الجنادريه

[شذى العبير]

بسم لله الرحمن الرحيم


بخش بالموضوع سيده >>>ماحب المقدمات

كلنا نعرف مهرجان الجنادرية اللي يقام كل سنه عن الثقافه والتراث
وصراحه هو مهرجان ممتع
وعائلي وتمشيه وبسطه .. وأكل يممممي وكل شي حلو

بس صراحه صار شي العام غريب علينا
فقلت لازم نسولف فيه هالسنه سوالف اخت مع اخواتها
بهدوء وبدون محاذف رجاءً خخخخخ

السنه اللي راحت فيه بنات كثير رقصوا في الساحات وبين الرجال
والرجال يتفرجون عليهم ..من باب الوناسه طيب

انا اجزم بأن اغلب هالبنات يرقصون وكل وحده ببالها :

علينا غطاوي..
ومحد بيعرفنا ..
وخصوصاً اهلنا>>> صح الا لا
خلونا نفلها ومحد بيدري عنا

لان من الآخر اقول لكم اياها مستحيل ناس محترمين قبايل وعوايل
يرضو ان بنتهم ترقص قدام الرجاجيل ..

والمشكله متغطيات ولابسات الحجاب ... ومتحمسات كانهم بعرس !!!
ولا كنو بالمكان رجال يشوفون
ومايحتاج اقول لكم هذا حلال والا حرام كلنا عارفين وش حكم الضحك قدام الرجال الغرباء
فما بالكم بالرقص والهز وقلة الحياء ..

والمشكله يابنات البنت اللي تسوي هالحركات ناسيه انها تسي لبلدها كله وللأسلام طبعا
كثيرشفنا مقاطع باليوتوب عن قلة الحياء اللي صارت العام

بنات اطهر بلد لابسات عبايات ويتمايلون ويهزهزون قام الرجاجيل وكأنهن بمرقص

واللــــــــــــــــــ ـــــــــه إني استحيت .. وانا اتفرج ..
وكثييير اعداء استانسوا وياشماتتهم فينا
وتألمت كثير وانا اشوف تعليقات الناس من الدول المجاوره وهم يسخرون وشمتانبن فينا
(( هذولا هم بنات السعوديه ))
(( وين الحياء والعفه عل قولتكم ))
(( ياحرام صدق انهم محرومات ))
(( هذ وماعندنا مراقص , اجل لويصير عندنا لا قدر الله وش بتسوون )

ولو تسألين اي شاب والا رجال سعودي وش رآيك بهالبنات
مهما عجبتيهم .. بيقولن سااافله وماتربت

هل ترضينها لنفسك اختي الحبيبه ؟؟
ترضينها لبلدك ؟؟
ترضينها لدينك قبل كللل شي ؟؟


طلبي من كل وحده بتروح الجنادريه وتتحمس مع الطق
تتقي الله في نفسها
تضع الله نصب عينيها
تلتزم بالحشمه والعفه والحياء


تكفوووووووون يابنات بلدي
لا ترقصون قدام الرجاجيل تكفووووون

ترا اللي محلينا بديرتنا هو اعتزازنا بديننا ,, وثقافتنا .. وحيائنا

....
آسفه إني طولت عليكم بس والله من غيرتي عليكم

اسأل الله الهدايه لي ولكم اجمعين

.............................. .............................. .............................. .............................. ...
طلب بسيط : اتمنى تنسخـي رابط هالموضوع وارسليه لكل من تعرفين عن طريق البلاك بيري او الواتس اب
او اي شي ...
يمكن سبحان الله وحده تقراه وتنتصح ماتدرين

[دانة الكون]

حياك الله يا شذى العبير
صحيح شيء مؤسف اللي صار
مدري وش كانن يحسن فيه
يمكن مثل ما قلتي يقولون محد يعرفنا
و يمكن بعضهن قصدهن لفت الانتباه
و يمكن بعضهن متفقات مع بعض
ينقال مسويات حركه " اكشن "

الله يستر عليهن و لايبلانا

[شذى العبير]

اللهم آمين

الله يستر على جميع المسلمين


نورتي

[slr]

.
سمعت كلما يقام مهرجان تجي بعده غبار شديد على منظقة الرياض > صحيح الكلام او لا
ما طلبتي شي >>هاش تاق للجنادريه 27 #Janadria27

[ابوبندر 1]

[align=center] بسم الله الرحمن الرحيم

اختي الكريمة الامر لا يحتاج لاارجوكم وتكفووووون وطالبتكم !! اللي بترقص خلها ترقص واللي بتغني خلها تغني ولكن عليها ان تعلم ان الدنيا اشبة بصالة مطار هذا قادم وهذا مغادر ووقت المغادرة ياتي فجئة وعليها ان تتذكر لحظة المغادرة لانها سوف تكون لحظة قاسية وصعبة فلا رجوع بعدها ولا ندم , هناك تكون المسؤولية فردية ولا يسأل الانسان الا عما فعل وعليه ان يتحمل النتيجة هو فقط . نعم الحماس والانفعال والتاثر والفرح الزائد والتفائل الزائد له فعلة لكن هذه هي الاشياء التي اهلكت من قبلنا فالحذر من الانجراف خلف تلك المشاعر الوقتية التي تنتهي ويبقى اثرها ليوم لا ينفع فية مال ولا بنون الا من اتى الله بقلب سليم وعمل طاهر متقبل .[/align]