مجموعه قصائد لشاعر منصور بن سعدي الرمالي الشمري
تم نقله عن طريق أخوة عبد العزيز بن سعدي الرمالي الشمري ..
ولقد وافق على بعض القصائد ومنع الاخرى من جميع المنتديات ..
ولقد أرشدني الى منتدى يوجد جميع قصائده ..
الناس ربـي مـن تـرابٍ خلقهـا
وإنت الذي من جوهر الماس مخلوق
الناس ساواها الولـي مـا فرقهـا
بس إنت عن كل البشر صايرٍ فوق
إنت البحر فيـك البواخـر غرقهـا
وإنت السحاب اللي به أمطار وبروق
وإنت الجحيم اللي حياتـي حرقهـا
وإنت النعيم اللي يشدن له الشـوق
ألطف بروحـي لا تسبـب زهقهـا
وإلطف بقلبٍ من عنا الود محـروق
واسق الورود اللي تساقـط ورقهـا
وإلحق على جسمٍ غدا جلد وعروق
امـر مـر مـر فـي دنيتـي لـي
وامرمـر مـر لـي فـي حيـاتـي
الياجاني العاني وانا مامعـي شـي
ودي تجينـي قبـل يأتـي وفاتـي
أن أعتذرته ظن ظـن الـردى فـي
وانا الردى ماهو صفه من صفاتـي
أضحك وهليبه وانـا منكـوي كـي
من خوفي التقصير فـي واجباتـي
ومن لاأشتهر بالجود صيته وهو حي
ماطالعلـه صيـت عقـب المماتـي
ولكــ رائعته .....
متى ياعرب نمشي علـى راي بالأجمـاع
وحـنـا باياديـنـا نـفـرق تجمعـنـا
متى ياعرب نسترجع الماضي اللي ضـاع
وحنا السبـب فـي كـل شـي مضيعنـا
متى ياعرب جسم العرب يشكي الاوجـاع
وحنـا بنـار القـدر نكـوي مواجعـنـا
لأمر بعضنا نرفض ولأمر العدى ننصـاع
نتواضع للعـدى وآل بعـض ماتواضعنـا
تعبنا.. تعبنا.. نطـرد المظهـر اللمـاع
وعلى ركضنا الفاشـل أعدانـا تشجعنـا
تعبنا مـن التمثيـل والشجـب بألمذيـاع
من الشجب ياهل الشجب ملـت مسامعنـا
كبيرة ..كبيرة..ياعرب نشتـرى ونبـاع
وايادي أعدانـا لقتلنـا بعـض تصنعنـا
كبيرة وحنا أهداف بمخطط ... الأطمـاع
وعلى بعضنـا تظهـر وتكمـن مطامعنـا
كبيرة.0.كبيرة.. والكبيرة ..يصير أصراع
على يد بعضنا للأسف صـار مصرعنـا
شرينا المدافـع ندعـي نقهـر الطمـاع
ولا كـان نـدري موتنـا مـن مدافعنـا
شرينا نهاية بعضنـا مـن يـد الصنـاع
وشرينا الخيانـة.. والأمانـة لهـا بعنـا
غريبة..غريبة مـا بنـا واحـد جـزاع
تمـوت الألـوف ولا تـذارف مدامعنـا
اذا كان دم أبن العرب سال منـه القـاع
ولا منه نجزع ياعـرب ويـش يجزعنـا
فلا أدري ول أدري كيف نرقد ولا نرتـاع
رغم مانشوفـه نهتنـي فـي مضاجعنـا
ننـام ونقـوم وهكـذا يعـزف الأيقـاع
ولا شي يشغلنا ..سوى الأكـل اذا جعنـا
كأنا نعيـش بكهـف مانعـرف المطـلاع
ونبـي ننتظـر لعـل الأقـدار تطلعـنـا
تلاشت عزيمتنا وحـب المظاهـر شـاع
بدايـة نهايتنـا حـيـاة بــلا بمعـنـا
رضينا القدر منهج... وسابق وفانا ضاع
واذا كان ضيعنـا الوفاءياعـرب ضعنـا
نسينا ..نسينا .ديننا لين صرنـا أتبـاع
ضعفنا...ضعفنا والسبب ضعف وازعنـا
تعبنا..تعبنا.نحتـرق يـاعـرب نلـتـاع
تعبنا.. وملينـا مـن الكـذب ...والتعنـا
على فوهة البركان نصنع هدوء أوضـاع
شكت كذبنا أقـلام بكـت بيـن أصابعنـا
نبي نفرض الكذبه على الواقـع الملتـاع
وعلى صيغـة الكذبـه نبرمـج مطابعنـا
وعملنا لها تضخيـم حتـى خبرهـا ذاع
وسكتنا عليهـا وأشتكـى الضـم واقعنـا
يا هم ياللى في خفـى خافقـي طلـت
ارحل تـرى منصـور قـرب رحيلـه
يا هم ؛ جاني مـا كفانـي ؛ وحصّلـت
جسمي قضا وعضـام جسمـي نحيلـه
ياهم؛ انا اخفيتك؛ بصـدري ولازلـت
اخفيك خوف اهـل النفـوس العليلـه
اخاف قول اللـى يقولـون لـو قلـت
اللـى سوالفهـم ، عراضـن طويلـه
ولو حملوا سلمـى مثـل مـا تحملـت
صاحت ، ل اجا ، من جور حملن تشيله
ولو ان سنجار الجبل شال مـا شلـت
مبطـي شكا،ضيـم الحمـول الثقيلـه
أصبر، ولو شفت الزمن مال ما ملـت
واقـول يمكـن يعتـدل عقـب ميلـه
الذل انا ماارضاه مادمـت حيـاء
ولاذل من هو في ذرا خالقـه لاذ
اصبر ولولـي مطلبـي ماتهيـاء
لا سايـل هـذا ولا طلـب هـاذ
ارضا الضما مطلب من النذل مياء
واموت جوع ولااقصدالناس شحاذ
حلفت انامااطلب من الناس شياء
وضلعي على حقي حديد وفـولاذ
ومن رائعاته.......!
أكتبيني ضاع في صفحـة ضيـاع
واعربيني فعـل ماضـي ياذهـب
وادفنينـي واكتبـي فوقـي وداع
واشعلي فـي مابقـا منـي لهـب
لو بغيت انساااااك قلبي ماستطـاع
وجرحي النازف تـزاود والتهـب
فيك من شمس الضحى نور وشعاع
جـل منهـو للحـلا فيكـم وهـب
ياذهب يامـاس يشـرى مايبـاع
كل من شافـك راعـش وارتهـب
ومن رائعاه..ودرره الشعريه...
ياخوي والله كل ابوهـم (حقـاره )
تجـي سوالفهـم اليامنـي اقفيـت
كل همهـم حالـي يكـب اعتبـاره
وينبت بجرحي ملح كـل ماتعافيـت
باتـت امانيهـم عطاشـى خسـاره
وانا شربت الفـوز الاول وشفيـت
طبعي وطبعـي مايعـرف الجسـاره
ماهي شطاره بس انا شفت واخفيت
عمري قضى وقته يطـارد مسـاره
وجمري غضى ناره طفت بي وطفيت
شديت لك حبل مضـى سـاق ثـاره
وعنـاد طفـل قـال : لاماتصافيـت
من يوم كنا صغـار ذقنـا المـراره
والحين شـوف كبرنـا دام ضفيـت
ارقى تعب واجمـع بقايـا انتثـاره
واسقي مشاوير العنا كانـي اهفيـت
حاولت ابكي ليـل يضحـك سمـاره
واشفي قليله بأكثري ثـار واشفيـت
حلم بسمـا عينـي يفـك انتصـاره
ورفعـت كفـي للامانـي ورفـيـت
من طيش قلبي سكرتـه وانتحـاره
والعمـر خليتـه وفـا .. لاتوفيـت
اخـوك شامـخ مايعيـش انكسـاره
اشبهك وافخربـك ولافيـك كفيـت
وفيت لك مثل الضيـا فـي نهـاره
وكفيت ماكفيت .. وانا ميت اوفيـت
واذكر لك هذه السالفه....حصلت له ....
كلنا نعرف الشاعر الكبير منصور الرمالي الشمري رحمه الله الذي رحل عن هذه الدنيا وهو في عز شبابه بعد أن أحتل مكانة مرموقة في الشعر الشعبي ، كان رحمه الله عسكري في دولة قطر وبعد أن تضايق من مرؤوسيه في العمل استقال وعاد إلى السعودية وقال قصيدة طويله منها قوله عن قطر :
يا دار ما جيتك من العز عريان = من روس شمر والحفيظة سعودي
حتى قال
.............................. = ينهون فيك ويا مرون الزيودي
وبعد أن عاد إلى السعودية سجل في الدفاع الجوي في المنطقة الشرقية ، تقريبا عام 1412 هـ ، وحصل عندهم في حايل مناسبة زواج لشقيقة ، فحاول أن يستأذن من رئيسه في العمل فرفض الضابط أن يسمح له ، وتوسل إليه منصور ولكن بلا جدوى ، وكان النقيب شافي بن عبد العزيز البيضاني ، يرى ما حصل للشمري فقال له رح يا منصور على مسئوليتي الأسبوع هذا والأسبوع الجاي ، مع أن شافي لم تكن له صلاحية في ذلك ، فرفض الشمري وقال ما ودي أحرجك مع المسئول اللي اكبر منك فأصر شافي على كلامه ، فذهب الشمري إلى حائل وحضر زواج شقيقه وعندما عاد إلى العمل أعطى شافي هذه القصيدة التي يثني فيها على شافي وقبيلة البيضان وقبيلة حرب عموما حيث يقول :
سر يا قلم و أكتب حسينـات الأمثـال
أكتـب وسجـل للرمـالـي مثـايـل
مثايل اللـي يـازن القيـل يـا قـال
كـلام مــازونٍ ولا فـيـه مـايـل
ابا أمدح اللـي للثنـاء والكـرم نـال
اللـي نـزل بالمرجلـه راس طايـل
اللي وقف يوم انثنـوا بعـض الارذال
وأثبت وجوده ما أسمتـع قـول قايـل
شافي عريب الساس والجـد والخـال
حاش المراجل شوق شقـراء جدايـل
الوافـي اللـي للصعيـبـات حــلال
ذيـب ولـد ذيـب يحـوش النفاليـل
نعم الصديق اللي معـه يدلـه البـال
ونعم الخوي حلو النبـاء والخصايـل
وافي وفي يوفـي ويفعـل ليـا قـال
و أصله رفيع ومـن رجـال وحمايـل
ربعـه لهـم تاريـخ حافـل بالأفعـال
أفعـال تشهـد بـه جميـع القبايـل
تاريخهـم زاهـر تدارسـه الأجيـال
و افعالهـم مـن نـوع مثلـه قلايـل
بيضان لا من الـردي شـح بالمـال
تلقـى عطاياهـم كـبـار وجـلايـل
بيضان يوم الناس في حـرب وقتـال
با السيف يا ما طوعـوا كـل عايـل
بيضان لهم الوقت شاهد و لـو طـال
من حرب مروين السيـوف الصقايـل
قوم لهم في صفحـة المجـد منـزال
ومعهم علـى فعـل المراجـل دلايـل
وعيالهم ساروا علـى درب الابطـال
و أحيـوا فعـول المقدميـن الأوايـل
ارداهم اللي يرخـص المـال والحـال
دون الخوي والضيف ما هوب سايـل
و ابيوتهـم دايـم للاجـواد مـدهـال
وللضيف يا مـا قلطـوا كـل حايـل
وافين للوافـي علـى كـل الأحـوال
ونـدٍ وضــدٍ للقـلـوب الغـلايـل
للي شكى ضيم الدهـر فـي وظـلال
وللـي يـدور الشـر نـار وملايـل
والطيب باقي مـع هـل الطيـب لازال
وتبقى الفعـول لفاعـلٍ كـان زايـل
ومن خلقة الدنيا بها أجـواد وأنـذال
للخبـث نـاس وللمراجـل حمـايـل
وبالشكل ما تفرق أخر أنثـى ورجـال
لا كن تـرى فـرق الرجـال الفعايـل
والطيب .. ما يقوى على الطيب محتال
ولا تجتمع بالشخص طيـب ورذايـل
وكم واحد طيب عليـه الزمـن مـال
ضده وضد أكثر هـل الطيـب مايـل
ضدّه زمانه لين رصـه علـى الجـال
وخـلاه بالدنيـا يشـوف الهـوايـل
و كم خيبٍ يملـك عمـارات وأمـوال
لا شـك مـا يقـدر بعمـل الجمايـل
لو قلت كـم الوقـت ؟ يقـول بريـال
خبيـث سـاس ولا يعـرف الفشايـل
هذا زمان شفـت انـا فيـه الاهـوال
وقـت بـه اولاد الحمـايـل ذلايــل
احد تحمل مـن عنـى وقتـه اثقـال
واحـد عنـه وقتـه يشيـل الثقايـل
هذا الزمن يمضـي ولا للزمـن حـال
يـوم بـراد ويـوم حـر وقـوايـل
يا ما اشتكوا من جوره أجيال واجيـال
راحوا وجاء للجيل .. جيـل وبدايـل
والكل غيـر الله مـن الـدار رحـال
ركـاب حـنـا والليـالـي رحـايـل
لاتأخذ القلب..!!!!
لا تاخـذ القلـب رد القلـب يـا قلبـي
وشلون تبغي يعيش اللـي معـك قلبـه
كانك نويت الرحيل بقلبـي ارحـل بـي
خذ صاحب القلب هو والقلب وارحل به
لو في جهنم نويت المنـزل انـزل بـي
يرتاح قلبـي ولـو بالنـار تنـزل بـه
خل الوفا من طباعـك لا تمنـذل بـي
حدد حبيبـك وحـدد مـن تمنـذل بـه
منك الجفا طال والولـوال طـول بـي
وقلبي عذابك توحـد بـه وطـول بـه
اليا متى وانت ضـدي موقفـك سلبـي
واليا متى وانت عقلـي نـاوي سلبـه
واليا متى الهم يقفي بـي ويقبـل بـي
ودنياي قفت وعيـا الحـظ يقبـل بـه
واليا متى وانت بالموعـد تماطـل بـي
حرام منهو يبـي قربـك تماطـل بـه
يا ليتنـي ملـك تملكنـي وتبخـل بـي
ياللي تمر وصبـاح الخيـر تبخـل بـه
اقتلني افضـل ولا للحـب تقتـل بـي
ما اعيش انا بارض شفت الحب يقتل به
لا تقتـل الحـب واقتلنـي ومثـل بـي
وقدام كل البشـر منصـور مثـل بـه
أنــــــــت الجمـــــال...!!!
انت القمر0والشمس0والارض0والكون
وانت السماء00وانت النجوم الرفيعـه
وانت0الذهب والماس غالي ومكنـون
يـادرة(ن) خسـران منهـو يبيـعـه
{وانت الجمال}اللي به القلـب مفتـون
وانـت الحلا00يانوركـل الطبيـعـه
وانت الامل فـي كـل دنيـاي يانـون
بعدك شقـى قلبي00وقربـك ربيعـه
عندي فلا مثلك مـع النـاس مزيـون
ياكوكب(ن)غطـى الكواكـب لميـعـه
منساك لا منسـاك وابليـس ملعـون
أرجع علي00فرقاك انا مـا استطيعـه
ولاجفاك لو تجفاء ولوخنـت ماخـون
وأدور وصلـك لـو تـدور القطيعـه
تـــــصيح من وضعــــــكــ...!!
وافق معي0 وارفق بشخص(ن)لكم طاع
والطف بـذات(ن) ينتظرلطـف ذاتـك
الحق غريق(ن)في بحر حبكـم ضـاع
وأنقـذ حيـاة اللـي تعمـه حيـاتـك
تصيح من وضعك00واناأعيش بأوضاع
اخفهـن لـوجـاك سـبـب وفـاتـك
عطني شقى عمرك وهمـك والاوجـاع
خـذ السعـاده واعطنـي مشكـلاتـك
احرق بقلبي00واتـرك القلـب يلتـاع
لاتتـرك الهوجـاس يحـرق شفاتـك
الله خلقك0وبـك خلـق سـر الابـداع
ملاك ماحد(ن) به صفه مـن صفاتـك
ياعز واغلا خلق ربـي علـى القـاع
وشلون انا اسهر منك وانـت بمباتـك
اناوفي يـوم الوفـي يالوفـي ضـاع
وأبغى وفاء 00واعطيك كـل أمنياتـك
اموت فيك ولك تـراء القلـب مابـاع
وأبعـث بعـد موتـي معـي ذكرياتـك
حمــــــــــــام ياللـــــــــــــي...!!!
حمـام ياللـي بيـح السـد نوحـه
علمتني حسبـي عليـك الله النـوح
أنوح من قلب(ن) لحونه 00جروحه
القلب جرح0وجسم راعيه مجـروح
سهران لين الشمس يكمل وضوحـه
مانام0ليل0ولاقدرامـشـي ولا روح
مجروح روح(ن) والعز بـان بوحـه
وأخاف سدي من العنا يعلن البـوح
وكل(ن) يموت اليا طلعت منه روحه
بس البلا00من مات جسمه وبه روح
يتعب ويشقـى00 ماتحـح طموحـه
ولاله00 بها الدنيا ولوعاش مصلوح
قصـــــــــــــتي قصــــــــــــــــــه
قصتـي قصـه بدايتهـا العـذاب
واخرتها الموت في دنيـا عنـاي
الشقاء لي بيت 00والحرمان باب
والخيال أفراش 00واحزاني غطاي
أصبح الدخان لي 00زاد وشـراب
والسهربالليـل 0والونـه جـداي
حاضري لاشي00والماضي سراب
وكل من ناديـت مايسمـع نـداي
في شبابي من عناي الراس شاب
والله اعلم كيف أنا عشت بصباي
إن ضحكنــــــــــــــــا اليــــــــــــــــوم....!!!
يابو قاسي شفت ماشفته وعفـت
عفت من ماشفت انا حتى النظـر
إن ضحكنا يوم 00عشر أيام زفت
وإن رقدنا ليل مـا نمنـا شهـر
يابو قاسي من زمان اليوم خفـت
وصرت أخاف من ابتسامات البشر
لاتلومن 00لوعقب قوه ضعفـت
ولاتلوم القلب مـا قلبـي صخـر
يابو قاسي فـي بـلاد الله طفـت
وأغتربت وشبت في سن الصغـر
راس مالي من وراء الغربه عرفت
اني المخلوق لجـل اشبـع قهـر
كـــــــــــتتيف ابنســــــى....!!!
قالو انسه00قلت ثامن مستحيـل
يصبح النسيان للعاشـق عـزاء
قالو تلقاء غير محبوبـك بديـل
قلت حبه في لجاء جوفـي لـزاء
حالف(ن)مانساه الايوم الرحيـل
ولا تناسا الزين لو عشت بوزاء
كيف ابنسى من معي سواء جميل
والردا00للطيب مايصبح جـزاء
بالوليف الحلم ياتـي كـل ليـل
وكل مارقد في منامي لي غـزاء
أعطنــــــــــــــــــــي يمناكـــ...!!!
اعطني يمناك عاهدني واعاهـد
مانخون العهد00 لوكل(ن) يخون
أعطني يمناك والله خير شاهـد
عالم اللي كان واللـي مايكـون
في سبيل الحب جاهد وانت جاهد
وناخذ بثار المواجـع والطعـون
وان ضهدنا من عنا الايام ضاهد
كل واحد عند الاخـر مايهـون
أنـــــــــــــا من يعانــــــــــــــــي...!!!!
انا من شقـاء وأهتز0انـا مـن طـواه اليـاس
انا من سهر00واصـل السهـر ساكنـن عينـه
انا مـن يعانـي شى00مامنـه عانـو النـاس
انا من خسـر دنيـاه 0وايضا(ن)خسـر دينـه
انا من عذاب(ن)لي جرى00بان شيـب الـراس
انـا مـن تقـرض للقهر00انـا مـن موالينـه
انـا مـن وطـاه الحـظ الاقشـر وفوقـه داس
انامـن طعنـه الـوقـت الاغـبـر بسكيـنـه
انا مـن سـرى ليلـه مـع الهـم والهوجـاس
وانـا مـن جفـاه الوقـت وايـامـه الشيـنـه
انا اضحك واجامل ناس 00من شان خاطر نـاس
وانـا احـس فـي قلبـي 0تفـجـر براكيـنـه
شكيت وبكيت وصرت00 انا امشي بدون احساس
ولا قــول غـيـر الله يـعـدل مـوازيـنـه
انا اخاف مـن ريشـه تلامـس وتـر حسـاس
ومـن ثـم يبحـث كــل خـافـي بتلحيـنـه
أحــــــــــــــلام ليــــــــــــــــــل...!!!
صدفه بلا ميعاد جيتـه وجتنـي
وصدفه بلا موعد معاها تلاقيـت
مديت يدي يمهـا وصافحتنـي
وليتي سلمت ولالها اليد مديـت
حسيت انا في شي يوم امسكتني
شي(ن)كما الكهرب نتلني وفزيت
فزيـت ليانـا نايم(ن)ماوتتنـي
في غرفتي لاجت بيمي ولاجيت
ولعت انا اللمبة وقلت اتركتنـي
وقفت انا حاير وبالصوت ناديت
اخذت ساعه واقف(ن)واشغلتني
وشككت انا باالي جرالي وشكيت
احلام ليل عن المنـام حرمتنـي
ليته حقيقة مع حبيبـي تلاقيـت
قلــــــــــت اتـصــــــــل....!!!!
قلت اتصل قال اتصالـي قضيـت
تثير شك النـاس والـي معاديـن
بس ابتعد لاتشمـت النـاس فيـه
خلـك بعيـد وماحصلـي يكفيـن
قلت آه لو دونـك حيـاض المنـه
لاآجيـك والـي قـدرالله يآتيـن
مادام تشوف العين والروح حيـه
عن شوفتك مايمنعوني حسوديـن
قال الفضيحه كيف ترضاء عليـه
وتحكي بنا الالسن وحنـا برييـن
قلت الردا طبع النفـوس الرديـه
وحنا بعيد(ن)عن دروب الردييـن
القصـد اشوفـك والنوايـا بريـه
وحب الشرف قبلي مشوبه شريفين
مالوم صدري لوتضايق وانا ضقـت
دام الفضاء رغم اتساعه على ضاق
ياناصر من رحت أتصـل ماتوفقـت
حظ التعاسه ماسعى لـي باالارفـاق
سئلت باالهاتف عن الي له اشتقـت
من زود ماباالقلب من ود واشـواق
قالوا حبيبك من وفاته مضـى وقـت
عنا وعنـك بـدل القـرب بفـراق
كذبـت ماقالـوا ورديـت صدقـت
وعند الكبينة طحت انا وسط الاسواق
بغيبوبتي مضيـت يوميـن مافقـت
والي فقد نصفه معـذب ولـو فـاق
للموت من شـي جرالـي تشفقـت
عفت الحياة وصرت للقبـر مشتـاق
ياللي جرحت القلب بإيدك و أنا أشوف
حـرام قلبـك ليـه مابـه مـرافـه
أرحم جريـح طـاح و بحالتـه روف
اللـي حياتـه لأجـل فرقـاك عافـه
تركتني في ظلمه الخـوف مكسـوف
و ألبستني ثـوب الشقـا و الكسافـه
يا بو جديل فوق الأمتـان منسـوف
تلحق علـى رووس الأرداف ظفافـه
أدعج غنج بالملح و بالزين موصوف
من ينهبـه يملـك عـذر لاختطافـه
في حب ذاك الزين مغرم و مشغـوف
اللي جمـع بيـن الجمـال و عفافـه
وا وجد حالي وجد من جيب مكتـوف
حطوه في سجنـه و شـدوا أكتافـه
مطلوب دم و لحظه الجـرم مشيـوف
و أخو القتيل اللي لـه الثـار شافـه
عليك ياللي لأجلـك الدمـع مـذروف
دمعـي علـى فرقـاك زاد انذرافـه
بالقلب من فرقاك هاجـس و لافـوف
يـزود مـع زايـد جفـاك التفـافـه
دقاته صارن لهن رجـف و رجـوف
زود الجفـا و الصـد زاد ارتجـافـه
أرجيك رجوى اللي مع الموج مجروف
و المـوج حطـم مركبـه بانجرافـه
في ليل مظلم و أعتل فوقـه الطـوف
و أطلق عنان الصوت بآخـر مطافـه
سوي و لو مـرة بدنيـاك معـروف
تماكنـي قـلـب ببـدايـه تـلافـه
روفي بحال اللـي طعنتيـه بالجـوف
اللي على شانك حـلا النـوم عافـه
أعفي عن اللي بين أياديك موقـوف
فكـي قيـاده و أسمحـي بانصرافـه
و ردي علي و بددي ظلمـه الخـوف
لا تتركينـي فـي هـوان و مخافـه
و إن ما رجعتي لي فأنا أموت يا نوف
و لا علـى دنيـاي بعـدك حسافـه
أمس الضحى فى رأس ظايف تعليت
مابيـه حـدن يـم عاليـه حـادى
دعانى الهاجـس برأسـه ولبيـت
حييـت ياللـى بالرقيبـه تنـادى
وخذيت فى رأسه دقايق ولا ابطيت
وشيطان شعرى بالضماير يـدادى
قمت أتذكر مامضـى واستخفيـت
واشتبت النيـران داخـل فـؤادى
ون الجبل من ونتـى يـوم ونيـت
حركت جـو بالجبـل كـان هـادى
من حر مابى نحفت الحال واذويـت
شربى مرار وأشقـر اللـون زادى
صرت انثر العبرة وبينت ماأخفيت
اتلى هوى نفسى على غير قـادى
أبكى على ربع بنوا وأسسو بيـت
مالـه شبيـه الجزيـره مشـادى
البيت ورث للـذى يـارث الميـت
وشلون يارث مـال ميـت معـادى
صارت وعن شرح الخطاء ماتقديت
فى صفحة التاريـخ شـى وكـادى
ولا نى بحال الناس لو قالوا أخطيت
ولا همنى لو قالوا النـاس غـادى
يانجم ياللى غبت من غبـت مابنـت
وشحال بيـن ايـام مجـدك وبينـك
الشمس تطلع وأسال الصبح وين انت
وتغيب شمس وأسـال الليـل وينـك
وين انت انا منهان منهـان لاهنـت
منهان من شخـص عجـز لايهينـك
ارجع متى ترجع انا انهنت واسجنـت
واللى سجنـى كـان قبلـى سجينـك
ارجع ورجع مجد ماضى كمـا كنـت
ورجع من المديـون لاهنـت دينـك
ياقاسى فى وجـه الاضـداد مالنـت
ومن صاحبك ينعـم بعطفـك ولينـك
حتى على خصمك من أحسانك أحسنت
وياما عطت من كـل غالـى يمينـك
بالسيف فى شبه الجزيـره تسلطنـت
اخضعـت اهلهـا وملكنـه يديـنـك
مثلك ولـد والله فـلا جابتـه بنـت
لاشـك عيـن يمهلـنـك سنيـنـك
أقولها وينـك وانـا ادل ويـن انـت
لاشك من زود القهـر قلـت وينـك
وياقصر ياللى بدلـوا طينـك سمنـت
احذر تخون وتنكر اصحـاب طينـك
الله يخونك كان لأهـل الوفـى خنـت
وأوفيـت للـى بالخفـى خاينيـنـك
ياقصر لاتسكن وان انضمت واسكنت
اخفس قهر واخفس معـك ساكنينـك
ياقصر مهمـا زينـوا فيـك مازنـت
زينك رحل وان عادلك عـاد زينـك
المواضيع المتشابهه
العرض العادي
