_ متى ي الرائديه (الخفجي) متى ؟؟

[رآئده بطيبتي]

السلام عليكم ورحمة الله

صبآآح / مساء الخييير

الرائديه المنتدى أكثر من رائع ..

كل يوم أفتح المنتدى أقول يمكن يقول المنتدى شي يثلج الصدر مالقيت ..
آآآآآآه ي منتدى الرائديه .. بصراحه أعطيت كل أحد حقه
من الشيخ الكبير إلى الطفل الرضيع .. من المدير إلى المعلم والطالب..
ومن الرجل البالغ الى الولد في أول عمره .. ومن اللي معوه شهاده واللي مامعوه
ومن النوادي إلى البطولات .. ومن طلاب صف أول إبتدائي إلى من تخرج من الثانويه..
كل هذولا أعطيتموهم حقوقهم أفرحتموهم بأخبار ساره .. دعم مادي ومعنوي ..
نشاطات ملتقيات .. فعاليات .. جوائز .. هدايا .. برامج .. وظائف

إلا حنا (ي البنات )

ماعطيتنا حقنا حنا ي اللي تخرجنا وقعدنا بالبيت
حنا توسدنا شهايدنا وجلسنا .. ولا مره سمعت معك خبر فيه وظيفه أو وظيفه ع الابواب

ليه الشباب لهم وظايف وحنا لاااااااا ليه ,, بشرونا ولو مره بالعمر

أنا معااااااااااااااي لغه أنجليزيه وجالسه بالبيت لييييييش

لحظه ماخلصت :
1- مافيه مكان ماقدمت عليه كلهم يبون واسطه لعن أبو حيكم واسطه منين أجيب
2- اللي يقول سيتي ماكس ( أغسل يدك)
3- أفتحوا موقع حافز و موقع طاقات و موقع جداره بكل صراحه لهم ثلاث شهور أضافوا الخفجي مع قائمة المدن
ولا قبل أكلم ولا يعطون وجه ,,
4- موقع طاقات (إستعرض الوظائف الشاغرة في مدن المملكة ): كل المدن موجوده في موقع طاقات
ليش مدينة الخفجي مو مسجله معهم ,,

كل المدن موجوده بالقائمه إلا الخفجي <<< شي يقهر قسم بالله
لها الدرجه مالنا قيمه ( حنا ي البنات )مهضوم حقنا ,
طب أعلنوا لنا وظايف

...............

ملاحظه :
بالنسبه اللي يردون ,,
_اللي يكتب كلمتين من البدايه لاتكتب شي أطلع كما دخلت ولا رد رد جااااااااااامد يثلج ع الصدر
إلا إذ أحد يوظفنا ي بنات الخفجي حياه الله يكتب لنا ويوعدنا وعد رجال أن لنا وظايف

أنتظر ردودكم + تقييم

لفته: سامحوني

[شمس الرائدية]

"

ياعمري عليتس .. و أحلى شي لعنبو حيكم كل شي واسطه < مؤلمه بالقدر الذي آضحكني ..!!

كني بديت اكتب عامي وفصيح خخخخخ

المهم .. بقولتس كلام وخليتس قويه .. بس كل شي مكتوب عند الله .. ما أحد يأخذ غير رزقه ..

وظايف للبنات بالخفجي بح مافيه .. تعبنا قبلتس وزي ماتشوفين قاعدين ؟!

إذا شبابنا مالقوا بالخفجي .. تبين البنات يتوظفن ؟!!

واذا كنتي خريجه جديده .. أنصحك تسوين لتس برنامج او تشآركين بالاعمال التطوعيه ..

وإن ماقدرتي تعلمي من النت آشياء تفيدتس وطبقيها ..

والله يفرجها عليتس و يرزقتس

[سيف المملكة]

ابي اقول كلمة ليس دفاعا عن التقصير بالمسؤلية لكن فيه شي مهم بعضنا ينساه بانه المقسوم لك مهو لغيرك انت لاخذت بالاسباب لازم تؤمن بالقسمه والرزقة الي لك مهي لغيرك

[هين]

السلام عليكم ورحمة الله وبركاتة :
وياهلا ومرحبا بالعضوه الرائده الطيوبه ..
انا ما اقول هل كلام مجامله ولكن فعلا من خلال موضوعك وبعض مفرداتك تبسمت كثير و حسيت
بانك طيوبه وعلى نياتك ويارب تتوفقين وتنولين الي في خاطرك انتي وكل بناتنا ,, امين يارب

بالنسبة للرائدية انا على يقين تام بأن لو عندهم نص خبر فقط يفرح الخريجات الي قاعدين بالبيوت صدقيني
ماراح يتاخرون ثواني ولكن العين بصيره والايد قصيره
يعني هذا من الواقع سواء للخريجات او غيرهم خصوصا بالخفجي الي جنا
متمسكين فيها بيدينا وارجولنا كأن مافيه غيرها ديره .. سبحان الله
والله يافيه ناس امورها متدهوره ومجرد طلعوا من هل خفجي الله وفقهم
وتعدلت امورهم كثير وزادت لديهم فرص الوظايف للعيال والبنات
انا ماقول هل كلام علشان تروحين برى الخفجي ولكن
كلامي عام ومن واقع خبره وتعايش مع الاخرين
اما عن نفسي مابدل الخفجي طالما اموري فيها ( بيمشي حالا )

ارجع لموضوع الوظايف ,, وانتي تسولفين تذكرت وضعي بالظبط
يوم تخرجت من جامعه خارج الخفجي وقتها وجيت للخفجي ولا شغل ولا مشغله وملل وكابه
ولكن قدرت اتوظف باحد المستشفيات الخاصه بشكل مؤقت وبعد مضي سنه ونص
اتصلوا فيني ديوان الخدمه المدنيه وقالوا ياسيد ( هين ) الوظيفه تقول تفضل وبالخفجي حسب طلبك ....
والحمد لله من ذيك السنوات الوضع على حاله والاموره عال العال ويالله من فضلك
يعني تقدرين تستفيدين من خلال قصتي الاتي انتي وغيرك :
اولا/ التقديم على ديوان الخدمه والمتابعه وتحديث ارقام الاتصال
ثانيا / البحث عن وظيفه مؤقته بالخفجي لو اقل من الطموح
ثالثا / عدم اليأس والاكثار من الدعاء لرب العباد بدوام التوفيق

هذا مالدي بخصوص هذا الموضوع وموفقين خير كل بناتنا وعيالنا

اخوكم الصغير / هين

[رآئده بطيبتي]

اقتباس المشاركة الأصلية كتبت بواسطة شمس الرائدية " ياعمري عليتس .. و أحلى شي لعنبو حيكم كل شي واسطه < مؤلمه بالقدر الذي آضحكني ..!! كني بديت اكتب عامي وفصيح خخخخخ المهم .. بقولتس كلام وخليتس قويه .. بس كل شي مكتوب عند الله .. ما أحد يأخذ غير رزقه .. وظايف للبنات بالخفجي بح مافيه .. تعبنا قبلتس وزي ماتشوفين قاعدين ؟! إذا شبابنا مالقوا بالخفجي .. تبين البنات يتوظفن ؟!! واذا كنتي خريجه جديده .. أنصحك تسوين لتس برنامج او تشآركين بالاعمال التطوعيه .. وإن ماقدرتي تعلمي من النت آشياء تفيدتس وطبقيها .. والله يفرجها عليتس و يرزقتس

فديتك شمس الرائديه
أولا ً: أنا راضيه بماقسمه الله لي
ثانياً: ليش بنات الخفجي بح مافيه ,, وين السبب , أتمنى الجهات المسئوله
هنا تبحث للجميع
ثالثاً: الشباب بالخفجي بالذات أعطوهم حقهم وغطوا عليهم ,, ماشاء الله تبارك الله
..لا والله أنا تخرجت من 8 سنوااات .. الاعمال التطوعيه مشاركه فيها ..
بالنسبه للنت قلبته فوق تحت أستدااار راسي

شاكره لك مرورك ي شمس . نورتي صفحتي

[رآئده بطيبتي]

اقتباس المشاركة الأصلية كتبت بواسطة سيف المملكة ابي اقول كلمة ليس دفاعا عن التقصير بالمسؤلية لكن فيه شي مهم بعضنا ينساه بانه المقسوم لك مهو لغيرك انت لاخذت بالاسباب لازم تؤمن بالقسمه والرزقة الي لك مهي لغيرك

حياك الله ي سيف

فعلاً .. هذا مالمسناه .. في وقتنا ..
وهذا اللي حطمنا ..

يعطيك العافية .. نورت صفحتي

[رآئده بطيبتي]

اقتباس المشاركة الأصلية كتبت بواسطة هين السلام عليكم ورحمة الله وبركاتة : وياهلا ومرحبا بالعضوه الرائده الطيوبه .. انا ما اقول هل كلام مجامله ولكن فعلا من خلال موضوعك وبعض مفرداتك تبسمت كثير و حسيت بانك طيوبه وعلى نياتك ويارب تتوفقين وتنولين الي في خاطرك انتي وكل بناتنا ,, امين يارب بالنسبة للرائدية انا على يقين تام بأن لو عندهم نص خبر فقط يفرح الخريجات الي قاعدين بالبيوت صدقيني ماراح يتاخرون ثواني ولكن العين بصيره والايد قصيره يعني هذا من الواقع سواء للخريجات او غيرهم خصوصا بالخفجي الي جنا متمسكين فيها بيدينا وارجولنا كأن مافيه غيرها ديره .. سبحان الله والله يافيه ناس امورها متدهوره ومجرد طلعوا من هل خفجي الله وفقهم وتعدلت امورهم كثير وزادت لديهم فرص الوظايف للعيال والبنات انا ماقول هل كلام علشان تروحين برى الخفجي ولكن كلامي عام ومن واقع خبره وتعايش مع الاخرين اما عن نفسي مابدل الخفجي طالما اموري فيها ( بيمشي حالا ) ارجع لموضوع الوظايف ,, وانتي تسولفين تذكرت وضعي بالظبط يوم تخرجت من جامعه خارج الخفجي وقتها وجيت للخفجي ولا شغل ولا مشغله وملل وكابه ولكن قدرت اتوظف باحد المستشفيات الخاصه بشكل مؤقت وبعد مضي سنه ونص اتصلوا فيني ديوان الخدمه المدنيه وقالوا ياسيد ( هين ) الوظيفه تقول تفضل وبالخفجي حسب طلبك .... والحمد لله من ذيك السنوات الوضع على حاله والاموره عال العال ويالله من فضلك يعني تقدرين تستفيدين من خلال قصتي الاتي انتي وغيرك : اولا/ التقديم على ديوان الخدمه والمتابعه وتحديث ارقام الاتصال ثانيا / البحث عن وظيفه مؤقته بالخفجي لو اقل من الطموح ثالثا / عدم اليأس والاكثار من الدعاء لرب العباد بدوام التوفيق هذا مالدي بخصوص هذا الموضوع وموفقين خير كل بناتنا وعيالنا اخوكم الصغير / هين

وعليكم السلام ورحمة الله..
هلا فيك أكثر أستاذ/ هين بس بصراحه كلامك ماهو هين شامل كل شي
وعسى بسماتك دوووم ,, انا فعلاً على يقين أن الرائديه ماتقصر معنا
بالنسبه للي في هذي الديره انا مو منها ولا عمري جيتها
بس لي خمس سنوات والنصيب بعد الله ..جابني لها

اولا/ التقديم على ديوان الخدمه والمتابعه وتحديث ارقام الاتصال
ديوان الخدمه , جداره , طاقات , هدف , حافز كل هذولي على تحديث مستمر
حفظتهم حفظ خخخخخخخخخخخ
ثانيا / البحث عن وظيفه مؤقته بالخفجي لو اقل من الطموح
صح توظفت وظيفه مؤقته لكن شغل يتعب مررررررره و راتبي ضعييييييييف مرررررره وتركتها ماقدرت أكمل
ثالثا / عدم اليأس والاكثار من الدعاء لرب العباد بدوام التوفيق
أكيييييييييييد الخير من رب العباد .. ربي يوفقني وياك وجميع المسلمين

شاكره لك مرورك... نورت صفحتي

[شمس الرائدية]

اقتباس المشاركة الأصلية كتبت بواسطة رآئده بطيبتي فديتك شمس الرائديه أولا ً: أنا راضيه بماقسمه الله لي ثانياً: ليش بنات الخفجي بح مافيه ,, وين السبب , أتمنى الجهات المسئوله هنا تبحث للجميع ثالثاً: الشباب بالخفجي بالذات أعطوهم حقهم وغطوا عليهم ,, ماشاء الله تبارك الله ..لا والله أنا تخرجت من 8 سنوااات .. الاعمال التطوعيه مشاركه فيها .. بالنسبه للنت قلبته فوق تحت أستدااار راسي شاكره لك مرورك ي شمس . نورتي صفحتي

’’

آلحآل من بعضه ..

ليش آلبنات .. لآن مآفيه وظآئف ( لبعض آلبنآت ) غير آلمدآرس .. و آلمدآرس يحتاجون معلمات و يجيبون للمدآرس

( معلمه إنتدآب ) و آلبنات آلخريجآت متكدسآت .. وآلخدمه آتوقع لازم بآلدور .. و آلمفروض خلآص تعطى آلمعلمه خدمه

( ل سنوات محدوده مثلآ 15 سنه ) و بعدها تقعد بآلبيت و تفتح الطريق لغيرها من آلشآبات ..

ماهو إذا وصل عمرنا للخمسين قآلوا تعالوا

وعلى فكرة ترى حآل آلشبآب نفس حآلنا .. ركض هنآك وهنآك و عسى آلله يرزقهم .. و ظآيفهم مع مقآول وبس بآلخفجي ..

إلا من رحم ربي ( وكآنت عندهـ وآسطه ) ..

يعني مافيه آحد يقدر يسوي لنآ شي .. خليهآ على ربتس ..

* آلنت < خليه يفر رآسك عندك آلفوتو و تصاميم العروض ( تراها مطلوبه آلحين بالمدارس )

حتى مدارس آلتحفيظ بالعصر .. تقدرين تتعلمينها و دآمك تروحين تطوع .. تقدرين بحكمتس تسوي شي إبدآعي خآص فيك

وبعدها ما تدرين يمكن يجيتس رزق من ورهآ ..

وزي ماهو معروف لحد آلحين ( بعض مديرات آلمدارس ) يوظفون على آلحاسب بنات و يكون راتبها من مقصف

آلمدرسه .. لو ماجتك وظيفه رسميه ( لا تستهنين بالراتب ) .. آهم شي آلحركه
و

آلله يرزقك من حيث لا تحتسبين ..

[رآئده بطيبتي]

اقتباس المشاركة الأصلية كتبت بواسطة شمس الرائدية ’’ آلحآل من بعضه .. ليش آلبنات .. لآن مآفيه وظآئف ( لبعض آلبنآت ) غير آلمدآرس .. و آلمدآرس يحتاجون معلمات و يجيبون للمدآرس ( معلمه إنتدآب ) و آلبنات آلخريجآت متكدسآت .. وآلخدمه آتوقع لازم بآلدور .. و آلمفروض خلآص تعطى آلمعلمه خدمه ( ل سنوات محدوده مثلآ 15 سنه ) و بعدها تقعد بآلبيت و تفتح الطريق لغيرها من آلشآبات .. ماهو إذا وصل عمرنا للخمسين قآلوا تعالوا وعلى فكرة ترى حآل آلشبآب نفس حآلنا .. ركض هنآك وهنآك و عسى آلله يرزقهم .. و ظآيفهم مع مقآول وبس بآلخفجي .. إلا من رحم ربي ( وكآنت عندهـ وآسطه ) .. يعني مافيه آحد يقدر يسوي لنآ شي .. خليهآ على ربتس .. * آلنت < خليه يفر رآسك عندك آلفوتو و تصاميم العروض ( تراها مطلوبه آلحين بالمدارس ) حتى مدارس آلتحفيظ بالعصر .. تقدرين تتعلمينها و دآمك تروحين تطوع .. تقدرين بحكمتس تسوي شي إبدآعي خآص فيك وبعدها ما تدرين يمكن يجيتس رزق من ورهآ .. وزي ماهو معروف لحد آلحين ( بعض مديرات آلمدارس ) يوظفون على آلحاسب بنات و يكون راتبها من مقصف آلمدرسه .. لو ماجتك وظيفه رسميه ( لا تستهنين بالراتب ) .. آهم شي آلحركه و آلله يرزقك من حيث لا تحتسبين .. [/center]

أنا أُريــد وأنت تُريد والله يفعل مايُريد

الله يكتب لي ولك الخير .. ماقصرتي ي شمس عساك ع القوهـ

بس أتمنى مايوقف موضوعي ياليت يوصل للجهات المسؤله

[الدووووخي]

الله يوفقك ويرزقكـ الوظيــفه اللي تسر خاطركـ وماتفكريــن في آخر الشهر ..