يخطي .. بحقّي .. لكاعه .. !!

[ماجد المري]

[align=center]
السلام عليكم ورحمة الله وبركاته

::

من القلب لكل من له قلب ..!!

::

نوّري يا ليلة الشوق لو ليلش عتيم ..

. . . . . . دام ما جاني كفاني قبل وقت الصلاه ..!!

عقب ما طال الجفا جاء مثل همس النسيم ..

. . . . . . صوت من يجرح فؤادي وبيدينه دواه ..!!

(( مرحبا يا حي ذا الصوت والله العظيم ..

. . . . . . كنت ميّت بس ذا الحين دبّت بي حياه ..!!

صوت من حبه بداخل معاليقي مقيم ..

. . . . . . لو يجي غيره ملايين ما شيّء محاه ..!!))

في وصوفه ما يخليه بأوصافه عديم ..

. . . . . . يعني إن جيت أختصر قلت هو سر الحياه ..!!

كل ما يقسى تطبّعت بالطبع الحليم ..

. . . . . . وآتلهوى عن طواريه لو مالي غناه ..!!

يخطي بحقّي لكاعه ولا عيّن خصيم ..

. . . . . . دام قلبي والجوارح وأنا .. ضدي معاه ..!!

فيه نور الصبح مدموج بالليل البهيم ..

. . . . . . وفيه لولوّ البحر من ورى حمر الشفاه ..!!

لا حكا يرتاع قلبي أحسب انه سقيم ..

. . . . . . أثر كسرة حاجبه لا نظرته من حياه ..!!

لا مشى عكس التمايل وعكس المستقيم ..

. . . . . . وإن وقف كنه يتشعّى وهو ماله طراه ..!!

إن رضى كنه السعاده على وجه الكريم ..

. . . . . . وإن زعل ما جاء على البال يا كون الطغاه ..!!

أيه أحبّه .. والمحبه شقا والله عليم ..

. . . . . . بس وينه جعلني مع معاليقي فداه ..!!

راحت أيّامي تتابع وأنا مالي نديم ..

. . . . . . من عقب ما راح غصبا وأنا واقف وراه ..!!

البلا والموت والشين والوضع العقيم ..

. . . . . . لا حصل فرقا حبيبكـ ولا بيدكـ سواه ..!!

آه يا حي التفدّي من شفاه الكريم ..

. . . . . . ومن فقد لبّيه ماله سوى ترديد .. آه ..!!

القهر شوفكـ حبيبكـ وهو ملكـ الغريم ..

. . . . . . وأنت تحسب كل لحظه على رجوى لقاه ..!!

::

أبو رائد .. مالكـ إلا الرضى ..!!

::

ماجد المري
[/align]