&&&& لمسه تقول قصيده &&&&

[لمسه حنان]

السلام عليكم ورحمه الله وبركاته 0000اما بعد


هذي قصيده قريتها وعجبتني وانقلها لكم واتمنى اعجابكم واريد من يمر ويقرأ القصيده يضع لها عنوان000000000


صارت حياتي كلها هموم في هموم***** الى متى وانا بحيــات التعاسـه

اشكي قساة الوقت ماني بمليــــوم***** قسى زماني وصار مابه وناسه

عقب السنيـــن الي بها عـز وعــزوم***** اسري سواد الليل واقطع عماسه

مشيت في ديـار بها جبـال وحـزوم***** مشية شرف ماهي مشيـة دناسه

قناص جبت الصيد من راس زمزوم***** وخاويت ناسنً ماتعرف النجـاسه

اليوم اماشي جيل مايفارق النــوم***** يحطلـــه مكيــــاج ويكـــد راســـه

لارحم جــده لايصلــي ولايصــــوم***** ويقلــد الحــرمه بكــــل الحمـاســه

ومـن هـرجتـه ماودك يجيك بعلـوم**** وتلقـاه لابـس جنـز ماهـو مقاســه

يقول ذي موضه في عصرنا اليـوم***** خكري وعايش في زمان الخياسه

مايدري انه تالــي الوقت مهــزوم**** لــو ارتفـــع راســه عجـل انتكاســه

والا الرجال اللي لها قدوم وسلــوم**** راحو وعشنــا فـي حيــات المـاســه

من عقب غاب الصقر والبومه اتحوم**** تعلمــت حتــى هجــوم الفــراســــه

يعيش راعي الفكر والعقل مظلوم **** وهــو درس ســـود الليـالـي دراســه

عايش بها مضيوم ويموت مضيوم **** والله يخــارج مــن حيــاة الفــلاســه


وتقبلوا تحياتي

لمســــــ حنان ــــــــــــه