السلام عليكم كلكم
داري اني قديم ومغبر بس هذي حال الدنيا
انقطعت عنكم لضروف خارجه عن السيطره << اي هين وانت مغير تسدح بالاقلاع
ماعلينا تلك قصه اخرى
جيتكم بموضوع جديد اتمنى يعجبكم
--------------------------------------------------------------------------------
السلام عليكم ورحمة الله وبركاته وكل عام وانتم بخير << هنالك ذرابه
عشت عمري كله وانا وحيد اهلي .. ابوي عمره 80 سنه باختصار بيت طويل عريض مافيه الا انا وابوي الشايب نسمع بشي اسمه حريم . وبالتالي ومثلكم عارفين ماعندنا اختلاط ولكن تللك قصه اخرى .. المهم ياخوان انا وابوي علاقتنا رسميه يعني مانسولف مع بعض الا واحنا لابسين كرافتات وننادي بعض باستاذ وحضرتك وماني عارف ايش وبالتالي مافيه شفافيه بيني وبين ابوي تخليه يعلمني عن ذا الاختراع اللي اسمه حريم .. ثقافتي زيرو في مسائل النسوان .. الى ان جاء اليوم الموعود ... ( موسيقى ليلة القبض على فاطمه )
قال ابوي عمتك بتجي تزورنا بكره .. اول مره ادري ان عندي عمه خابر ابوي مقطوع من شجرة الى درجة انه مره وفي اشد حالات فقدان الهويه قرر يسوي شجره للعايله ماطلع الا ثيل خخخخخ من صغرنا حتى ان ابوي قام زور في الشجره ودخل معنا ناس مانعرفهم والا عمركم شفتم شجرة عايله واحد قحطاني وواحد غامدي وواحد عتيبي وواحد خالدي يعني تزوير حوطي .. المهم استغربت من وين طلعت عمتي ذي قال ابوي ذي عمتك بس كانت مسافره ومتغربه في بلاد الفرنجه جده ولاعمرها طبت الرياض بس عندها مراجعه في التخصصي وبتسكن عندنا هي وبنتها تفيده قلت لابوي اسمها تفيده !! شكلهم جايين من امبابه والا دمياط قام ابوي وبحركه خرافيه حط تحت رجلي علامة X ويجيك البيانو مجاوب من السقف لكن ماعلينا تلك قصه اخرى ..
وصلت عمتي وبنتها تفيده وبحكم اني ماعمري شفت نسوان وكل حياتي رجال في رجال رحت للملحق وجهزت ورقة البلوت والمعسل والفله .. وجات عمتي وبنتها .. !! ابوي يقول عمتي صغيره في السن وتوها شباب ويوم جات الا عجوز رايحه فيها حتى اني اتوقع انها ماتت اثناء كتابة هذه السطور .. بعذره يقول شباب .. ابوي وعايلته ناس معمرين تحس انهم كانوا مشروع سلاحف وفشل خخخخخ لو تشوفون جماعتنا يوم اجتمعوا في العيد ابوي يعتبر مراهق بينهم الى درجة ان واحد منهم لاحق على فتح عموريه تحس وانت بينهم انك في مداين صالح .. ماعلينا تلك قصه اخرى .. المهم قمت سلمت على عمتي وحبيت راسها وسلمت على بنتها وحبيت راسها قال ابوي اعذروه حمااار ماعمره شاف بنت ..
بديت اراقب حركات هالاختراع الغريب اللي اسمه بنت .. :0 احلا مني وبشرتها ابيض مني وشعرها اطول من شعري حتى اني مره جيت اغيضها قلت شكل شعرك كذبي والخال اللي في خدك باروكه .. قالت الخال باروكه هههههههاي .. اغمى علي يوم ضحكت وحسيت فعلاً بالشي اللي يقولوله مراهقه .. يالله انا مراهق وبدت البنت تتكلم وتضحك ووتصرف وانا ماغير اراقبها واسجد ركعتين شكر لله على هذي الهبه اللي جت في وقتها لواحد اهطش مثلي .. ولاتسألوني وش معنى اهطش والله مادري لاني مرتبك وانا اكتب الموضوع .
وبدت البنت تكتشف مدى جهلي بعالم حواء .. واني عجينه طريه هطشاء في علوم الحريم وبدت تعطيني الانوثه على شكل دروس ... درساً درساً .. اول درس يوم طلبت مني طلب غريب .. قالت رح جب باكنق بودر بسوي كيك .. وانا اللي احط ايدي على راسي وركضه عند ابوي .. شفت يبه عمتي وبنتها كفار يبون كحول ويوم علمته وش السالفه وهو ياخذ علامة X ويجدعها تحت رجلي وتجيك ذيك الغواصه الروسيه مجاوبه .. ماعلينا تلك قصه اخرى .. المهم بديت اعرف المناكير ولها اسم حركي ثاني الا وهو طلاء الاظافر .. وللمعلوميه المناكير شي والمسكره شي ثاني يتفق مع سابقيه شكلاً ويختلف مضموناً .. وبديت اناديها باسمها بدل ماكنت اناديها بلقب يسعدني ويشرفني ان تحمله وهو لقب ابو الشباب .. وذات جلسه رومنسيه على اضواء الباكنق بودر قالت لي ليش انت جلف .. ليش ماتقول كلام حلو وتتغزل فيني وتحبني وتحب المر في كاسي .. قلت وانا ارنو الى دبة الغاز والملم الليل عن شعري بالعكس انا اصلاً اكثر شاب رومنسي شمال الرياض بس اقول انطمي وش يعني كلام حلو قالت مثلاً قول شعر غزل فيني ... قلت خخخخخ اسمك تفيده وتبين اقول فيك شعر اجل اسمعي .
.
الــله يلــــــعن مشـيـتك ياتفيــده ... ويلـعن طريـقٍ ياتفيـده مشيــتيه
من حاره الدؤي لمصر الجديده ... مـافـيه راعـي شقـتن مـاعرفتيه
تفوه ياحقير .. بهذه الكلمات الحانيه انتهت جلستنا الرومنسيه ومصعت سلك الباكنق بودر ورحت انام ملء عيوني عن شواردها .
ولاني من عايله محافظه بشده الى درجة ان العيال في الحاره كاتبين على باب بيتنا قناة المجد . . ابوي وعمتي اعتبروا ابيات الشعر اعلاه غلطه ولازم اصلحها وحاولوا يزوجوني تفيده بس عيت وقالت قولتها المشهوره وش ابي بهالطهش وعيال الناس واجد .. هذه الكلمات القليله كانت رصاصة الرحمة اللتي قتلت حبي في مهده .. هذه الكلمات القليله كانت مسمار حقير صغير في نعش قصة حبي الخالده .. هذه الكلمات القليله اقول انطم .. طيب .
سافرت عمتي قلفدان هانم وبنتها تفيده .. راحت مشت وعيوني تتبعها .. ورجعت لغرفتي ووحدتي لاشي معي الا كلماتها ( وش ابي بهالطهش وعيال الناس واجد ) .. ذنبي اني وحيد اهلي وماعندي اخوات اعرف من خلالهن كيف اتعامل مع الحريم .. ذنبي اني عربي مسلم رافع البيرق عسى عزي يدوم ماعندنا اختلاط وصداقات مع الجنس الاخر ..
وعقدت العزم اني اطور نفسي في سوالف الحريم وبديت ادخل منتديات خاصه بالحريم ويوم دخلت مملكة المرأه طردني حنش .. يلعن ام كذا عنصريه طيب على الاقل خلوا مملكة المرأه مفتوحه للشباب يوم الخميس الصبح مثلاً واذا فيه مواضيع حساسه يغطونها بكمبل .. وطحت في موقع حواء وسويت يوزر ( مكحولة الشفتين ) وبديت انهل معلومات بيديني ورجليني وعشت الدور مضبوط الى درجة اني ماصرت اروح دوامي الا بنقاب خخخخخخخخخخ بس حذفت اليوزر يوم حسيت ان صدري بدا يكبر ..
وطحت في مجلة فواصل والمختلف وصارت اشعاري عفيفه ناعمه وصرت ارق شاب شمال الرياض وفزت بجايزة الامير سلمان لاكثر شاب رومانسيه مع البنات مناصفه مع الدكتور اياد عوامله خخخخخخخ
المهم اللي خلاني اكتب هالموضوع اني وبعد ما اجتزت كل هالاختبارات ابي اجرب نفسي في امتحان حب حقيقي بعد فشلي الذريع مع تفيده ابي اشوف بعد كل هالتعليم والدراسه صرت اوكي وشاب كيوت ولبق والا لا ؟
هل اعتكافي وحفظي لكتاب ( البنات .. في علم النبات ) وكتاب ( ياوسيم .. انتبه للحريم ) جابت نتيجه .. والا ذهب التعلوم هباءً تذروه الرياح ..
المطلوب ..
اسكن عند عايله سعوديه عندهم بنات لمده لاتقل عن شهر .. يتم خلالها مراقبة سلوكي مع البنات وهل انا اوكي .. والا هطش كما ورد في قول تفيده .. وبعد الشهر يعطوني شهاده باني صالح للعب دور روميو في قصص حب مستقبليه ..
ترسل الطلبات على فاكس تموينات حي النخيل .. ويكتب على المظروف ( تفيده كخه ) يمتنع الوسطاء والمغاتير .
هذا الموضوع برعايه قناة المجد
تشربوا حاقه
مطــلوب عدد <1> لعائــله سعوديــه<><>
العرض العادي
