مقتطفات من مشاعري

[محمد مطر العنزي]

[align=center]


يالربع بعض النوايا سود سود

مايخفيها اسلوب الفهلله

اجتمع راي المنا فق والحسود

والنتيجه مهزله في مهزله

ياجماعه الردي مافيه فود

يظهر الباطل وحقك يجهله

ان دفنت الطيب بحثول الجحود

معظله ياكبرها من معظله
___________________

كم شرهةٍ حطيتها وسط تابوت

دفنتها لو هي بقلبي كبيره

وكم فزعةِ زبنتها حظ مبخوت

من الحيا صارت بعيني صغيره

العاريه ارمي عليها ورق توت

والساقطه اضفي عليها الستيره

بيني وبيني معركة عين جالوت

مكانها بين الحكيم وضميره
_____________________

ياجاهل الدنيا حقيقه وتمثيل

مسرح كبير نشوف فيه العجايب

فيها بشر عقال وفيها مهابيل

متخالطه مابين شبن وشايب

احدن قعد مانام ساعه من الليل

وحدن رقد ماشال هم النوايب
____________________

حارب بسيف الغير واسرج علي الخيل


وانا الفارس اللي ضاع سيفه مع احصانه


لو جيت في وقتٍ مضى كان سال السيل

....... لركبنا وسالت من الدم وديانه


يظهر نهار الحق ويموت ظلم الليل


............وتسقط براقع تخفي اوجيه خوانه
_______________________



لياضاعت الطاسه لفينا بطاسه

طاسه نركدها على كف ميزان

حنا لنا بالشعر فن وفراسه

وخيولنا يشهدلها كل ميدان

سألت عن اصله وفصله وساسه

لقيت ساسه خايب الجد خربان

بيت النميمه والحسد والنجاسه

ماينتج الا فرخ عقرب وثعبان
_________________________

ضاقت صدور الرجال وشانت الذمه

ولكل صاير قليل الفود شراني

ناسٍ تدق الطبول وناس ملتمه

وشوف نار الغضب بعيون عدواني

ناديت شيطان شعري يجذب الهمه

رفيق دربي وعرفه زين شيطاني

قررت امارس طقوسي والبس العمه

واستقبل المارد اللي راح ماجاني

اللبس ضافي وثوبي ماقصر كمه

مسبل بدنيا الشعر واسحب ارداني

اهيم في كل وادي واصعد القمه

وانزل على الغاوي اللي هام وغواني
_______________________

محمد مطر


[/align]

[شهد الحياة]

قصيدة رائعه
صح لسانك
ربي يعطيك العافيه

[عشق الشمال]

صح لسانك يامحمد

الله لا يهينك ،،

[سند مطر]

.. حلو يامحمد مقتطفات الجميله ,,, واحده تجبرك لقرائة الثانيه

...
صح لسانك ... اطربتني
.....! بجد قصائدك لها خصوصيتها ...!
.

[حسن الحارثي]

رائع يا محمد بيض الله وجهك
مقطفات حكمة اعجبتني
صح لسانك

[عاشق القمم]

صح لسانك ...
ويعطيك العافية ...~

[أبو رائد]

مبدع .. كعادتك

سلمت يا بو سلطان

والله يعطيك العافية

[ليث العقيدة]

..... صح لسانك .....

..... تسلم .....

[أبو الوليد]

[align=center].








صح لسانكـ .. .. والله يعطيك العافية ....!!



كلمات رائعة .. .. لآ حرمنا من كل جديدكـ المميز ....!!



ولآ عدمنا تواجدكـ ...!!





::


وفقك الباري



.. .. ومضـــــــــــــــــــــة .. ..

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .

[/align]

[سليمان الفليج]

:. هلا بالشاعر محمد مطر .:

آيْ جُنوَنْ هذَآ

صَعدْ الحَرفْ بنِاً إلىْ آعَآليْ السُكَونْ

بجُنوَنْ الحُلمْ رَآئعهْ وَ آعلَم بِ إنْ رَآئعهْ لَنْ تكَفيْ .!

!
!
!
!
!