احضر احد اهالي الخفجي (نصف)ورقة نقديه من فئة المائتي ريال لمنتدى اخبار الخفجي بعد ان عانى الامرين من بنك الراجحي فقد رفض الموظف المسئول تقديم اي مساعده امام مديره عندما احضر المواطن نصف الفئه المذكورة بعد ان سحبها من الصراف الالي للبنك والمشكله ان مؤسسه النقد على حد قول المواطن قالت ان البنك هو المسؤول على تعويض المواطن ولازال ينتظر اتصالهم بعد عشرة ايام من الحادثة
مشكور أخوي على طرح الموضوع .. وكلنا معرضين نطيح بهالموقف .. وبالنسبة للأخ المتضرر أقوله موظف البنك ما هو على كيفه يرفض المساعده لا هو ولا مديره أهم شي يحتفظ بالوصل ويخاطب الادارة الاقليمية للبنك والإدارة العامة وبالمرة شكوى لمؤسسة النقد السعودي يعني يدهر فاكسات واتصالات متضمنه طلب تحقيق بالموضوع وارفاق اسم الموظف ومدير الفرع وصورة من الوصل اللي طلع من الصراف ولا ينسى بعد يطلب الرجوع الى كاميرا المراقبة لأنه مسجل فيها الحدث لحظة بلحظة واذا يقدم بعد شكوى للحقوق المدنية زيادة خير .. لا أحد يقول المبلغ ما يستاهل كل هذا .. المشكلة الناس ما يشتكون وعلى قولتنا دايما وش لنا بوجع الراس الله يعوض .. بس ما أظن أحد يرضى انه يستغفل ويهمش بهالطريقة من قبل بعض موظفين البنوك .. ترى موظف البنك أي شكوى عليه توديه ورى الشمس واعرف نظام البنوك من هالناحية زين .. وكل عمليات الصراف مخزنه في كمبيوتر البنك بس الجماعه الظاهر مالهم خلق ..
أخونا يشد حيله وبياخذ حقه ان شاء الله ..
[align=center]الاخ الكريم NO WAY
شكرا على التنبيه
لكن عنوان موضوعك اظنه غير موفق بارك الله فيك
لو وضعت الموضوع كخبر كان أجمل
ولكنك تحذر وتقول ارجوا الانتباه
ماذا عسانا ان نفعل كيف ننتبه كيف لنا ان نعرف ما تخفيه لنا الصرافه الآليه
كيف ننتبه كي لا نكون في وضع صاحب المشكله
الصرافه الآليه والسحب منها ضرب من الغيب
هذه النقطه الأولى
اما مكمن المشكله فهي خطاء يقع على عاتق الشخص المكلف بوضع النقود في الصراف
فهو المسئول الاول ويجب ان يحاسب
اما الحلول (لم ينجح احد)
هناك عدم استيعاب او فهم ودراية من قبل موظفي البنوك فتجد ان بنك الراجحي على سبيل
المثال في الخفجي يختلف عن بنك الراجحي فرع الخبر والنظام واحد
هنا تكون الكارثه والسبب عدم فهم الموظف للأنظمه المعمول بها في البنك
يعطيك العافيه no_way بس هل فيه بديل عن الصرفات ؟؟ والله اني تعرضت لمشكله اكبر من ابو 200 بس الحمد لله ردوا دراهمي بعد يمكن 3 شهور ... وبعدين حنا المشكله ما نعرف حاجه اسمها اطلاع ترى كل شي موجود بنظام مؤسسة النقد العربي السعودي فيه نظام مكتوب يعني الله لا يهينك اذا تعرض لمشكله خذ الفقره من النظام الفلاني وانفض البشت الى صار سنه مصفط من خلف سيت الونيت وعلى طول لمدير البنك بشكوى مكتوبه مو روح تعال ترى التصريف شغال بقرش يالربع اسئلوني وقل النظام كذا ينص بالفقره كذا على انكم تعطوني دراهمي والا اكتب على هالشكوى رد رسمي الحين وانادور غيرك ...
شكرا على المرور الكريم دوم محتاج للنصيحه وبالنسبه للعنوان اخوي قوافي فهو لشد الانتباه بارك الله فيك وليس للتحذير لعل وعسى ان يظهر هذا العنوان في محرك البحث وانت عارف اكثر منى وبالتالي قد تفتح الابواب للاهتمام من قبل المسئولين وتلاشي هذه السلبيات ومشكلتنا الاساسيه عدم الاستمرار في متابعة مثل الشكواي لو انا وانت وغيرنا تابعناها باهتمام لطبقت القوانين بحذافيرها دمتم في رعايه الله
المواضيع المتشابهه
العرض العادي
