ياصاحبي طالبك خلّني بــ حالي
ما أبي "أضيــّــق خاطرك" وأنت مرتاح
ياصاحبي وإن غبت عنك " ليالي "
غلاك باقي بــ الحنايا ولا راح
تبي أسولف لك ، وش اللي جرالي ؟؟
أخاف يمسح قولنا الصبـــح لا لاح
أجل تعال أجلس هنيـّـا قبــالي
دام الحطب طاح وكثير العتب طاح
لو كل شخص إليا عطيته وفالي
ماكان بــ الدنيا حزن ليل وجراح
لو كل غالي قدّر إحساس غالي
ماشفت ذاك الدمع من محجره ســاح
لو كل قلب من الحسد جاك خالي
مايشتكي من شحّ الأمطار فــــلاّح
لو كل واحد جاك طبعه مثـــالي
ماكان بــ الدنيا سجن ناس وإصلاح
لولا الذنوب اللي بـ كبر الجبالي
ماكان جيش الكفر لــ بلادنا إجتـــاح
لولا الردي يعرف شــ معنى عيالي
ماقطّ أبوه بـــ دار الآلآم يـــــــا صاح
هذا بعض حزن السنين التوالي
طير الحزن مبطي على خافقي ناح
ما أقول أن الخير ماله مجالي
لآ والذي يفلق من الليل الإصبــــاح
لكن هنا بعض الألم ياحلالي
وأنا أدري أن العود يوم أحترق فاح
أول أقول إني صبور وشمالي
واليوم لآ والله أنفجر سدّي وبـــاح
ماقلت لك ياذيب خلّني بـ حالي
هذا أنت ضقت وأذكرك جيت مرتاح
المواضيع المتشابهه
العرض العادي
