طريقة عمل الكريب

[اميرة]

طريقة عمل الكريب
إنتشرت في الاونه الأخيره نوع من الوجبات السريعه يطلق عليه اسم كريب و هي نوع من أنواع السندوتشات و لكن مكوناتها لا توضع في اي نوع من انواع الخبز بل تصنع لها عجينه مخصوصه لها و بعد الانتهاء من تحضير هذه العجينه يمكنك وضع اي مكونات بداخلها في النهايه و علي الرغم من ان هذا النوع يعتبر من الوجبات السريعه و لكنه يحتوي علي العديد من العناصر الغذائيه اللتي يمكنك ان تتحكم بها كما تشاء

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x480.


المقادير

- كوب لبن
- كوب دقيق
- بيضة
- ربع معلقة ملح .. ولو الكريب حلو يبقى سكر
- شوية زيت

طريقة التحضير :

- اول حاجة تنخلوا الدقيق والملح فى طبق كبير للعجن
- ضعى البيضة وشوية لبن وقلبى شوية بعصا خشبية أفضل
- ضعى شوية لبن كمان وقلبى لغاية ما تبقى عجينة ناعمة
- ضعى الزيت وبقيت اللبن وقلبى كمان لحد ما تبقى ناعمة
- بعد كدة تسيبوا العجينة لمدة ساعة فى الهوا

- بعد كدة هتجيبوا سنية تيفال و تحطوا فيها شوية زيت
- وتحطوا العجينة بالمقاس اللى انت هتاكلوا
- تستنى لحد ما يتحمر القعر قليلا

هنقول مثلا انكم هتعملوه سوسيس
- بعد ما تضعوا العجينة واتعملت هتحط شوية جبنة رومى عليها لو مابتحبوش بلاش
- بعد كدة هتحط السوسيس أو اى اكل انت عاوزة
- بعد كدة هتحط المايونيز وبعدية الكاتشب على طريقة التوزيع
- وتسيبوا على النار لحد ما يستوى بعد كدة تلف العجينة او الساندوتش
طبعا هتقولوا ازاى
- العجينة فى الاول مفرودة وهتحط عليها الاكل كله اوكى .. بعد كدة اتنيها نصين واتنيها كمان لتبقى على شكل ربع .

- ممكن تحطها شوية فى الفرن عشان تمسك كويس لو حبيت


واليكم بعض الصور لطريقة تحضير الكريب، وصور لبعض الكريبات الجميلة