ماني اول من يحب ومنت اخر شخص خان

[الدووووخي]

قصــيده اعجبتني ونقلتــها لكم ...



كان لك قلبي مدينه ولاحظ إني قلت : ((كان))


يعني إنتَ الحين واحد ((خارج حـدود المدينه))



ليه مستغرب كلامي وليـه أعطيـك الأمـان


وليه تَكْذِب في كلامك العـذر وينـك ووينـه



ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه



والسؤال اللَّي كتمته وما نِطَـق فيـه اللسـان


كيف إيدك إطعنتني وآنا أحْسِبْهَـا أمينـه ..؟



جرحي ما يرضيه قلبك لو يجـي كلِّـه حنـان


لو تبــوس الجرح فيني ولـو تقبلهـا إيدينـه



يُوم أحبك قلت كلمه : ( يكرَم المرء أو يُهان )


وإنتَ قلبي ما كرمته وما قدرت إنِّـك تهينـه




( عزِّتـي ).. ما هي جديده آنا شامخ من زمان


إغسل إيدك من رجوعي وروح يا .........



طاب خاطر قلبي منِّك وهذي الفرقـى رهـان


وحتَّى لو قلبي يحبـك ربِّـي بفراقـك يعينـه



تدري لما قلت أحبك قلت وما عنـدي ضمـان


وإختياري كان خاطىء تجربه بالحيـل شينـه



كنت تخطي وكنت أسامح مرَّه مرتين وثمـان


أدمح الزله عشانك وأكتـم أنفـاس الغبينـه



كنت أحبك وكنت أعزك والغلا فينـي جبـان


اخاف تزعل لو ألومك ضعت ما بينـك وبينـه



في عيون الناس عادي بس في عيني جنـان


وكان قلبي من يشوفك تفضحه نظـرة حنينـه


ماني أوَّل من يحب ومنتَ آخر شخص خـان


المحبه في زمانك بحـــرها من غيـر مينـه



الفشل .. كان النتيجه وأعتقـد آن الأوان


أبني مستقبل حياتي وأنسى قصتنـا الحزينـه



وخطوتي الأولى غيابك وراح أطبقها عشـان


يبكي قلبك لا فقدني والندم .. يملـي سنينـه



جاي تسأل عن مكانك !! هو بقى فيني مكان ؟؟


الله يرحمها المشاعر اللي كانت لـك رهينـه


قلت لك قلبي ( مدينـه )فيها لك حشمه وشان


لكن إنتَ الحين أغرب شخص في هذي المدينه

[ناصر الزعبي]

اقتباس والسؤال اللَّي كتمته وما نِطَـق فيـه اللسـان كيف إيدك إطعنتني وآنا أحْسِبْهَـا أمينـه ..؟ جرحي ما يرضيه قلبك لو يجـي كلِّـه حنـان لو تبــوس الجرح فيني ولـو تقبلهـا إيدينـه

قصيدة رائعة دوخي ماقصرت

[طليفيح]

الدووووخي

اختيار رائع

تسلم يمينك يابعدي

وصح الله لسانك ولسان قايلها

تحياتي

[~أصداف~]

.
.

اقتباس وخطوتي الأولى غيابك وراح أطبقها عشـان يبكي قلبك لا فقدني والندم .. يملـي سنينـه جاي تسأل عن مكانك !! هو بقى فيني مكان ؟؟ الله يرحمها المشاعر اللي كانت لـك رهينـه قلت لك قلبي ( مدينـه )فيها لك حشمه وشان لكن إنتَ الحين أغرب شخص في هذي المدينه

صح لسآن أحمد الصانع ..
قصيدة رااائعة ..
وأنتقااء مميز ..

سلمت الدوخي ..
لك أحترآمي ..
.
.

[الجوووري]

:
.

جاي تسأل عن مكانك !! هو بقى فيني مكان ؟؟


الله يرحمها المشاعر اللي كانت لـك رهينـه


الله..
انتقاء راائع يالدووخي..,

صح السان قايلهـا

[الدووووخي]

شكرا لك اختي اصداف على اسم الشاعر ,,,

وشكرا لمروركم ,,,

[أبو الوليد]

.






انتقاء مميز وصح لسان الشاعر




يعطيك العافية ولا هنت




بانتظــار كل جديدك القيم





::




وفقك الباري





.. .. ومضـــــــــــــــــــــة .. ..


اللهم انصر إخواننا في غزة ، فرج همهم ، ونفس كربهم ، واشف مريضهم .

[goree]

oOo
روووووعه وربي
وكلماتها قويه
عافاك الوالي

Oo[mark=666666]جــوري[/mark]oO

[حنين]

سلمت يالدووخي على هالنقل








لك كل الشكر

[الدووووخي]

شكرا لمروركم ’’’