أهلا وسهلا أعزائي الفكاهيين <<< مقدم تلفزيون
ترى هذا الموضوع طوييل طويل طويل طوييييل للغاااية فأرجوا عدم الكسل وارجوا قراءته بعد قطع الاتصال
أدري انكم غير متحمسين إنكم تقروا هذي الحادثة السرية التي وقعت لي
لكن ارجوا قراءتها وارجوا التعليق
بداية القصة:
================
يوم عادي كبقية الأيام ، صحيت من النوم كعادتي بعد أن أزعجتني الأحلام وبعد أن ختمت جميع الأحلام من كثر النوم <<<< شريط سوني
وأشوف نفسي طحت على الأرض بسبب حلم طفش مني من كثر ما اشوفه قام الحلم رماني على الأرض يبغاني أصحى لأنه طفش مني ، بالضبط زي لمن تقعد تلعب لعبة وحدة في السوني وما ترضى غيرها يقوم يخرب عليك الشريط
وأناظر الساعة والإشارة تدل على الرقم واحد ( ماعندنا غير مؤشر الدقايق) ، قلت خلني اشوف البيت صاحيين ولا نايمين، لقيت مافي أحد، وين راحوا؟
وين كانو؟ ( كانو يلعب في نيجيريا)
المهم قلت خلني أطلع الشارع ابرك لي من الجلسة لوحدي في البيت
طلعت الشارع والاقي جمع من الناس متجمعين حول شي وسيارة مصدومة، من اللقافة قلت لازم أشوف من اللي مات، واخترعت خطة عبقرية قلت لااازم أزعق (أصيح) وخرررووواااا ، وخرررروا فكوووا الطريق ، هذا أخوووي أخوووي ماااات وخرررووووا أبغى أشوووووف أخووووووي
ويوخروا الناس وهم يضحكون ، قلت قلبكم ميت؟؟؟
ووصلت للجثة
وشفت الصدمة الحقيقية
ياليتني ما كذبت
7
7
7
7
طلعت مو جثة
(طلع حمار ميت ومصدوم)
وصار الناس من حولي يضحكوا ويستهزؤوا ، أخوك؟؟ ها أخوك؟؟؟
ونزلت راسي ورجعت للبيت وأنا اجر أذيال الهزيمة من خلفي، ومسكت التليفون أدق على أخوي أشوف وينهم
إلا قال حنا عند جدي شفناك نايم وما رضيت تصحى وتقول كلام غريب قمنا تركناك،
يادي المصيبة أنا الآن لوحدي في البيت وجيعااااان وما عمري دخلت المطبخ وش أسوي؟؟، قمت جبت الأكلة الشهيرة المتكاملة
جبت حليب ، وعلبة سيريلاك من سن 6 أشهر فما فوق وأخلط وأشبع والحمدلله (إلا ما يصدق خله يذوق السيريلاك ولو مرة وحدة ، راح يدمن عليه)
قلت خلني أروح الحرم ( المسجد الحرام بمكة المكرمة) أشوف الخلق ، ووصلت للحرم، وما في أحد الظاهر إن الوقت كان ضحى والحرم فااااضي، وأنا أمشي جنب شركة مكة ، وأحصل ناس يتهامسون ويؤشرون علي، قلت يا سلامااام كني بطل مسلسل هندي، قمت قربت جنبهم وهم يسترقون الأنظار إلي ، ومشيت في حال سبيلي ، لأني كنت أظن أنهم من المعجبين <<<< شايف نفسه
إلا جاني واحد ويقول لي: انت حمار؟؟؟ ، قلت : أحترم نفسك ليش تغلط ، قال: انت كنت قبل شوي تقول عن الحمار أخوووك؟ قلت : سوء تفااهم ، كنت أحسب الميت هو انت لأنه في شبه كبير بينك وبينه ، لكن يخلق من الشبه اربعين؟
قال: تنكت بوجهك هذا؟،،، قلت: لا ما أنكت هذي هي الحقيقة؟،،، قال: تدري من أنا ، قلت: أظن إنك نفس الحمار الميت لكن خدعت الناس ويحسبوك ميت ، قال: يا خبل؟؟ أنا من الاستخبارات الدولية؟ ، قلت : أحلى ، طيب أنا من الاستخبارات المجرية (نسبة للمجرة) قال: من جد ترى ما أمزح وهذي بطاقتي ، (وطلع بطاقة رهيييييييييييبة وحللللللوة) ، قلت: حتى أنا أنا ما أمزح وشوف هذي بطاقتي ، وطلعت اي بطاقة من جيبي وبالصدفة كانت بطاقة الميكانيكي حق المكيفات، قال: أدري إنك كذاب لكن نحن نبغاك في مهمة سرييية جدا، نبغاك توافق
،، سويت نفسي متغلي ، قلت : أشوف جدول أعمالي لأني ممكن أطلع كوكب المشتري لأنه هناك في مجرم خطيييير،، وقاطع كلامي وقال: انت الشخص اللي نبغاك،،، وصفقني كف بيده هذي اللي مثل اشجار الغابة ودخت وأشوف الدنيا مثل الدوامة اليييين أغمى علي،،،
وصحيت وأحصل نفسي في مكتب فخم فخم فخم فخم جدددددداً ورجال معطيني ظهره ويطالع في اللوحة اللي ورى مكتبه وحاط يده ورى ظهره،،، صحيت ( من نفس الحلم اللي كلمتكم عنه في بداية الموضوع) وطحت من الكرسي ،،، إلا هذاك الرجال قال: صحيت؟؟ ،،، قلت: لا !! نمت مرة ثانية، وش شايفني يعني؟؟؟ميت؟؟ ولا صاحي؟؟ ،، قال: اسمع كلام كثير ما ابغى انت الآن في مكتب أخطر شخصية في العالم، ونبغاك في مهمة سرية للغااااية، لأننا شفنا إنه انت الشخص المطلوب؟؟ تدري ليه؟؟ لأنك مب صاحي عقلك دااائماً مسافر من راسك،،، قلت: احترم نفسك!! وش قصدك مو صاحي ، وإيش دخل عقلي في هذا الموضوع ، مهما تكن أنت فأنا لا ارضى بأن تغلط علي ،،، قال: عشان كذا اخترناك في هذي المهمة،، لكن في البداية نبغاك توافق ،،،، قلت : طيب موافق، بس وش هي المهمة؟؟؟
قال: روح لمكتب العقيد هو يفهمك وياخذ بياناتك ويعطيك التعليمات ، قلت: ليش أروح عند العقيد،، ليش ما تعطيني هي بنفسك أنا لا أرضى أن أتنازل وأروح عن العقيد ،،،، وما أحصل غير ضربة موجعة من الخلف على رأسي خلتني أعرف إن الله حق
ومرة ثانية اصحى ونفس المنظر ونفس الحلم اللي صحاني لكن الفرق إن المكتب غير واللوحة غير والشخص غير (يعني المنظر كله غير)
وبرضه يسألني: صحيت ،،، قلت: لا !! نمت مرة ثانية، وش شايفني يعني؟؟؟ميت؟؟ ولا صاحي؟؟ ،، قال: اسمع كلام كثير ما ابغى انت الآن في مكتب خامس أخطر شخصية في العالم، ونبغاك في مهمة سرية للغااااية، لأننا شفنا إنه انت الشخص المطلوب،، قلت: نفس الكلام اللي سمعته من هذاك الشخص اللي قبلك ، يعني قدييييمة جيب غيرها ،،، قال: أسمع أدري إنك خبل عشان كذا ما ابغى أضيع وقتي معاك في شي فاضي، أبغاك تجاوب على اسئلتي مباشرة وبصراحة وبدون تفكير ،،، قلت: أببششششر متعود على التحقيق زي مستشفى شهار
قال: وش اسمك ،،، قلت : واحد ، رقم واحد (على وزن بوند ، جيمس بوند) قال: اسم العائلة؟؟ ، قلت: أعذرني مقطوع من شجرة وما أدري وش هذي العائلة؟؟؟ تصدق؟؟؟ أحس إن كلهم مجانين وما يفمون،،، قال: ما ابغى قصة حياتك وشي طبيعي إن الغبي يشوف اللي حوله أغبياء، المهم ما تعرف وش عائلتك؟؟؟ قلت: لا،،، قال: طيب العمر بالميلادي؟؟ قلت: طيب شي طبيعي بالميلادي تبغاني أقولك بالوفاتي؟؟؟ ،،، صرخ وقال: قصدي تاريخ ميلادك بالتقويم الميلادي؟؟؟ قلت: أأأووووه قهمت!! تقصد بالتاريخ الميلادي ،، طيب ما ينفع بالهجري ،،، قال: لا بسرعة ولا تضيع الوقت؟؟،، قلت : انت وش وراك ما وراك غير تحقق معاي وبس ليش مستعجل؟ على فكرة انا مبسووط هنا معاكم لأنه عندكم مكيفات،،، صررررخ وقال: بسرعة ما عندنا وقت،،، قمت صرخت ومسوي قوي: طيب!!!! لا تصرخ!!!!! ،،، قام أعطاني كف علمني وش معنى الأمور الجدية من المزح،،، قال: أبغى تاريخ ميلادك بالتقويم الميلادي لا انسيك وش معنى الدنيا،، قلت: طيب أنا ما أعرف بالميلادي أعرف بالهجري بس!!! ، قال: طيب أعطيني بالهجري وأنا بالكمبيوتر راح أحوله للميلادي ،، قلت: أنا مولود يوم خمسطعش ثلاثة ألف واربعمية وثمنية هجري (مو لازم تفهموا) ،،، قال: معناه يوم ستة احدعش ألف وتسعمية وسبعة وثمانين ملادي،،، قلت: خطأ خطأ خطأ ،، أنا قلت خمسطعش ثلاثة ألف واربعمية وثمنية هجري ليش تخرف تاريخ جديد هذا تزوير هذا غش هذي خيانة ،،، وصفففق كففففففف طققققققق ،، خلاني أعرف وش معنى تحقيق ،،، قال: اسكت ولا كلمة، سؤال : انت ليش سموك رقم واحد ،، ضحككت بدون داعي وقلت: قصة طوييييييييييلة ، وهي إني شفت رقم واحد وعجبني شكله لأنه سهل في الكتابة وهو الرقم الوحيد اليي أعرف اكتبه واكتب بيه كل الأرقام يعني مثلا أبغى أكتب ثلاثة أقوم أكتب 111 يعني لو ابغى اكتب مليون أقوم اكتب 1 1 1 1 1 1 1 1 1 1 1 1 1 1 1 1 1 1 1 111111111111111111111111111111111111111111
قال: وقف!!!! خلاص عرفت !! فهمت خلاااص! طيب من هو صديقك الذي تعتز فيه وتتمنى يكون معاك في هذي المهمة؟؟ ،،قلت: أخيراً سمعت سؤال طيب ، صديقي اللي أحبه واعتز فيه موجود لكن خذلني وحب قرد ثاني وشرد مني،،، قال: من هو هذا الشخص؟ ،، قلت: قرد اسمه ميكي جبته من جبال الطائف ، ولمن طلعت الطايف شرد مني وراح لصاحبه وتركني أبكي لوحدي،،، قال: أظن إنك مالك داعي في هذي الحياة، أسمع المهمة اللي حنعطيك هي مهمة سرية للغااااية وما نبغى أحد يعرف عنها اي شي أبداً حتى لو كان أبوك أو أحد أخوانك،،، قلت: طيب أنا موافق بس بشرط لا تقولوا لأبوي إن عندي مهمة سرية لأنه أخاف يصفقني كف وقول ليش ما خذتني معاك؟؟ ،،،، طنش العقيد شوي وقاعد يفكر وقال: أسمع مهمتك هذي راح تكون في مكان بعيد ،، قلت: يعني وين يعني...؟؟؟ بتكون في العوالي ولا جعرانة ولا في وادي فاطمة وإذا بالكثير في تبوك!!!؟؟؟ ،،قال: يا خبل مهمتك ما راح تكون في السعودية ،،،قلـت: طيب أنا أبغى لبنان إذا كان مو في السعودية؟؟؟ ،، قال: انثبر، مو انت اللي تحدد وين مهمتك؟؟ قلت: وي يا قوة شحاتين وتتشرطوا ياخي خل عندكم دم أول مرة أشوف واحد يشحت ويتشرط كمان أقل شي استحوا واحمدوا ربكم إني وافقت،،،، وطعععع صفففق كفففففففف، قال: أسمع مهمتك راح تكون في يونايتد استيت أمريكا (ما أدري هل كتابتها صح؟؟) قلت: خليني أفكر وش أختار؟ وش اختار؟ يا ربي وش اختار؟؟ أيييوة أنا أختار استيست مدري بسكوت هذي!!،،،، قام اخذني على قد علقلي وقال: خلاص هدية مننا لك بنعطيك الثلاثة كلها ،،، قلت: تسلم ومشكور وما قصرت!! قال: المهم ارجع للبيت وارفع راسك لأنك الآن حتكون أهم شخص يعتمد عليه العالم ،،،
رفعت راسي وخدروني ونوموني ورجعوني للبيت بعد ما صحوني لقيت نفسي أمام منزلنا العزيييز،، دخلت البيت سلمت على الموجودين،، وبدأ التحقيق وين كنت ياقليل الأدب؟؟ وين رحت؟؟ ليش ما تقلنا ؟؟ قلت: سكووووت ولا كلمة أنا الآن أهم شخص في العالم،،، اتخسه انت أهم شخصية ،، قلت: نعم (بكل ثقة) ،،، قال أبوي: طيب رح جيب كاسة موية عشان نحتفل بيك ،، ورحت جبت الموية،،، وطشها على وجهي،،، ليييييييه؟؟؟ ،، قال: عشان تصحى وتتأدب وما ترفع راسك علينا ،،قمت حقدت عليهم وجبت شامبو وحطيته في الرشاش حق الموية وشويييي موية وبدأت بإعلان الحرب عليهم ،،،، وصراااخ وطااااخ وزعيييق وضرب وهرس وكرف،،، انتهت بانتصارهم علي وهزيمتي ،،، ورحت أتخيل كيف راح يتعاملوا معي بعد ما أستلم مهمتي السرية واتخيلت نفسي بين الجمهور وهم يصيحوا ويهتفوا باسمي رقم وااااحد رقم ووااااحد رقم وااااحد،، وفجأة نمت وما أدري عن نفسي إلا وهذاك الحلم يجيني ويكسر حاجز الحياء ويقول: انت ما تبطل تحلم بي خلاص كم مرة جيتك ما تطفش يا اخي؟؟؟ استحي على وجهك وخل عندك دم،،، وأصحى وألاقي نفسي نايم فوق الغسالة،،، واتذكرت أصحاب المهمات السرية وقلت لازم أوصل لهم الآن وبسرعة ،،، لكن ما عندي وسيلة عشان أتصل بيهم،، قلت خلني أقعد أمام البيت لعل وعسى الاقي أحد الأشخاص الذيت كلفوا بمراقبتي ،،
وأطلع قدام البيت وأحصل نفسي داخل كيس زبالة،،، ليييش؟ خرجوووني؟؟؟ ،، وفجأة ضربة بعصاية وأصحى على صوت مجموعة بشر لا بسين ملابس غريبة ومثيرة للجدل،، قلت: من انتم؟؟،،، قالوا: نحن اللي كلفناك بالمهمة السرية، وانت الآن في قاعدة تحت سطح البحر ،، إيش القصة؟؟؟،،، قالوا: الآن انت لا زم تذهب لمهمتك ،، قلت اول شي بسأل سؤال: وش هذا الضرب اللي كل بعد شوية تضربوني إياه، ترى عقلي طار من كثر الضرب أخاف أفشلكم،، قالوا: ما عليك، انت عقلك طاير من اول،، قلت: طيب الآن اروح لـ (يونايتيتس سمريكا فستيت) قالوا: إييه الآن بتروح،، قلت : بس وش أسوي هناك؟؟ قالوا: بنعطيك ورقة فيها كل التعليمات ومعاك مساعدين يساعدوك وهم من أخطر الجواسيس الموجودين عندنا، المساعد الأول رئيس قسم التحريات في المجلس الجرنالي (؟؟؟؟؟) والثاني رئيس الحزب العالمي لشعبة التحريات الخاصة(؟؟؟) قلت: طيب أنا أبغى أصير كونان؟؟ متحري خاص؟؟ وبعدين أبغى أصير سنشي كودو،،،، كف على الطاير وقالوا مو وقت اللعب ،،، قلت طيب أعطوني الورقة ،، قالوا: ما تفتحها إلا إذا وصلت لمطار نيويورك؟؟؟ قلت: وفين هذا الشي يكون؟؟؟؟ لا تقولوا في شارع منصور، ترى هذاك المكان ابداً ما أروحه،، قالوا: لا تخاف مو هناك هذا المكان مررررة بعيييد،،، قلت: ابعد من الشرائع؟ ،، قالوا: أكيد،، قلت: طيب وش يوديني هناك وما معي سيارة وما أعرف الطريق؟؟ ،، قالوا: نحن بنوصلك هناك ،،، قلت: ومتى بنوصل؟؟؟ ،، قالوا: بعد 16 ساعة من الآن ،،، قلت: يوووووووه 16 ساعة هذي تكفي إننا نوصل أمريكا،،، مو يونايتد ستسستت مرميكا ،، قالوا: نفس الشي يا غبي،،،
أنا فرحت قلت يا سلاااااام أخيراً بروح أمريكا أخييرا بشوف الدنيا (صاحبكم أبداً ما خرج برة مكة)، وركبنا سيارة لها 3 ابواب ، في البداية كانوا يبوني أجلس ورا وأنا رفضت وأصيرت إلا أني أجلس قدام،، لأني طوال حياتي أجلس ورا وما عمري جلست قدام،،، قاموا وافقوا بس بشرط إني ما أسوي حركات بلهة ،، قلت طيب،،، وفي السيارة الكل ساكت،، وأنا خايف إنهم يخدعوني ويبغوني اسوي عملية إجرامية،،، المهم وصلنا لمطار نيويورك بعد نومة هنية استمرت لمدة 16 ساعة،، وهناك فتحت الورقة،، خلاصة المهمة تقول:
إنه لازم أوصل لرئيس مكتب السي آي إيه CIA وابلغه إني عميل للاستخبارات الدولية في مهمة لمنع تسريب معلومات عن برنامج يسمى آيس آند فاير فورتي فايف ICE & FIRE 45 لأنه هناك عملية خيانة حدثت من أحد العملاء يعمل في شركة أخرى واستطاع العمل في السي آي إيه
طبعاً كلام كبييير جداً وما راح تفهموه ،، لكن المهم دخلت فندق اسمه (دار التوحيد انتركونتينينتال) مش متأكد من الاسم بالضبط لكن سميته بهذا الإسم لأنه قريب من اسم الفندق الموجود عندنا في مكة،، ما عليكم المهم منعوني منعاً باتاً إني أنطق باسم السي آي إيه أو اسم الاستخبارات الدولية ،،، وأنا ما اعرف كيف أدخل للسي آي إيه وما اعرف فين العنوان ،، سألت التنابل الاثنين اللي معي وين المكان ورفضوا أن يعطوني العنوان ،،قلت ما منكم فايدة ،، بس المشكلة إني ما اقدر أسأل اي شخص ثاني عن العنوان لأنهم منعوني من هذا الشي؟؟ وأول مرة أحس نفسي ذكي وأنفذ المطلوب مني،،،
لكن عرفت المقر فين يقع ، وانتقلت للمدينة التي يقع فيها المقر
المهم اشتريت خريطة للمدينة التي انتقلت إليها (معليش ما اقدر اقول إسمها لأنه من أسرار المهنة) ،، ودورت في الخريطة من أولها لآخرها،، وما لقيت المقر ،،، والأغبياء اللي معي يعرفوا المكان بس ما يرضوا يعطوني العنوان ،،، المهم شغلت مخي،،، ودورت على مهربي المخدرات لأنه من خلالهم سيقبضوا علي السي آي إيه وأدخل مقرهم،،، طبعاً عملاء السي آي إيه جاتهم أخبار إنه سيصل واحد من مركز الاستخبارات الدولية وإذا طلع بطاقته وعرفتوه خلوه يدخل للرئيس بأقصى سرعة،،،،
المهم حصلت واحد من مروجي المخدرات ،،، وقدمت نفسي له وعرضت عليه بأنه إذا قبضت عليه السي آي إيه بإنه يرمي التهمة علي وينجو بنفسه،، الغبي وافق بسرعة وبعد 3 اسابيع قبض عليه ورمى التهمة علي،، وقادوني إلى سجن الشرطة ،،،، ياللغبااااء ،، أنا أبغى السي آي إيه وهم يرموني للشرطة،،، المهم قمت طلبت مقابلة مدير المركز بشأن قضية ثانية اخترعتها أنا لكي يرموا قضيتي للسي آي إيه،، وصلت قضيتي للسي آي إيه وهي عبارة عن قضية اختراق أجهزة الإف بي آي ،،، المهم وقادوني للسي آي إيه ،، والمبني فخم ومتطوووووووووور وفيه تكنلوجيا بطرانة ،،، لكن هم رموني رمي الكلاب في مقر المطلوبين في الإنتر بول الأمريكي،،، وصلت قضيتي لهم وبعد ما دخلت السجن بالمصادفة
وهم يسوقوني للسجن قابلت رئيس لجنة مكافحة تزوير البرامج الفهمية(؟؟؟؟؟) وبينت له بطاقتي بالتخفي ،،،، المهم هو لمحها وغمز لي ،،، وأن إيش أبغى بالغمزة حقته ،،، ابغى أخرج،،،
بعد يومين تم استدعائي من قبل رئيس القسم في المكان المسجون بسببه ،،، وقال: آسفين على هذه المعاملة لكن كما تعرف فإن مهمتك خطييييييرة جداً ولا تقبل الخروج عن حدود السي آي إيه والاستخبارت الدولية،، قلت : أنا اعرف لكن تعليماتكم صعبة ووصلت لكم بطريقة صعبة للغاااااية وأظن إنك عرفت كيف وصلت لكم،،، قال: نعم عرفت لكن بصراحة انت أثبت إنك تحري من درجة أولى ،،،، (أحلى يا رقم واحد مين قدك)،،، قلت: طيب أبغى اقابل رئيسكم وكبيركم الذي علمكم السحر،،،، قال: يس سير (يعني طيب يا سيدي)
ووصلت لمكتب الرئيس ،،، وششششششششوو مكتب كبييييييييييييييييييييييرررررررررر حتى إني تعبت عشان أوصل للكرسي،،،، بعد ما جلست قدم لي عصير ( طبعاً الويسكي ممنوع عندهم في المكتب) ،، وقال أنا آسف على هذه المعاملة الخشنة لكن تعرف انت..... ،، قاطعته وقلت ادري نفس الموال مهمة سرية مهمة مدري إيش، المهم خذ انت هذه الورقة من المركز الدولي،،،، فتح الورقة وقرأ you know what happen ،،، قال: شكراً لك، أدري إنك تعبت في مهمتك لكن الآن مهمتك الجديدة إنك ترجع لبلدك سالم وغانم وبشرط إنه لا أحد يدري بهذا الموضوع السري،،،،،
صرخت وقلت: هذي آخرتها بعد كل هذا التعب وهذا الجهد، في الأخير أرجع لبلدي ولا كأني سويت شي ، الله لا يجيبها من مهمة ، أنا ابغى تكريم أبغى العالم كله ينطق باسمي،،،،،، طققق صففففففق كففففففففف (نفس طعم الكف اللي ذقته هناك)،،،،
وأرجع لبلدي وأنا أحمل معي وسام فخر منحوني إياه السي آي إيه ووسام ثاني منحوني إياه مركز الاستخبارت الدولية،، وارجع للبيت وعيون أهلي ما تبشر بالخير ،، يقولوا : 5 أسابيع ونحن ندور عليك ياقليل الأدب وين كنت ؟؟ بسرعة قبل ما نذبحك؟؟؟،،،قلت: ما عليكم جبت لكم الفخر والرجولة شوفوا حصلت على وسامين من السي آي إيه ومركز الاستخبارات الدولية (مع العلم إنه ممنوع إني أذكر لهم إني كنت هناك لكن انا ادري إن أهلي ما يعرفوا شي) ،،، قاموا قالوا:: ماشاء الله تغيب كل هذي الغيبة عشان تشارك في دوري كورة يا قليل الأدب،، ما تربيت ،،، وأنواع الضرب حتى انتهى بي المطاف في مستشفى النور التخصصي بمكة المكرمة ،،،،
وبعد ما خرجت جيت لأنقل لكم وقائع قصتي المحزنة التي أخذت من عمري أكثر من 5 اسابيع فيها أنواع الضرب والتشميط والتمحيط
وهذي هي أول وآخر مرة أستخدم فيها عقلي
وإن شاء الله آتيكم بعد المهمة القادمة
والسلام عليكم ورحمة الله وبركاته
===================
ودمتم سالمين :ty: :p :love
المواضيع المتشابهه
قصتي مع مركز الاستخبارات الدولية (طوييييلة) خيال
العرض العادي
