في عطلة الاسبوع فكرت انا وزميلي حمود بطلعه لاحد المراكز التجاريه في جده بسبب ملل وطفش جا ذا الطفش بوقت غريب وصعب (كنا شبه مفلسين ):
حمود: خالد ها وش رايك نطلع للسوق ذاك اللي رحناه الاسبوع الماضي
خالــد: واللي يرحم والديك لاتسبب لنا مشكله او احراج مع رجال الامن مثال
المره الماضيه لو ما دخلونا وش نسوي
حمود: لا ماعليك تعرف اخوك ذيب في المواضيع ذي
خالــد:امحق ( قالها بنفسه)
وجلسنا نتعطر ونلبس ونتميلح ساعه وذا يقول لذا وش رايك بالجزمه وذا يقول وش رايك بالجوال وذا يرد وش رايك بذا القميص على العموم وتمت عملية التميلح بخير
حمود: خالد وين الورق ؟
خالــد:اي ورق؟
حمود:افا يابو خلود ورق الترقيم؟
خالــد:انا ما راح ارقم ترى الله ياخذك والله يلعنك ووجع ويا وسخ سمعتها الف مره بسببك
حمود:ماعليك اخوك ذيب
خالــد:امحق (طبعا قالها بنفسه)
وصلنا السوق بعد ماشرينا شريط راشد وحركات واخر دلع وطبعا السياره غسلها البواب بعد سنه كامله من العفن ويوم ماوصلنا ......
حمود:تكفا يا ابراهيم(الامن حق السوق) نبي ندخل
ابراهيم:عوائل يالحبيب
حمود:اها عوائل وذولي ورا ماتمنعهم ليه تسمح لهم بالدخول
ابراهيم:عوائل يالحبيب
حمود:عساك مبسوط (دخل يده بجيبه وحط لابراهيم 10 ريال)
ابراهيم:رماها بوجهه عوائل يالحبيب
خالد:خلاص حمود انا راح اتصرف وراح ندخل غصب
دخلت انا وحمود بعد ماطلعت عيونا من باب لباب وكلمه من هنا ونترجى بذا الين ما دخلنا
حمود:شف ذي البنت ياخالد ترى باين عليها انها حلوه(عيونه طالعه وصار يلهث)
خالــد:تكفى ياحمود لا تفشلنا ولو عندها اخت انا جاهز
حمود:ما عليك اخوك ذيب
خالــد:امحق (في نفسه)
ويوم قرب منها طلع المنديل المرقم والمعطر بكل حنيه وادب طبعا بعد ما شغل الغمازات اللي عنده وطلع كل مواهب اللي عنده في المعاكسه فيها.انقلبت البنت اللي كانت
حلوه لبنت مستئذبه والعيون العسليه كانت بس عدسات وبانت العيون الحمره والشعر الاشقر الناعم انقلب لشعر نحاس ومسكة حمود من يده ويدها كانت كماشه ماشاء الله لوت على يدها المسكين ماقدر يهرب وانهالت عليه باللطمات السريعه والرفسات الموجعه
خالــد: (يطالع بها وهو فاغر وما يدري وش يسوي)
طبعا بو خلود اطلق ساقيه للريح وحمود ينادي ويستغيث بخالد وخالد داعس بنزين ومصفي الطبلون بعد مامسكوا حمود رجال الامن
واعطوه بعض الحكم(على كلام حمود واظنها لكمات مو حكم) رجع للسياره وقال
حمود:افاااا والله انا حمود ولد السبيعي انضرب كذا
خالــد: امحق( باعلى صوت) ................
طبعا ذي قصه واقعيه صارت لزميلي حمود اضفت لها شوي من الخيال لكن البنت سوت معه العجب وانا كنت معه لكن السؤال كتالي:
لو كانت كل الاماكن عوائل وين يروحوا الشباب؟ .....قهاوي.....او وين... القهاوي نهايتها اما
انك تفتك من شرها او انك تطيح بما هو اخس من شيشه ومعسل
اما بالنسبه للعوائل انا اعرف ان العائله تتكون من رجل ومعه اسرته لكن يوم تدخل بنت لوحدها ليه مايمنعوها من الدخول مع ان البنت مو عوائل مافي معها محرم
ويوم ان البنت ماترضى انها تتعاكس من الرجال ليه تلبس العبايه المخصره والعطر يشمه اللي واقف عن بعد كيلو منها والكعب العالي تقول شوي وتتطيح منه طبعا مو كل البنات انا ماامنع البنت انها تخرج تتمشى بس مو بشكل يومي ممكن انها تخرج مع اهلها كل اسبوعين او كل اسبوع على حسب تربية الاهل وتخرج ولبسها يكون فيه بعض الحشمه مااقول انها تدخل داخل صندوق عشان محد يشوفها لكن لبس لا هو بالفاضح ولا هو بالمكتوم
هذا طبعا راي شخصي وهذي اسئله يمكن القى لها جواب ورزقي ورزق الوالد على الله
_______________
المواضيع المتشابهه
العرض العادي
