للأسف هذا مايحدث في مستشفياتنا (مستشفى الخفجي العام)

[الحالمه الطموحه]

بسم الله الرحمن الرحيم

السلام عليكم ورحمة الله وبركاته

ملاحظة الى ادارة مستشفى الخفجي العام نرجو متابعة موظفيها لعدم قيامهم بمهامهم الوظيفية ..بالفعل شيء يغضبنا لما نجي نبغى كتابة الوصفة عند موظف الاستقبال مايكون موجود مكانه فاضي (وين قاعدين!!؟؟)

طيب والمرضى اللي جايين وتعبانين يبون يخلصون .. واذا تكرم وجاء نفسه في راس خشمه وتعامله سيء مع المرضى

أنت جاي تؤدي وظيفة موجاي تسولف مع فلان وفلان (والا مع ناس الضحكة على الوجه والكلام الطيب! ومع ناس يالله

الكافي كانه غاصبينه على الكتابة) لا وبعض المرات يجي حارس الأمن ويكتب الوصفة الله يعطيه العافيه

والله قايم بدوره وبدور غيره ياأخي اذا أنت موفاضي للناس واللي هي وظيفتك الأساسيه تكتبلهم الوصفات مو شيء صعب

حتى تتهاون فيه اترك المجال لغيرك فيه شباب كثير يبغى ويدور وظايف وأنت روح كمل سوالفك ولايفوتك شيء

وبالنسبة للمواعيد وتأخيرها 3اسابيع، شهر الواحد امديه يموت وماجاء الموعد طيب تقولولي يمكن زحمه ؟!اقولكم لا.. أنا

عن تجربة رحت لمدير العيادات يقولي ماراح تحصلين موعد قريب طبعا ماسمعت كلامه لأني عارفه ان هذي أعذارهم

الواهية ،رحت للدكتور لقيته فاضي وهذا دليل على ان مدير العيادات مايدري عن اللي تحته والحمدلله الدكتور كشف علي

وأعطاني علاج وماأخذت من وقته 10دقايق يعطيه العافية.

اتمنى الأخذ بالملاحظة سواء مني او من غيري لتطوير المستشفى للأفضل

[سالم1]

رجل امن يعطي وصفة؟؟
ما فهمتك صراحة!!

[بقلمي أسطر]

لا حول ولا قوة الا بالله ........ المفروووض تكون هناك رقابة ..

[الحالمه الطموحه]

يااخ سالم الوصفة قصدي فيها الورقة اللي ندخل فيها على الدكتور اتوقع واضحة

[شاقني]

.

فعلا أغلب الأوقات بعد الدوام الرسمي ما القى موظف الاستقبال

وقسم الطوارئ فاشل بكل ما تعنيه الكلمة لا اطباء ولا ممرضين ولا موظفين الاستقبال تعاملهم وتنظيمهم سيء جدا .

[تباشير الصباح]

مهما قال أو قيل فهو الفسااااااااااااااااااااد

[ريح الجنوب]

السلام عليكم ورحمة الله وبركاته هناك صندوق الشكاوي بكل مكان بالمستشفى الرجاء تشجيل الشكاوه وضعه بالصندوق دون ان تكتب اسمك اذا كانت لا تريد وتعاون على البر والتقوى ولكم جزيل الشكر مع الاحترام والتقدير للجميع ...............

[حبيب الطرفاوي]

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته والله كلمك كله صحيح البارحه ان كنت في المستشفى ولايوجد احد سوى الدكتور والدكتوره ام الصيدلية الايوجد بها احد والمختبر كذالك ، سؤال موجه الي مدير المستشفى ؟اين الكوادر الطبيه هم جايين يسلم علي فلان او فلان ام جاي يخلص العمل الذي هو مكلف به والله يعطيك العافية علي هذا الموضوع الطيب

[دفء المشاعر=H]

لازم يبحثون على اطباء موهيبين و عندهم الكلام الطيب و المعامله الحسنه