لاترحلي وانتي بقلبي مقيمه**
بس أخذي واعطي معي وافهميني
لاترحلي كوني بقلبي رحيمه**
عيشي بقربي واحكمي واظلميني
كوني لي الدافع وروح العزيمه**
وقبل الرحيل المنتظر علميني
مالي بدونك في الحياة اي قيمه**
ان مت من حر الفراق اعذريني
انتي تركتيني بصوره سليمه**
انا اهجر الدنيا ولا تهجريني
انتي عظيمه فعلا انتي عظيمه**
وانا عظيم اللي تطولك يميني
ذلي وضعفي وانكساري هزيمه**
ماهي صفاتي لاحشى تعرفيني
وانا ادري الايام ماهي مديمه**
دوراتها تقبل وتقفي بحيني
جيتي كريمه واهجريني كريمه**
يمكن تردك مقبلات السنيني
وابكي على اطلال الليالي القديمه**
اذا طرى لك جوها فاذكريني
المواضيع المتشابهه
العرض الشجري