هذي قصيده لقيتها للشاعر الرائع فيصل العدواني واعجبتني فحبيت اكتبها لكم انشالله تعجبكم وتنال رضاكم..
هذا أنا جيتك بسولف يا فهد من حر ما بي ..
فضفضه أو بوح مدري المهم جيتك وأنا ..
ضايق بالي وصدري ما قوى يحمل صوابي..
والأمل ما بان نوره ولا لمحت عيني سنا ..
جابني يمك ثقيل الهم يوم انه دوا بي ..
أجهده والموت كنه داخل عروقي دنا..
استفزيت المعاني والقلم وحده درا بي ..
يوم بيح من خفوقي كل ما جوفي كنا..
والمصيبة يا فهد وشلون بشكيلك عذابي..
دام صار الهم شايب وصرت بعيونه ضنا ..
من بعد يوم المفارق طال ليلي والتوا بي..
كل حزن الكون فيني وزاد بي كثر العنا..
فارقتني من تبيع الناس لأجل لحظة لقا بي ..
والخطا ماهو خطاها وكنت أول من جنا ..
اعترف إني خطيت بحقها وهذا جوابي..
كان ودك بالحقيقة يا فهد خذها هنا ..
صعب تخذل من يحبك وهي أول من هقا بي ..
إني اجمع كل بسمه وأتناصفها المنا ..
غرني طيشي ومشيته ولا هو اللي مشا بي..
ولا وعيت إلا وأنا اهدم صرح من عشق بنا ..
والله إني ماندمت من الطفولة لي شبابي..
لين حبل الوصل شفته بوسط يديها انثنى ..
ليتها تغفر خطايه يا فهد باللي جرابي ..
بعدها ما غض جفني لا ولا قلبي اهتنا ..
وليتها ترجع وتجمع ما بقا أو ما بقا بي ..
واحلف بربي ما أزعلها إلى يوم الفنا .. وسلامتكم
العرض العادي
