قصيدة عن شــــ مــــ ـــــر

[جراح الشمري]

الليله.. هذي.. غير عن.. كل ليله
..................... ودي أولعها.. قصيد.. ومثايل


بسوق شعري ..وأمتدح لي قبيله
................... شمر هل الطولات ..وأهل.. الفعايل


ياربعي ..اللي صيتكم.. ينثي له
...............هذا الدهر ..وإن مر.. ذكر القبايل


هزيتوا ..الكون الرحيب ..وهويله
.............فيما سبق.. يامسويين ..الهوايل


والغيم طاريكم.. غصب.. ينحني له
..............ينزل معاه.. سهيل.. بالكف ..شايل


مدة يديكم ..دوم.. ماهي.. بخيله
..............كن الصخا.. رجال.. وانتم.. سلايل


انتم معارك حرب.. ياهي.. طويله
............. انتم سوالف عز.. انتم جمايل


انتم نبات الطيب ..انتم حصيله
............انتم ..يامكثركم بوقت ..الصمايل


انتم.. على من عال ..نار وفتيله
.............انتم حكايا مجد.. ترقى الطوايل


انتم زمان ٍ ..ماحصل فيه.. ميله
.............مافيكم سنافي.. زمانه.. تمايل


تاريخكم باللي مضى ..من يشيله
.................ثقيل.. لكن غير كل.. الثقايل


منهو جهلكم ..يالطنايا ..هبيله!!
.........وشلون يجهل ..في ..عيال الحمايل


ولو قيل نعم ونعم ..والله قليله
.........في واحد ٍ ربعه.. سناعيس حايل


لبيه.. ياحايل.. ومن ينتمي.. له
...........ياارض ٍ ..غلاها ملتوي بالنحايل


كل ٍ سمع فيه.. وتمنى.. يجي له
.......متشوق.. لسلمى ..واجا.. والنفايل


وكل شمري..بااطرافها ..ينعي له
.........يكفيك لاجيته ..وشفت الدلايل


قبل الصياني ..ينطحك حب.. هيله
.........ماصك بابه ..بالمسا.. والقوايل


يعطيك قبل انك تجي ..وتحكي له
.....عمايله.. تاج بروس.. العمايل


أنا اشهد ان الجود ..نعمه فضيله
.......وحنا كسبنا الجود.. وزين الخصايل


لكن قبل ماانهي ..القصيد وجزيله!!
........شوفوا بااخر بيت.. وش كنت قايل:


شمر قبيله؟؟.. إيييييييييه.. شمر قبيله
.....مثل القبايل؟؟.. لا.. لا.. غيررررر القبايل

مع خاالص تحيااتي

[البــــــــــدر]

...


جراح الشمري



مشكور على القصيدة


وتم نقل القصيدة الى مكانها المناسب

[جراح الشمري]

يسلمووو و آسف على الخربطة

[ابتسـ ألم ـامة]

هلا وغلا

جراح الشمري





كلمات جميلة




مشكوور




والنعم بكل العرب وقبايلها






يعطيك العافية



دمت بود


وعلى الخير بإذن الله نلتقي


كلمــات مــن ذهــب

إقبل أخاك على ما كان من خُلقٍ @@@ واحفظ مودته بالغيب ما وصَلا
فأطولُ الناسِ غماً من يريد أخاً @@@ ذا خلةٍ لا يَـرى في ودهِ خللا

[نجم]

[ALIGN=CENTER][TABLE="width:70%;"][CELL="filter:;"][ALIGN=center]شكرا على القصيده الاكثر من رائعه

عن قبيله شمر واهي من أقدم القبائل العربيه على الارجح

وهي معروفه بصيتهم المنبهر في جميع أنحاء الجزيره العربيه

أخي الفاضل الف شكر لك وفقك الله ..[/ALIGN][/CELL][/TABLE][/ALIGN]

أنا اشهد ان الجود ..نعمه فضيله
.......وحنا كسبنا الجود.. وزين الخصايل