مواطنون صغار ( 1 )

[طليفيح]

السلام عليكم ورحمة الله وبركاته

مدخل . .

مواطنون صغار لكنهم ليسوا بـ صغار بالعمر .. صغار بتعاملهم مع المواطنين

نعم بعض المسؤولين الصغار الذين لايحملون روح الوطنية

مسؤولون كلٍ يرتقي على كتف الثاني

مسؤولون يتحكمون ببعض من المواطنين الذين لايملكون .. واسطة إلا الدعاء في الثلث الأخير من الليل .

نعم سأتحدث عن هؤلاء المسؤولين وكثار منهم في محافظة الخفجي

قبل فترة من الزمن تطرقت الى بعض المواضيع في بعض المنتديات العامة

وكان حديثي عن بعض التجاوزات عند بعض المسؤولين كــ ( التوظيف و غيره من المواضيع المهمه ).

ولكن كنت حريصاً على هذا الموضوع الذي هو التوظيف

نعم التوظيف مسميات وظيفيه لايتم الاعلان عنها

ونتفاجأ جميعاً بتوظيف ابن المدير الفلاني ابن المسؤول الفلاني

يأتي المواطن ..يتسائل لماذا لم يتم الاعلان عن الوظائف لماذا ليس لنا نصيب في هذه الوظائف؟

لكن لاحياة لمن تنادي

قصة حدثت قبل فتره واعذروني سوف اسردها باللهجة العامية

قبل فتره واحد من الشباب راح يقدم على وظيفه قال بروح للمكان الفلاني وبقدم وان شاءلله ربي يبي يرزقن بوظيفه المهم راح الرجال
السلام عليكم ..عليكم السلام بعد السلام. اخوي ابي اقدم عندكم بالمكان الفلاني سمعت انكم توظفون وسمعت بعد ان فيه تقديم يبي يصير
المسؤول: من قالك الكلام.. الكلام هذا كذب مافيه توظيف وان شاء الله إذا صار توظيف حنا راح نسوي اعلان
! الرجال قال خير ان شاء الله وطلع وهو رايح.. قال : خلني امر المكان الفلاني بقدم عليهم عسى ان يكون فيه نصيب
ويروح السلام عليكم.. عليكم السلام اخوي بالله ولا عليك امر عندي الملف هذا مليان شهايد و أبي وظيفة لو بــ 2000 ريال الموظف او المسؤول
يطالع بالمواطن من راسه الى رجله والله ياعزيزي عندي شغل اهم الحين من طلبك
لكن روح الحين
وبكره الصبح مرني وان شاء الله باخذ ملفك وشوف اذا في وظايف او لا ..
طلع الرجال مكسور خاطره ويتحسر على مثل المسؤولين وتعاملهم..
المهم راح الرجال للبيت يوم يومين ثلاث ايام.. التلفون يرن
السلام عليك يافلان
عليكم السلام بشر قدمت على الوظيفه الفلانيه..؟
لاوالله متى صار التقديم..!!
وش فيك ماتدري..؟
لا والله بس كنت عندهم قبل 3 ايام والموظف قالي مافيه تقديم
طيب وين كان الاعلان؟
يارجال خلها على ربك مافي اعلان عن الوظايف بس الشباب تناقلوا الخبر وسمعنا فيه ورحنا قدمنا .!!

:

هنا المصيبه يا أخوان وظائف تذهب الى ابنائهم وجماعتهم
راح الرجال كتب مقالة عن التجاوزات الي تصير والظلم يوم يومين.. اسبوع..!
المقالةاخذت صدى كبير في ارجاء المدينة والكل يتحدث عنها
المسئولون يبحثون عن كاتب المقاله يرسلون صغارهم نعم صغارهم لكي يعرفون من كاتب المقاله

نعم صغار ليسو بصغار فقط بل هم مرتزقه نعم مرتزقه ويبحثون خلف مصالحهم ..لصالح هؤلاء المسؤولين
لكن الصغار (( المرتزقه )) .

لايعلمون ان المسؤول الصغير يبحث عن كاتب المقاله لكي يتفاخر عند المسؤول الذي اعلى منه
وصغار المسؤولين (( بالعربي صغار ..الموظفين.. يتمصلحون عند المسؤول الفلاني والمسؤول الفلاني يتمصلح عند المسؤول الذي اعلى منه ))

يافلان شوفلي من كاتب المقاله الفلانية..؟
الحرشه : عرفته ياطويل العمر فلان بن فلان..
تبسم المسؤول راح الى المسؤول الذي اعلى منه..
ابشرك كاتب المقاله فلان فلان لكن مع الاسف مو موظف عندنا وإلا كان فصلناه .!!

:


وللحديث بقية.......
في
مواطنون صغار ( 2 )

[al-joker.11]

الله يوفقك

وش نسوي ندور وما نلقا <---- { مخلص ثنوي ما شائ الله عليه

هع ..

اخوكم سيف الرويلي دمتم بود ..

[الدووووخي]

هذا اللي صاير عندنا ,,,

لا حول ولا قوة بالله ,,,

الله يوفقك ويرزقك طليفيح ,,

[المنصف]

صبر جميل والله المستعان .

[مبروك زايد]

لا حول ولاقوة الى بالله

وش تسوي ياطليفيح

[عاشق 11]

إخي طليفيح الله يعطيك العافيه

والسالفة الي قلتها تعودن عليها خلااااااص

الله يعين أبناء المحافظه الشركات كثيره ومانلقى وظايف

[goree]

oOo
ربي يعطيك العافيه
هذا اللي صاير فعلاً
الله يكون بالعووووون
سلمت ياطليفيح
وننتظر الجزء الثاني

Oo[mark=666666]جــوري[/mark]oO

[طرثوث]

موضوعك يعور القلب يا طليفيح ... الله يعين الشباب على هالعصابة اللي بالشركة .

[أبوســـــاره]

سلمت يا طليفيح على هالكلام اللي ماراح أقول يفرح بالعكس
يحزننا عندما نقرأ أو نسمع مثل كذا

الله يستر أنا باقي لي سنه وأتخرج يمكن أبل شهادتي بمويه وأشربها

[طليفيح]

هلابكم كلكم اخواني انا اتكلم عن وضع الشباب عامه

وخاصه شباب هذي المحافظه

ماتكلم عن نفسي

لكم تحياتي