عشان ((أمي)) أمانه : ببتسم : ماهو على شاني ..

[عثمان الضبعان]

[align=right]مدخل ..:{[/align]

[align=right]
البسمـه حلــم وونــه القلــب مــوال
وياسهل موال(ن) ويــاصــعبها حــلوم
والــحــظ يعقــد هــم والصــبر حــلال
وش حيلة اللي صبره يجيبله هموم[/align]






[align=center]يضيق الكون ويظلم بي وأدور بالظلام شموع
............... وألقاني وأتوه بعيد وأضيعني ولا ألقاني

وأشوف إن السراب يحيط فيني والحقيقه تموع
............... وأشوف اعدائي كل ماأكبر تزيد بعكس أعواني

وأطيح وتجرح ركبي ويجف من التعب ينبوع
............... ويفيض الملح ويتساقط مطر من منبع ألواني

وأشوف النور في ذاك المكان وأنتبه وآفوع
............... بشر ثاني إذا ماخانتن عيني بشر ثاني

وأقرب له ويناديني بصوت (ن) هادي ومسموع
............... علامك ليه تتساقط تعب وتجف وتعاني

وآتسآئل بقلبي كيف يعرفني شكل وطبوع
............... ويرد وكنه يسمعني انا فرحك يا ""عثماني ""

وارد يومي تذكرته (تعال وإسكن الموجوع)
............... تعال وكسر إضلوعي فرح متلهف انساني

ياكم مره تقومني كوابيس القهر مفزوع
............... وياكم مره يكرهني زماني بعالمي الفاني

وياكم مره زرعت وإحترق في لحظه المزروع
............... بغدر صاحب وهجران الحبيب وظلم عدواني

طلبتك لاتخليني من أغصان الفرح مقطوع
............... طلبتك يابعد عمر الحزن ريح لي أجفاني

كذا تتركني بصغري من البسمات ميت جوع
............... تركت (ن) وانتثر حزنن بجوي لينه أعداني


أمانه مابي"" أمي "" تشوفني من فرحتي منزوع
............... عشان "" أمي"" أمانه ببتسم ماهو على شاني[/align]





[align=left]::..مخرج


واللي طلـبته لــي بشــهوتي لازال
قلبي يقوله للأسف ماهــو مقسوم
والهــم اللــي ضيــع رجــال ورجــال
ليته يضيع بس واحــد مــن الــرخوم
[/align]

[أبو رائد]

يا سلام عليك يا عثمان

قصيدة ولا أروووع


صح لسانك ولا هنت

على هذا الإبداااااع


والله يعطيك العافية

[سامي الشمري]

[align=center]وأطيح وتجرح ركبي ويجف من التعب ينبوع
............... ويفيض الملح ويتساقط مطر من منبع ألواني


.
.
.


وياكم مره زرعت وإحترق في لحظه المزروع
............... بغدر صاحب وهجران الحبيب وظلم عدواني


.
.
.


طلبتك لاتخليني من أغصان الفرح مقطوع
............... طلبتك يابعد عمر الحزن ريح لي أجفاني

.
.
.


أمانه مابي"" أمي "" تشوفني من فرحتي منزوع
............... عشان "" أمي"" أمانه ببتسم ماهو على شاني

.
.
.


مطر مطر مطر مطر ..!


عثمان .. رغم " زعليّ " عليك .. و رغم غيابك ..!

إلا أن هذه الراااااائعة تشفع لـ غيابك ..!


غبّ ... ولا تجي .. ولا تشوفك عيني ..!

بس أبي مثل هذي كل ماتجي ..!


[/align]

[عبدالرحمن الميزاني]

يا سلام عليك يا عثمان

غبت وأتيت بالجميل مثل ماقال اخوي سامي




انت مبدع





فالك التوفيق

[sun shin]

أمانه مابي"" أمي "" تشوفني من فرحتي منزوع
............... عشان "" أمي"" أمانه ببتسم ماهو على شاني

صح لسانك وجاد بيانك

تستاهل الوالده ..وأفرح الله روحك كما سعيت لــ افراحها.



كن بخير

[طليفيح]

قصيدة راااااااااااائعة

تسلم يبناخي وصح الله لسانك

[فتاة العقيدة]

السلام عليكم
أنا فتحت المقطع وتفاجئت بأنه موسيقى وأنا اللي أعرفه إن المنتدى يمنع مثل هذا الأمر
لذلك أنا مشتركة في منتداكم .
أما بالنسبة للقصيدة لم أكمل قراءتها لسبب ابتدأت بكلمة أمانة وهي شرك ولذلك يجب قول لاإله إلا الله إذا قالها الشخص ناسيا أوغير متعمد لإنها شرك يجب لعودة للإسلام بقول لاإله إلا الله

[حنين]

قصيده روووعه


سلمت يارب

[goree]

قصيدة جميلة يالغالي

ربي يسعد قلبك

[ابتسـ ألم ـامة]

هلا وغلا

اقتباس أمانه مابي"" أمي "" تشوفني من فرحتي منزوع ............... عشان "" أمي"" أمانه ببتسم ماهو على شاني

الأم



مهما كتبنا وسطرنا من أشعار


لن نوفيها حقها



ربي يسلم لك الوالدة وأمهات المسلمين


ويغفر لهم ويرحمهم اللهم آآآآآآآمين




كلمات لا يمكن وصف مشاعرنا اتجاهها



صح لسانك وقلبك


سلمت يمناك








دمتم بحفظ الباري

وعلى الخير بإذن الله نلتقي


كلمــات مـن ذهـب
هجــر المســئ

إذا أساء إليك من أحسنت إليه فأعف عنه واجتنب عشرته
فإن كان حراً فالعفو قتل له
وإن كان وغداً ففي هجرك إياه منجاة لك من شره