الضيقة اللي دائما ً ..تالي عصير .. !!!

[أبو فهاد]

من يقــــرأ هذه القصيـــدة متأملا أوجاعها وذنوبها , سيشخص نفسية محمد بن فطيس الحقيقية ويدرك أن (المحيط الهادي) لايفارق مسبحة التشفع والتضرع لخالقه.




الضيقه اللـي دايمـا تالـي عصيـر
................... وش حيلتـي واردهــا لاتجيـنـي
لاطال ظل العود حزة عشـى الطيـر
................... كنها علـى سجـن الحديـد تحدينـي
يضيق صدري كـل ماجـات واسيـر
................... ولايخفـف سـوج رجلـي حنيـنـي
لاحولنـا مشـراف ولااقـدر اطيـر
................... يـاالله قسـمـة خـيـر لاتبتليـنـي
وعقارب الساعه توقف عـن السيـر
................... ولا كأن في (الدوحه) سواتـي حزينـي
والعبره اللي تاصـل الحلـق وتحيـر
................... ياقربها لـو قيـل لـي (ياعوينـي)!!
امل شـوف النـاس ورد ومصاديـر
................... واللي يقول ( وش فيك ) ؟ كنـه يهجينـي
يعني على ماقيل مـن بـاب تصويـر
................... (لا أحد أبي قربه ولا أحـد يبينـي)
أروح أدور خـط مـابـه دواويــر
................... وأدور الـلـي هـادهـا تهـديـنـي
واخذ مع الهاجـوس سجـه وتفكيـر
................... واراجع اللـي فـات بينـي وبينـي
واحسـب ذنـوبـي وأدور لتكفـيـر
................... عسـاي ماقصـرت فـي والديـنـي
وعساي ماقارنت مـن ينفـخ الكيـر
................... واللي يحمل المسـك جعلـه قرينـي
ويطري علي يوم الحشر واطلب مجير
................... ما اعطى كتابـي فـي شقيقـة يمينـي
ويطري علي صدقان كثـر الدنانيـر
................... اللـي تعادينـي الـى كثـر ديـنـي
وراع الهروج اللي سـواة المناشيـر
................... أصـد عنـه وادري انـه يعنيـنـي
والى طرى لي واحد كانـه صغيـر
................... أمـا أصغـر بيوميـن ولا سنيـنـي
دريت وش قومـي وعينـت تفسيـر
................... للضيقه اللـي مـن زمـن تعترينـي
حبه بصدري سالفة سـر فـي بيـر
................... وكـن الفـؤاد يقـول هـذا زبينـي
أشفق على علمن يجي منه من غيـر
................... مايسمع اللـي سولفـوا بـه ونينـي
العام أجيهم مـن حسـاب المساييـر
................... واليوم حـال عـداي وينـه ووينـي
ياكثرهم غيـره ولكـن خبـر خيـر
................... ماغير شوفه فـي الوجـود يهنينـي
رايـي كـذا ياعاشقـيـن الغنـاديـر
................... ماله علـى وجـه البسيطـه وزينـي
خطاي تعليـق الامـل فـي المدابيـر
................... اليـن راح وشفـت حقـري بعينـي
صبرن جميل وخابـر أنهـا مقاديـر
................... والله على تخفيـف حزنـي عوينـي
ذي حالتي لين تغبا الشمـس واصيـر
................... معطى سراحي عقب ما أنـا سجينـي
والى امتلأ جوف الشجر بالعصافيـر
................... طلبـت مـن رب العبـاد يهديـنـي
يعتقني المؤذن عقـب ضيقـة عصيـر
................... اللي على سجـن الفـراق تحدينـي!


الشاعر : محمد بن فطيس ..

[حنين]

تسلم ابو فهاد على هالنقل المميز

[داعــ العين ــج]

صــح لســان الشاعر / محمد بن فطيس




قصــيدة رائــعــة



ســلمت على النقل الــرائع

[عسوووووووووووله]

صبرن جميل وخابـر أنهـا مقاديـر. . . والله على تخفيـف حزنـي عوينـي

ذي حالتي لين تغبا الشمـس واصيـر . . . معطى سراحي عقب ما أنـا سجينـي

والى امتلأ جوف الشجر بالعصافيـر . . . طلبـت مـن رب العبـاد يهديـنـي

يعتقني المؤذن عقـب ضيقـة عصيـر . . . اللي على سجـن الفـراق تحدينـي!


صح لسان الشاعر محمد بن فطيس


مشكور اخوى أبو فهاد على القصيده

[دخــــٌيل]

[mark=0099FF]بالفعــل قرأت الكثير لهذا الشاعر المبدع ولاخضت تضرعه تسبيحه في أغلب قصائدهـ ماشاء الله عليه

اقتباس يعني على ماقيل مـن بـاب تصويـر ................... (لا أحد أبي قربه ولا أحـد يبينـي)

مبدع قريب من الذائقــه هو الــ محيط الهادي هكذا عهدناه .. كما عهدناك يــ أبو فهاد على الإختيار الرائع والجميــل


بارك الله فيك [/mark]

[حاتم الداغر]

[align=center]أخوي ابو فهاد الله يعطيك العافية على هذا النقل الرائع

فعلاً قصيده رائعه

وصح لسان الشاعر محمد بن فطيس على هذه الأبيات

تقبل مروري[/align]