وانــــت الـشـبــل مــنّــه فـعـايــل وصـــــوره

[حمد الدليهي]

فعايل وصوره


المناسبة: مدح وثناء في الشيخ سعود بن فهد آل ثاني


[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
زاح الظلام وشعشع الصبح نوره=والنور بقدومه يزيح الظلامي
الشعر للشاعر نوايا شعوره=تعبير واجزال المعاني تسامي
سلام ياللي وافيات ٍ شبوره=المسك والكمبود رافق سلامي
سلام ياسيرة زمن ومعموره=الشيخ بن ثاني رفيع المقامي
سعود قمة مجد نبذة سطوره=حر ٍ على كل المواجيب حامي
فهد ابوه اللي ينومسك دوره=عز وفخر مابين كل الأسامي
شوره تعلا كل الاشوار شوره=شيخ ٍ على الطاعه خذى له وسامي
وانت الشبل منّه فعايل وصوره=هذا الصحيح اللي عليه الكلامي
بستان ماتذبل منابت زهوره=عد ٍ يبل كبود كل الضوامي
الصين ماانت الصين لكن سوره= سور ٍ صمد للصين عن كل رامي
شيخ ٍ يجمّل بالمواقف حضوره=متسلسل ٍ من نسل روس الكرامي
دايم بترتيب الأصايل صدوره=متقدم الأشواط في كل عامي
نسل القحيدي بالخليج مخبوره=تظهر وتفرق في نهار الزحامي
يوم الزمن مذكور ضيمه وجوره=وهي لأهلها عز وايضاً حزامي
تمت وغصن الشعر غنّت طيوره=المسك والكادي نهاية ختامي[/poem]