[align=center]
بسم الله الرحمن الرحيم
السلام عليكم ورحمة الله وبركاته
قصيدة عآنقت جمآل ذائقيتي
لكم من القلب (هدية أحرووفها)
واستمتآع (معنآها المرهف)
للشاعر فهد المسآعد
صعب لا منك فشلت وصعب لامنك لقيت
ان من يكره نجاحك يدري انك مانجحت
امس ضقت ورحت اقلب ذكرياتي وانتهيت
عند صورة طفل صوته مثل صوتي لانجرحت
وش مثل لا والله الا هذا انا يوم ابتديت
انطق حروف تلعثم في لساني لاانمدحت
هذا انا يوم الحياه فنظرتي عشرين بيت
ومسجدين ومدرسه من طين كم فيها اصطبحت
هذا انا واصبحت اتمتم هذا انا حتى بغيت
اختنق بس القدر عيا على موتي وطحت
وصاح صوت الطفل فيني انت من وين ارتميت
قلت انا المستقبل اللي فيه كم همت وطمحت
امس كنت ابيك تكبر بس والله لو دريت
اني اللي عشت لأجله مت عندك واسترحت
لو دريت ان الزمان يجر رجلي ماعديت
ولو دريت ان البحور بلا مواني ماسبحت
كان دربك لي طويل وكل ماشفتك هويت
قلت لك كبوة جواد وماكبيت الا وجمحت
ليه تسمعني وتمشي آه ليتك مامشيت
وآه ليتك من كثر عثرات الايام انتصحت
ضاعت احلامي وظل الحزن فيني واهتديت
للطريق اللي يوديني على دمعي ورحت
يالحزن ليتك مثل دمعي وتنزل لارقيت
بس اعرفك لو مسحت الدمع تبقى مانمسحت
كان حلمي في وجود انسان يبـــكــي لابكيت
وصار حلمي في وجود انسان يفرح لافرحت
كنت اشوف الناس مثلي كل ماجعت وضميت
مادريت ان الاوادم ناس فوق وناس تحت
آه يااول ذكرياتي خذني فحضنك نسيت
لاسألك عن وجه ابوي اللي معه ياما سرحت
خذني بحضنك ابغفى ياه مبطي ماغفيت
وان لمحت دموع عيني سو نفسك مالمحت
خذني بحضنك وبعثر في جروحي وان قضيت
هزلي كتفي وقل عيب تبكي لو سمحت
اضحك وعلم زماني من انا ومن وين جيت
طق باب الحزن واصرخ فيّ لامني فتحت
وضمني يمك وكمل ضحكتك لامن بكيت
ودي اذكر كيف كانت ضحكتي لامن فرحت
لأجل اشتيآقي
[/align]
المواضيع المتشابهه
العرض المتطور
