تكفينـي اللوعـه و ترديـد الاعـذار
خـلاص يكفـي مـا اتحمـل كفايـه
ماينفعـك عـذرٍ ولا عـذب الاشعـار
مهمـا كتبتـه لـي بحـب وعنايـه
مهما تقدم لي مـن عطـور وازهـار
مهما سكبت الدمـع ترجـي رضايـه
هـذاك الاول نخفـي الويـل بستـار
وادمح لـك الزلـه واخفـي عنايـه
أغيـض عذالـي كبيريـن واصغـار
واقـول ياالحسَـاد خـلَـو منـايـه
ينقال مخطي بس انا اقول وش صار؟
خلَوه يخطي يكفـي انـه هوايـه !!
اشرد بذهني بينهـم هـو والافكـار
ياكيف لك ياشوق اوضَـح غلايـه !
حكي العـواذل يعتبرعنـدي أصفـار
على الشمال ومااستمعت الوشايـه !
اشري رضاك ولـو تغـلا بالأسعـار
ادفع حلالـي لـك وغالـي عطايـه
احفظك في عيني ولو طالـت أسفـار
و افرح ليا شفتـك واعلَـل ضمايـه
اشعل شموع الحب / اعطر لك الـدار
اكتب من الابيـات واضـوي سمايـه
اهدم حواجز وانت تبني لك اسـوار !
افـرح لفرحـك مايهـمـك عنـايـه
واضيق يوم القاك ضايـق ومحتـار
اشيـل همـك فالضلـوع وحشايـه
أسَست لك في القلب مرسى للإبحـار
وكونت لك في روحي اعظم وولايـه!
اعلَمـك ترمـي تراديـد وامــرار
وبعده قوا حالك عكسـت الرمايـه !
هذا جزاي أجنيه واقطف لـه اثمـار؟
أجني الغدر واجنـي فداحـة غبايـه!
اخلصت لك حبي واثاريـك مختـار!!
غيـري تبادلهـا المـوده ورايـه !؟
والحين ساس الحب من بيننـا انهـار
قصـة غلانـا شارفـت للنهـايـه !
ودور البطوله فيـه جسـدت الادوار
خيانـتـك دورك ودوري وفـايـه !
يقرابهـا اللـي جاهـلٍ حـب غـدار
تنبَـه افـكـاره يعـيـد القـرايـه!
تحكي لواقـع غيرنـا نـاسٍ اكثـار
اللي سبـق مـرو بنفـس الحكايـه
باخـذ جـروحٍ حاميـه كنهـا نـار
وسط الحشا ياويـن بلقـاء دوايـه ؟
بقفي وباخـذ طعنـة الغـدر تذكـار
تذكـار حـبٍ كـان قمـة خطايـه !
وبمسح على الماضي بتصميم وأصرار
وانساء طعونـك واستعيـد لقوايـه
لي عزةٍ تشمخ مثـل روس الأشجـار
اموت ما جيـت إلـك ابيـن رجايـه
باعذبك واهـدي لـك الثـأر بالثـار
بعاملـك بااسلوبـك اللـي معـايـه
برضاء بغيرك دون تفكيـر واشـوار
بسكَنـه قلبـي ويصبـح منـايـه !
بعطيـه قلبـي بعـد جازيتـه إنكـار
وبمشي معـه درب الغـلا بالبدايـه
بقولها لك كـان طالـت بـك اقـدار
والله ماتلـقـى وفـيَـه سـوايــه
اسمي ترى يشرونه النـاس الأحـرار
هو منية اللي له مـع الطيـب رايـه
ولا انت قدرك حفنه تـراب واغبـار
شفها تحت ماطاي هـذي النهايـه
المواضيع المتشابهه
العرض العادي
