه=والمشكله لاصار في قسم الإعلام
يروّج لهطقه وهزله وشينه=ويلمعه ويقارنه بأبو تمام
ولا احدٍ شكا ياغير متذوقينه=ينعون أبا الطيب ويشكون الاجرام
الله يقطع جنس مستشعرينه=يستاهلون القصع بكعوب الأقدام
ننسى شوي الشعر ومخرّبينه=واللي سعوا في كسر شذرات الاقلام
الونــّـه الكبرى بقلبي دفينه=المشكله من جنس خاين وهدّام
إرهابي وقاتل وخاين لدينه=وخاين لسلم اجداده الغر الأحشام
يغرونه الحسّاد ومصرفّينه=الله يلعن شرذمة جنس الأقزام
حنّا أساس الدين يامبتلينه=ومن عندنا أشرق للأقطار الإسلام
كوكتيل خلاّ الشعريندا جبينه=وده يسولف به ويصرخ من العام
واليوم مابه غير هالياسمينه=تصارع الواقع ودورات الأيام[/poem]
المواضيع المتشابهه
[/align]
العرض العادي
