نافذه خاصه:الرعد اخبار حزينه سعيده حكايات مقالب مواقف(مع وضد) الاداره والمشرفين

[الرعد]

بسم الله الرحمن الرحيم
السلام عليكم ورحمه الله وبركاته

إخواني وأخواتي الرائديين ..

بمناسبة اقترابنا من رفع مؤشر اسهمنا بمنتدى الرائديه ل 70 نقطه وانشاء الله يرتفع اكثر واكثر حتي يسترد كل واحد منا خسارته واتمنى ان يتدخل الهامور ابو رائد وعبدالعزيز الجلعود والهاموره ابتسـ الم ـامه بدعم المؤشر ب 90500 نقطه ليصعد مؤشري ل 20000 وعندها سيقوما الاخوان ابو الهنوف ووسطام الشمري بعمل دراسه خاصه للتاكد بان الرعـــــد سيستعيد ماخسره بالاسهم السعوديه بل ويكسب فوقها مبلغا من المال يغنيه لمدة اسبوع ....

نخش بالموضوع

بمناسبة اقترابنا من تجاوز الى 70 نقطه بمنتدى الرائديه فانني قررت ان ابتكر شي مخالف لما جرت عليه العاده بين الاصدقاء ...

لقد قررت ان اقوم بشي مختلف المره هذي شي ما بعد شفته باي منتدى اخر يمكن فيه بس انا مانتبهت شي نعم لقد قررت ان اخصص هذا الموضوع لـــ الرعــــد يتحدث به عن تجارب مر بها بهذا المنتدى وعن امور اسعدته واخرى ازعجته يتحدث عن امنياته واحلامه عن رغباته عن مواقفه المحرجه والمفرحه عن مواقف الاداره وبعض المشرفين (معه او ضده) عن مواقف بعض الاعضاء الحلوين عن الخاص عن العام عن الماسنجر عن.... عن..... عن...... باختصار ساعتبر هذا الموضوع هو نافذه( اخلاقيه ) انفث بها ما بداخلي عساها تفك عني ازمة سكنيه فالمشاكل والافراح لم يعدا يجدان لهما مكانا يسكنان به لا بالصدر ولا بالقلب لان كل الشقق بهما محجوزه

عموما اتمنى ان لايقلقكم الموضوع وان لا يسبب لكم اي ازعاج ولكم خالص شكري وتحياتي


الــــــــــرعد

[xcon]

الرعد

فكرة جديدة جداً

ننتظر منك هذه المواقف

و الله يجيب اللي فيه الخير

[الجوووري]

هلا وغلااااا الرعـــــد


يالله حنا ننتظر هالمواقف ..

وكثر من المواقف المحرجهـ ( الحشرات ) هـــع


يعطيك العافيــــــة على الموضوع الحلووو ..

[عبدالحكيم]

انشاءءءءءالله كلها حلووووه

وبنتظاااارك يالرعد...

وعقبال المليون نقطه

[أبو رائد]

يا هلا فيك يا الرعد

وحياك الله ..

فكره جديدة ومبتكره

فأهلا بك وأهلا بفكرتك

[ناصر الزعبي]

فكرة حديثة وحلوة يعطيك العافية الرعد

[الضيغم]

مشكور يالرعد على طرح الفكره هنا ..

وماتقصر حيلك فيهم ههههههه ( الحشرات) ..

بالتوفيق للجميع ان شاء الله ..!!

[][][ SiCK_LOvE ][][]

تأكد اني اول واحد بتقبلها بصدر اكثر من الرحب

حلو انك تسمع من غيرك وتستفيد من تجاربه

اشكرك على الموضوع الحلو

اخوكم : ســـــيـــــك

[فـتـــــــــون]

لووووووووووووووووووول

حياك الله

ومقالبك

.

.

.

حنا لها ياحلوووووووووو

.

.

بالتوفيق

[الرعد]

اولا :

هلا وغلا
xcon .... الجوووري ... حكومي ... ابو رائد ... سهل المشاعر ... عادل الشمري ... ][][ SiCK_LOvE ][][ ... فـتـــــــــون

مشكورين على مروركم هنا

ثانيا :

مادري من وين ابدا بس اقول باتوكل على الله ثم اترك العنان للفكر والكيبورد ويارب ماخبص لا باول الطريق ولا بنهايته بس بالوسط عادي نقدر نرقعه

لاحظت شي مختلف بهذا المنتدى والشي هو ان عدد الفتيات المشاركات يفوق بكثير عدد الشباب ومادري ليش؟؟؟ يمكن لان الفتيات يدخلن كمجموعات يعني البنت تدخل ومعها صديقه او اكثر يعني من جد الشباب يكسرو خاطري

بعض المواضيع الهامه والهادفه التي يتم طرحها بهذا المنتدى والتي تعبر عن مشاكل حقيقيه واقعيه نعاني منها يتم التعقيب عليها باسلوب جميل مختصر ولكنه لايضيف شيئا جديدا وكأن كاتب الموضوع مطلع على كل الجوانب والثغرات ومعايش للحدث بمنطقته والمناطق الاخرى وهذا ينفي مبدأ الاستفاده المتبادله بين الاعضاء فان كان كاتب الموضوع ملما بكل جوانبه فماذا سيستفيد من طرحه!!!!

هذه الايام تذكرني بالمنتدى قبل سنتين حين كانت شلة المرح متواجده بقوه وبالفعل عماد اي منتدى ليس العام او السياسه او او او بل المرح والاصدقاء فان تاثرا لاي سبب تاثر المنتدى ككل لان اغلب من يتواجدو بالنت وليس بالمنتدى لوحده يرغب بالترفيه عن النفس اولا ثم الاستفاده ثانيا بعكس اصحاب النظارات الذين يسعون وراء الفائده المعلوماتيه

اكاد اجزم بان من يقتصر تواجده بالمنتدى على العام والسياسه والمراه فان امله ضعيف جدا لان يتقلد اي منصب اداري حقيقي بحياته الخاصه بل ان علاقاته الشخصيه التي تفيده ستبقى محدوده وان طال به الزمن

وش حكاية شمالي ؟؟؟؟؟؟؟؟ الله يذكره بالخير
وش حكاية الحنان ؟؟؟؟؟؟؟ الله يذكرها بالخير
وش حكاية سعـــ ؟ــــد؟؟؟؟؟ الله يذكره بالخير

كلام كثير
خلاصته تثبت ماتطرقت له سابقا < بدينا بالالغاز من الان



اليوم الثلاثاء وانا ماني شايل نفسي تجمعت كل الاشغال ولازم انجزها المشكله ان اغلبها جا بسبب لقافه الكاتب وتورط بعدها

عموما اعود للموضوع الذي كدت ان انساه بس تذكت اني مابعد قلت شي يعني توي بديت

يالله


اول واحد (او وحده) انتقدني من سنين انتقاد "خفيف مثلما قال" كان من الاداره (ادارة منتديات الرائديه ) تدرون وش قال لي؟ قال انت صايع ومنحرف وووووو عموما شكرته على كلامه وقلت له طيب انت سمعتني اقول باني شاب صالح ومستقيم ووواعترفت بانه على حق وكلامه صحيح تعرفو ليش؟؟ لانه حكم علي بالمقياس "المثالي"الذي كان يريد ان يقيس الاخرين به ويحكم عليهم طبعا بعدما فهمنا بعض (بالعام) كسبته وخسرت ابليس اللي كان يشتغل بيننا
طيب فيه سؤال يطرح نفسه والسؤال يقول دامك يالرعــــــــد كسبت الرجال (او البنت) فمن تاثر بمن؟ يعني هل صرت مثالي كما يريدك ان تكون او انه تاثر بك؟؟ تدرون شو الجواب........ليته يكتب الجواب بنفسه


ابو رائـــــــد ...انظر له كمدير عام لا لا اكبر من كذا من جد انا اشوفه ماشاء الله عليه كنافورة جدة اشوفها من عشرات الكيلومترات لشموخها وعزتها بس اذا جيت جنبها انزعج بسببها اذا فيه واحد من الاصدقاء ساكن بجدة ويعرف المكان هذا بيقول تعال الرعـــــد انت كيف توصل للنافوره وهي بعيده عن الشاطي فاقول له المغامره تخلي الواحد يسوي اي شي قانوني وغير قانوني طبعا سبب انزعاجي من الرائديه هو كثرة تعلقه بالتلفونات ههههههه مره قابلته بالماسنجر لمدة 3 ساعات تدرون وش سولفنا فيه!!! كيف حالك انا بخير وحياك الله بالمنتدى وبسسسسسسسسس طيب بالله عليك يا بو رائـــــد من يدفع لي فاتورة الهاتف اللي كنت شابك فيه علشان خاطر عيونك!! طبعا بالاخير ياحنا حذفنا بعض منذ اكثر من سنتين او الماسنجر اعتذر عن تواجدنا بنفس الوقت

سبحان الله واحد من الاعضاء مادري كيف اقنعه اقول له انا غلطان يقول المفروض تسوي كذا اقول له اعترفت لك باني اخطيت يقول المفروض تسوي كذا اقول له طيب خلاص حقك علي يقول لي ماراح اقبل منك اللي سويته اقول له و شتبي اسوي لك؟؟؟؟ تعرفو من العضو هذا!!! وينك يا سامي الشمري اخطيت معه لاني سويت حمله ضد الدووووخي بقسم الضحك والابتسامه والفرفشه ...
وينك سطام الشمري تعال علشان نواصل مسلسل الاعتذارات ونخليه مسلسل مكسكي

عبد العزيز الجلعود هذا صديق عزيز غالي من جد اخلااااااااق روعه تواصلنا انشغلت عن النت او بالتحديد عن منتديات الرائديه (لا تسالو ليش؟) ثم انقطع تواصلنا ومع الاسف الشديد لم اتواصل معه مع ان عندي رقمه وماعنده لي رقمي وانشاء الله اذا شفته بالمنتدى راح اعتذر منه بقوه مثل هذا الشخص انا ضمنته اخ وصديق داخل وخارج المنتدى مو مثل بعض الناس اللي اذا شفته بالمنتدى قلت الله يعلم ان كنت باشوفك بعدين يابوخشة تذكرني بخشة عمر الشريف يوم كان بالعشريناااااااااات << وخرو عنه بدل ماينتقد قام يمدح