التجارة شطارة << هو صحيح؟

[.. أبو ناريز !]

[align=center]السلام عليكم ورحمة الله وبركاته ...

أراد الله أن أكون شاباً مليحاً مرتن بالحيلن لدرجة أنهم يضربون بي المثل بالزين فقالو ( أشفح من فهود ) ...

كُنت شاباً يافعاً وناضجاً كُل النضج حتى أنهم ضربو بي المثل بالنضج فقالو ( فهيدان أنضج من تفاحة ) ...

^O^ <=== مضرب الأمثال في هالخشم هونيا ههه ...

تخرجت من الثانوية العامة بتقدير عونتاز ولد عم المونتاز ... وأراد الله أني ما أكمل دراستي وأصير رجل أعمال وأفعال خمبوقية ...

يقولون التجارة شطارة وفعلاً أنا قدرت أأكد للجميع أني شتور ( شطور ) وتاجرن مهبول ...

بالبداية كان والدي الله يطول بعمره كان بيساعدني بالتجارة فـ أنا قلت لا وألف ( وباء وتاء وثاء وجاء وحين وخين وبقية الخـ(ح)ـروفات والنعجات ) لا ومليون لن تربحه مع جورج قرداحي ( الله ياخذ من علمني اللغة النيجيرية بس ) <=== مهوب يدق في مدحت صبري ( ليتني والله أخسى ) لازم أنا أبدا من مرحلة الزيرو ( سبعة ) وأمشي خطوة خطوة حتى أني أوصل مرحلة المليون من حدر السالب <=== أنهج غاد بس ...

فتحت لي بغالة ( بقالة ) على قد حالي وسميتها ( فهدون بغالة بتوديك للسجون ( <=== اللي يشتغل فيها هندي وهو طلب مني أسميها بهـ الأسم ) ...

وحطيت فيها هندي أسمه ( فلقة ) وكان الهندي ليس خوش في التعامل مع الزبائن البوخلاء حيثُ أنه كل يوم وهو فالقن وغيد من هالوغدان ومبلشني مع فيدينه ( أبوه وأمه ) ...

الوكاد أني كل يوم أربح من هـ البغالة خمس 100 ريال يعني بالشهر 30 خمس 100 وعليكم الحساب ( يعني خمس تعشر ألف ريال دورار يركض قدام مهوب ورى دينار ) ...

خلال ست أشهر فغط قدرت أجمع تسعين ألفٍ من الدراهمي ( الله من القعاطة ماصرفت ولا ريال منهم )

الوكاد أني قفّلت البغالة وفتحت لي محلات ذهب وسميتها ( مرايا ذهب ضد الكسر والخدش <=== الهندي فلقة أثر علي بتسمية المحلات ) وحطيت إعلان أول ثلاث أيام ترى المحل مجاناً وماراح يفتح المحل إلا عقب ثلاث أيام<=== مشكلتي غبي بس بنفس الوقت ذكي ...

المهم أخواني أربعه كلهم تزوجو وأشترو ذهب لحريمهم من محلي دين والتسديد عقب سنة وخسرت خسارتن مهيب هينة وقفّلت المحل ...

وقلت ياولد مالي إلا أبسط بحراج بن قاسم ...

وبسطت بحراج بن قاسم وفتحت لي محل وحطيت فيه مكيفات بيتنا الغديم ومسجلات أخوي خالد اللي من كثرها ماليه حوشنا وما تقدر تدخل البيت إلا من سطح جيراننا تقمز منه لسطح بيتنا ...

وربك حميد كثرو الزباين وصرت أشوف الخمس 100 ريال ريال واحد بس حتى أني مره من المرات من الفسق كنت متغدي ومالقيت منشفة ( فوطة ) وتمحشت ( نشّفت ) يديني فيها ...

وأنتقلت من حراج بن قاسم وفتحت لي محل كوبير بشارع العوليا وسميت المحل ( مانبي بدو حضر وبس ) وكان المحل لبيع الأثاث ...

مع الأيام جتني بنية وش حليلها قالت لو سمحت أبي أثاث كامل ...

قلت أنا كم غرفة في بيتكم؟ قالت أحترم نفسك قصر مهوب بيت ولا فيلا ...

قلت بنفسي أعقبي يالـ خك خك والله لو تعرفين منهو أنا كان ما قلتي هالحتسي مير ببلعها وأمشيها لتس هالمرة ...

من عيوني خذ مراسيل الغرام ///// كان تفهم في لغة حب العيون

مقطع خمبوقي عدوه رياء خاص << جويتي الأخ

المهم يوم رحنا قصرها إلا طلعت بنت نعمة ( وحوصة بنت عمها ) وطلع عندهم عشرين جناح بالقصر وكل جناح فيه حول الخمس غرف يعني فرصة العمر جتني أرفع السعر ...

قلت شوفي يابنت الأجاويد ( يوم قلت يابنت الأجاويد حسيت أنها ودها تقول أنا وش طيحني بذا الطعس ) تكلفة الأثاث للقصر هذيا راح تكون حول الـ خمس 100 ألف ريال ...

قالت مو مشكلة الفلوس أهم شي أبي أثاث متعوب عليه تكفى لأني عازمة صديقاتي بوكرا ( شوي وأقول لها وش رايك تعزميني معاكم ) ...

قلت أبشري بختار لتس أحسن موديل وصلنا من إيران قبل أيام وكنت حاجزه لقصري الجديد بس بخليه لك ( <=== يقاله ينذخ = يسوي مثلها يعني تسنه ولد نعمة بنت عم حوصة ) ...

المهم أعطيتها الأثاث وأعطتني ال خمس 100 ألف ريال ...

وقّدر الله ورحت الأحوال المدنية وخليتهم يكتبون لي أسمي بالبطاقة هكذا ( الشيخ فهد ولد النعمة ) ...

<=== ياهو يدق ذا الطعس

المهم وأنا راجع البيت سلّمت على الوالد ورحت لغرفة الوالدة وسلّمت علاها وشوي قالت ياوليدي أبيك شوين <=== ماتقول شوين إلا فيه بلى وراها

قلت هلا يا ميمتي وش تبين قالت أبيك تتزوج وأشوف عييلك ( عيالك ) قلت أبشري بس من تبين تخطبين لي ترى أنا ما في بالي أحد قالت أنت أشر وأنا أركض وأخطب قلت مدري شوفي لي أي وحدة بس تكون نكدية لإني مليت أبي أتنكد لو مره بحياتي ( ما شاء الله علي الله يبعد عننا الضر )

المهم وخطبو لي وحدتن يادين الله إسم الله علاها وحواليها ياحبي لها

ليلة زواجي وأنا رايح قصري أبي أنهج لحريمتي دق الجوال حقي ( ياخي قفّله ) ورديت علاه إلا طلع الباكستاني حق محل الأثاث وقال ياعمي الشيخ ألحق علينا المحل أحترق

وقلت أنقلع نتفاهم بعدين ...

<=== مهوب رايق وراه حرمة تبيه

المهم أول مادخلت على حريمتي سبحان الله أول مارفعت غطوتها وأطالع فيها إلا ذيك البراطم اللي البرطم الفوقي يقول للبرطم التحتاني لما تفوك ما ح تسوك حشا تسنهم مجلدات شكسبير << يا بيخك

وطلعت من الغرفة وطلقتها ورحت محل الأثاث <=== ماعنده وقت

ويوم رحت المحل إلا المحل كله محترق وأنا أقعد أتحسر عند محلي وأصيح و أنيح على حالي ( وجه يبكي <=== مالقاه مع الإبتسامات )

.@.أنتهت.الغصة.@.

الفائدة من الغصة :

1- لا تصدق اللي يقولون لك أبدأ من الزيرو

2- نفس رغم واحد عشان نأكّد عليه

3- إذا جيت بتقرأ الموضوع رياء خاص قفّل الإتصال عشان ماتخسر <=== بدري يالشيخ فهد

4- أقنع باللي أنت فيه وإذا دخلت مجلس حريم أركض وهج قبل تجيك عين <=== نصيحة خنفشارية

أتمنى أن يحوز الموضوع يحوز على رضاكم

أخوكم / الشيخ فــهــد [/align]

[أبو رائد]

قصيده


سلمت



موضوع يستحق القراءة

اقتباس 3- إذا جيت بتقرأ الموضوع رياء خاص قفّل الإتصال عشان ماتخسر <=== بدري يالشيخ فهد

بس لو حاط هذا من بدري ..

[حنين]

يعطيك العافيه قصيدة







وبعدين الحريم وش فيهم

اقتباس - أقنع باللي أنت فيه وإذا دخلت مجلس حريم أركض وهج قبل تجيك عين <=== نصيحة خنفشارية

[ابتسـ ألم ـامة]

[glint]هـــلا وغـــلا

أخوي قَصِّيْدَةْ [/glint]

التجارة شطارة

وجذب انتباه الأعضاء للمواضيع شطارة

وكتابة هذه القصة بكل ماتحمله من تشويق ومواقف طريفة شطارة


وبهذا


أثبت أن شتور هههههه أقصد شطوور


سلمت يمناك ويعطيك ألف عافية


أتمنى لك مزيد من الشتارة

يؤيؤيؤيؤ


أقصد الشطارة



بانتظار جديدك


دمت بود


كلمــات مــن ذهــب

قالوا في التسامح
كن كشجرة الصندل فهي تعطر حتى الفأس التي تقطعها

[.. أبو ناريز !]

هههههههههههههههههههه أبو رائد أجل حقك علينا نسينا أنك تدخل النت من dailup

نصيحتي لك تشترك مع أوربت لو تخلي النت شغال أربع وعشرين ساعة ما بيضورش ( توني جاي من خويي المصري )

مشكور حبي على حضورك

[.. أبو ناريز !]

هلا بك خيتو حنين

وعليكم السلام ورحمة الله وبركاته

الله يعافيك

اقتباس وبعدين الحريم وش فيهم

هههههههههههه أبي أفهم الحين اللي مسوي إختصار أبو وجه أحمر وراه ناسي يحط الخشم

الحريم أحلى شيء بالدنيا الله لا يخلينا منهم بس لا بد من محارشهم مهما كان

يعطيك العافية على حضورك أختي

[.. أبو ناريز !]

هلا بك أختي ابتسامة ألم

اقتباس التجارة شطارة وجذب انتباه الأعضاء للمواضيع شطارة وكتابة هذه القصة بكل ماتحمله من تشويق ومواقف طريفة شطارة

عنوان الموضوع نصفه

اقتباس أثبت أن شتور هههههه أقصد شطوور

هههههههههههههههه

شتور << كنه أسم أفغاني


تسلمين أختي على حضورك

[أبو رائد]

لا يا قصيده اشتراكي مو dailup



اشتراكي ستلايت



لكن من شركة اوبن سكاي

[.. أبو ناريز !]

أبو رائد

أجل ما تعوق معك تروح الدوام وتخلي النت يشتغل

الله يهنيك فيه

مو مثل حالاتي من مقهى لمقهى

لا ومن زين الطبايع أحياناً ـتهاوش مع منان ( هندي المقهى ) إلا صلح لي شاي إلا ماني مصلح << هالآدمي مزاجي ودي أسفره على بومباي على حسابي

مشكور على تواصلك أبو رائد