يالله انــك لا تواخـذنـي بفـعـل ذنـوبـي
واغفـر لزلـةلسانـى ولقـصـور ايـديّـه
انـت ياربـي تعـرف امـرادى ومطلـوبـي
يـوم أطيـح انـك توقفنـي علـى رجلـيّـه
بأمـرك تعـز الذليـل بـدرهـم ٍ مقطـوبـي
وبأمـرك تـذل العزيـز مـفـرّش الزولـيّـه
يانما : لاتمشـي الـلا مـاخـذٍ مكتـوبـي
وصلّـه بيـت الكريـم مـعـزّب الطرقـيّـه
صاحبي واللـى بـلا صاحـب ولا مصحوبـي
عزتـي لـه لـو خذالـه صاحـبٍ عـاريّـه
علّمـه بالعلـم كـلّـه وانــت يامنـدوبـي
فالك البيضـا !! وشحـم الضـان !! والبريّـه
حالتـى حالـه عسـي ربـي يحـل كروبـي
السهـر خـلاّ تحـت عينـي كـذا مـاريّـه
كل ما جريّت صووووتي ف الخـلا راحوابـي
ليـن أشـرّق دمعـتـى وأهلّـهـا عبـريّـه
ضقت ياصدري علـى وضـاق فينـي ثوبـي
لين صار الكون فـى عيونـي متـر وشويـه
جعلنـى عنـد الخـوي ماأقصـر بماجـوبـي
والله يسلّـط علـى قــوم ٍ تمـالـوا فـيّـه
جمعتهم شذبتـي واللـى لهـم عرقـوا بـي
وان تلاقينـا خذونـي فـى هــلا ياحـيّـه
كنهم بعـد التعـب مـن سبـّـتـي غنـوا بـي
يحسبـونـي سلـعـةٍ مبيـوعـة ٍ مشـريّـه
أبنـي بيـوت المعرفـه مـا أتسلـف طوبـي
عـاش بيـت المعرفـه وتعيـش يـا بانيّـه
عيشتـي ماهـى لأجـل زادي ولا مشروبـي
الطـلاقـه زاد والطـيـب عـلـى ساقـيّـه
والغلا فى خاطري واهل الهـوي سـاروا بـي
ليـن ساقونـي علـى مشرافـهـم جبـريّـه
ليتنـى مـا طعتهـم ياليتهـم قـفـوا بــي
وليت عيني مـا روت مـن فيضـة المسقيّـه
ياطبيب أهـل الهـوي كـل الـدروب دروبـي
وانـت عنـدك حاجـتـى لعلّـهـا مقضّـيـه
عودنـي مـر وتقهـوى دمـى المصبـوبـي
جـددالفنجـال واقــدع تـمـرةٍ صفـريّـه
مالك الـلا واحـد ٍ يرضيـك ليـن آتوووبـي
من زعلك اللـى حرمنـى شوفتـك عصريّـه
يابعد مـن قـال لـى لبيـه ويـن آذوووبـي
فىيـدك والـلا نحـرك الـلا بـذوب هنيّـه
بيـن ضلعـيـن ٍ تــزم ووادى مسحـوبـي
أجـردٍ مابـه شجـر وان جيتـه ألقـي فيّـه
أتحمـل قرصـتـك يانـحـل وادي النـوبـي
وان رقـدت وشالنـى سيلـك فـلا لـى ديّـه
وجمرتينك كـل مـا عرضتهـم طـاروا بـي
حسبـي الله صـارت الجمـره علـى اشهيّـه
ياشناق العنق يانياف يارعبوبي
يافريد الحسن يا مشي القطا واعبيـّه
من عيونك والرمـوش المسبلـة واحـوا بـي
ومـن كلامـك يابـري حالـى ويـا ويلـيّـه
ان عطـاك الله جمـال اليوسف اليعقـوبـي
اللهم لااعـتـراض وسـجـدتـي مثـنـيّـه
بسم ربـي مـن علـى قامتـك يـامحبوبـي
والله أكبـر مـن عيـون الحـسـّـد الدعلـيّـه
ان رفعت ايديك جبـت ايـديّ حـول اجنوبـي
ثابـت ٍ كنـي مـن العسكـر وادق التحـيّـه
جـل مـن رص الثمـان الـردف العـذّوبـي
وجهـك الشامـى قمـر وارجـودك الهنديّـه
ليت نقص الحال من حالـى يجـي بجيوبـي
كـان يفـداااااااه الحـلال أولـه مـع تاليّـه
آتصبـر ف الـدوا عقبـه واسّـف حبووبـي
أهلكتنـى غيبتـه لا رحــم ابــو والـيّـه
له بصدري " كونغرس " وأعضاء ومجلس لوبي
صوتـوا لـه بالغـلا فـى آخــر الألفـيّـه
الهوى ما يرتـع الـلا فـى فـؤاد اعزووبـي
العـروق اصحـاح واقطـون العـزب خاليّـه
عيد ٍ بعيـدالهـوى فـى قلبـي المصلوبـي
انـت عايدنـى هنـا والموجـعـه مكمّـيـه
حل فـى صـدري وثبّـت خيمتـك بطنوبـي
جارك الله مـن شتـا وقتـي ومـن صيفيّـه
ياسقـي الله ليلـةٍ مـانـى بـهـا مغلـوبـي
ساعة ٍ روحي و روحـك فـى بعـض مبليّـه
ربّـع بقلـب القصايـد ياجنـوب اهبـوبـي
واحـزم ضلوعـي عليـك بمحـزم الجنبـيّـه
من عرفتـك والقصايـد بصمتـى !واسلوبـي
كـن فـى كفـي عصـا وبراسـي الجنـيّـه
المواضيع المتشابهه
قصيدة الكونقرس ..؟علي بن حمري...؟
العرض العادي
