(أرجو المشاركة من الجميع)

[عشق الشمال]

مساااااء / صبااااااح الإشــطــة


هلا والله وغلا بأحسن أعضااااء على وجه ( الطااااابة ) الأرضية


بالله عليكم احلمووووا شوي وتحملووووني أبي ( أمقس ) عليكم


والله العظيم ملينا .. واندبلت تسبووودنا من السواااالف بالأندية والحكاااااام !!


لنا سنتين وحنا نسووولف بالبلنتي ( الصحيح ) لـلـعاااالمي ضد ( الفريق اللي ما يتسمااااش )


الوكاااااد ياجماااااعة الربع والعشيرة نبي نطلع شوووي من هالأجواااء ، نبي نغير الروتين << وش معناااها



يعني نبي نسوووولف مع بعضنا عن بعضناااا <<< ياسلااااام على الجملة اللي والله لوتموتوون ماتكتبوون زيهااااا

( هالحين يجي سااااااامي ويغشها مني يحطها مطلع قصيدة ) <<< ياشين انطم وهااات ماعندك


الوكااااااد <<< ياشين قلت الوكااااد يجي لك سبعين مرة من بديت الموووضوووع


المهم يااااابعديني هاااااكم هــ الكم سؤااااال وجااااااوبوا عليهن برووووح ريااااضية عاااالية .. ترى والله ياللي


يعصب ويزعل ويقووووم يتهزاااا غير تنحذف عضويته .. وأنا علمتكم << ياااااحمش


7
7
( 7 ) <<<<<< هالسبعة بالذاااات يوم كتبتهااا تذكر تسرعاان خالد مسعد الله يذكره بالخير
7
7
7


1 _ وش تشجع ؟؟ <<< تووووك تقووول مانبي نسووولف بالأندية

2 _ أنت راااعي كوووورة ( يعني تلعب كورة وإلا بس بالتلفزيوووون << عسى عيونك للعمى ) ؟!!

3 _ راااعي الكووورة ... أنت حريف وإلا من جنب الرفرف ؟؟!!

4 _ وين تحب تلعب ( حارس .. دفاع .. وسط .. هجووم .. جمهووور .. ملقط كووور ) ؟؟!!

5 _ يووم تلعب بالحواااري .. لك فريق محدد ، وإلا كل ماقااالوا كووورة قلت كووورة ؟؟!!

6 _ أنت مدمن كوووورة ( يعني تحس إنك مصدع إذا ماااالعبت ) ؟؟!!

7 _ ( بالله غير تقوول الصدز ) .. عمر أحد لزخك بحدى معاااارك الحواااري ؟؟!!

8 _ طيب عمرك كفخت أحد من اللي لعبوا ضدك ؟؟!!

9 _ وش شعورك إذا بفريقك لاعب ( طويل لسااان ) كل شوي وهو مطلع بلاااعيمه عليك ؟؟!!

10 _ إذاا جيت براااسك كووور ومتحمس هي نيتك ويووم جيت كنسلووها وش تسوووي ؟؟!!



عااااد يااااابعديني اللي يشااااارك الله يعطيه العااااافية ..
.................................................. ....................................

خااااتمة .. سودااااني سألوه وش أحسن قصة بالقرآن ؟؟!!


قااااال : قصة أهل الكهف .. كبسووووها نومة تلااااات مية سنة .... آآآآآآآآآآآآآآي


<<<<<<< يابيخك بيخاااااااااه ،،

[دخــــٌيل]

::

مسآآء الخيرات ..

هــلا وسهلآ عشق ايه يخــوي من أول مثل هـ المواضيع تستهويني بصراحه يازين الشيء لما يجي بـ بساطته

لي عودة يالغلآ للإجابه .. إنتظرنــي..!!


فمان الله

::

[طليفيح]

اي والله يبناخي انت صاج مو تنور عزالله انك اقديت بالسالفه ..

احسن من المطالب كلن يبي حلق خويوه ..

اما كرعان خالد مسعد يصلحن كوارع ..

جاااااااااااااااااااتك الاجابه ..

اقتباس وش تشجع ؟؟

نصراوي .. ياعيوني ..

أنت راااعي كوووورة

اي والله راعي كورة ماتعدا ملعب الاسكان .. مدير الملعب جديدة هذي مدير الملعب

اقتباس راااعي الكووورة ... أنت حريف وإلا من جنب الرفرف ؟؟!!

والله مابي امزرة عليك هنيا <<<< يعني مابي انصب عليك نوبات اصير فتيت ونوبات اقوم امذح بالملعب ..

اقتباس وين تحب تلعب ( حارس .. دفاع .. وسط .. هجووم .. جمهووور .. ملقط كووور ) ؟؟!!

مكاني يبناخي وسط يمين ويسموني الهريفي

ومرات لاراحت الكورة لشارع اتبرع وطردة ..

اقتباس يووم تلعب بالحواااري .. لك فريق محدد ، وإلا كل ماقااالوا كووورة قلت كووورة ؟؟!!

لا والله مالي فريق محدد حوارينا قليله ومايسمح اسوي فريق ..

اقتباس أنت مدمن كوووورة ( يعني تحس إنك مصدع إذا ماااالعبت ) ؟؟!!

اي والله مرات اذا مابوه احد بالملعب اجمع البزران وسوي تفريق معهم ..

اقتباس ( بالله غير تقوول الصدز ) .. عمر أحد لزخك بحدى معاااارك الحواااري ؟؟!!

اي والله يبناخي نتفن واحد بجنبي بالتسلوه بغيت اموووت ..

اقتباس طيب عمرك كفخت أحد من اللي لعبوا ضدك ؟؟!!

مهي تكفيخه عركوبه خليتوه يسحب على جبهتوه ..

كانت بدوري بالاسكان وكرت احمر ..<<<<< ياكثر ماينطرد ..

اقتباس وش شعورك إذا بفريقك لاعب ( طويل لسااان ) كل شوي وهو مطلع بلاااعيمه عليك ؟؟!!

اشوا انا الكابتن لاصار دوري بالحي عندنا ..

اقتباس إذاا جيت براااسك كووور ومتحمس هي نيتك ويووم جيت كنسلووها وش تسوووي ؟؟!!

اشوت الكورة برا ..اخليهم يطردونها ...

هههههههههههههههههههههههههههههه

جتك الخاتمه ...

يقولك فيه عاجوز طاحت قالت احسن ...

<<<<<<<<<<<<< ابيخ منك ..

[سجين فكر]

1 _ وش تشجع ؟؟
جـ- النصر الـ ع ــــالمي>>وهو في غيره..!!!!

2 _ أنت راااعي كوووورة ( يعني تلعب كورة وإلا بس بالتلفزيوووون << عسى عيونك للعمى ) ؟!!
جـ- أفا عليكـ أنا حق كروي بالتلفزيون وبالطبيعة.

3 _ راااعي الكووورة ... أنت حريف وإلا من جنب الرفرف ؟؟!!
جـ- أنا قبل (كنت)حريف بس جتني إصابة تمزق الأربطة بـ عيد الفطر اللي قبل سنة>>وقت رااايق
..وصار لعبي الحين (ماااش) لدرجة إني قبل كنت أرقص بناس والحين صاروا يعدون مني بالراحة>>والله قهررررر....

4 _ وين تحب تلعب ( حارس .. دفاع .. وسط .. هجووم .. جمهووور .. ملقط كووور ) ؟؟!!
جـ- ألعب صانع ألعاب ومهاجم.

5 _ يووم تلعب بالحواااري .. لك فريق محدد ، وإلا كل ماقااالوا كووورة قلت كووورة ؟؟!!
جـ- لا ماعندي فريق محدد.

6 _ أنت مدمن كوووورة ( يعني تحس إنك مصدع إذا ماااالعبت ) ؟؟!!
جـ- أفا عليكـ>>بس الحين ممنوع ألعب كورة الدكتور مانعني.

7 _ ( بالله غير تقوول الصدز ) .. عمر أحد لزخك بحدى معاااارك الحواااري ؟؟!!
جـ- عشان أكون حقاني...الجواب نعم..

8 _ طيب عمرك كفخت أحد من اللي لعبوا ضدك ؟؟!!
جـ- مرتين مع إن طبعي هااااادي بس إذا كان بـ جو المباراة إبعد عني..

9 _ وش شعورك إذا بفريقك لاعب ( طويل لسااان ) كل شوي وهو مطلع بلاااعيمه عليك ؟؟!!
جـ- ودي أكفخه>>بس أخاف إنه هو اللي يكفخني..

10 _ إذاا جيت براااسك كووور ومتحمس هي نيتك ويووم جيت كنسلووها وش تسوووي ؟؟!!
جـ- الضغط يوصل للمليون من القهررر..
----------------------------------------------------------------
يابعدي والله إن موضوعكـ هذا على (كيف كيييييفكـ)..,,..,,
وعندي لكـ طلب أبيكـ إن تجاوب على هالأسئلة بعد..,,..,,

[ظنا وايل]

وش تشجع؟

[mark=FFFF00]طبعا ً عالمي العالمي[/mark]




2 _ أنت راااعي كوووورة ( يعني تلعب كورة )؟

[mark=FFFF00]افا عليك [/mark]

راااعي الكووورة ... أنت حريف ؟؟

مادح نفسه تسذوب <كذاب يعني لكن العب الكوره بحب

[الدووووخي]

الله يسعدك اخوي عشوووووق ’’’

ولي عوده للموضوع الحــلو ’’’

[عهد الغرام]

يعطيك العافية

اقتباس لنا سنتين وحنا نسووولف بالبلنتي ( الصحيح ) لـلـعاااالمي ضد ( الفريق اللي ما يتسمااااش )

عشتوووووووووووووووو اسمة الزعيم يا حجي اعويشق




1 _ وش تشجع ؟؟ <<< تووووك تقووول مانبي نسووولف بالأندية


طبعا الزعيم


2 _ أنت راااعي كوووورة ( يعني تلعب كورة وإلا بس بالتلفزيوووون << عسى عيونك للعمى ) ؟!!


اكيد اطالع التلفزيون >>>>>>> ما يصير العب كورة


3 _ راااعي الكووورة ... أنت حريف وإلا من جنب الرفرف ؟؟!!


لا والله من جنب الطوفة


4 _ وين تحب تلعب ( حارس .. دفاع .. وسط .. هجووم .. جمهووور .. ملقط كووور ) ؟؟!!


الصراحة انا اخواني وعماني يخلوني اول لما كنت العب معاهم >>>> الحين اعتزلت


حارس مرمي الوحيد للفريقين واي هدف يدش اندبغ من الفريقين


5 _ يووم تلعب بالحواااري .. لك فريق محدد ، وإلا كل ماقااالوا كووورة قلت كووورة ؟؟!!


تقصد الفريج



6 _ أنت مدمن كوووورة ( يعني تحس إنك مصدع إذا ماااالعبت ) ؟؟!!


لا والله مو مدمنه بس غصب على اتابع المباراة واشوف اللعب


7 _ ( بالله غير تقوول الصدز ) .. عمر أحد لزخك بحدى معاااارك الحواااري ؟؟!!


ترجم العبارة السابقة لو سمحت لزخك ماذا تعني ؟؟؟؟



8 _ طيب عمرك كفخت أحد من اللي لعبوا ضدك ؟؟!!

فيها قبايل لو اكفخ احد


9 _ وش شعورك إذا بفريقك لاعب ( طويل لسااان ) كل شوي وهو مطلع بلاااعيمه عليك ؟؟!!


عادي اعطية طاااف واقعد ابجي


10 _ إذاا جيت براااسك كووور ومتحمس هي نيتك ويووم جيت كنسلووها وش تسوووي ؟؟!!

والله الاعمي عيونهم بالتراب >>>>> قال كنسلوهاااا


عااااد يااااابعديني اللي يشااااارك الله يعطيه العااااافية ..


الله بعافيك


ويسلمووووووووووووووووو


ولك

[أبو فهاد]

لي عودة يا عاشق الأصفر .. لي عودة مطولة .. يا بعدي ...




مشكور على هالموضوع الحلو ..

[حماد التميمي]

1 _ وش تشجع ؟؟ <<< تووووك تقووول مانبي نسووولف بالأندية
اشجع الهلال <<< ^_^

2 _ أنت راااعي كوووورة ( يعني تلعب كورة وإلا بس بالتلفزيوووون << عسى عيونك للعمى ) ؟!!
الله الله راعي كووره ودايم تلقاني بالملاعب اركض وراء الكوره وكنت قبل سنه بنادي اسمه الريان درجة ثالثه وطلعت وخليتهم لانهم واسطات تقط معاهم بالاستراحه يلعبونك ماتقط اطلع برا ^_^

3 _ راااعي الكووورة ... أنت حريف وإلا من جنب الرفرف ؟؟!!
لا حريف ونوب اتعنقط بالصدام ^_^

4 _ وين تحب تلعب ( حارس .. دفاع .. وسط .. هجووم .. جمهووور .. ملقط كووور ) ؟؟!!
العب هجوم ونوب بالزنقاة اصير حارس ( استني الدعيع ))

5 _ يووم تلعب بالحواااري .. لك فريق محدد ، وإلا كل ماقااالوا كووورة قلت كووورة ؟؟!!
ايه لي فريقين بحـائل (( موبـايلي و ملـــكي )) موبايلي انتهى وتفرقو لاعبينه وملكي لا زال

6 _ أنت مدمن كوووورة ( يعني تحس إنك مصدع إذا ماااالعبت ) ؟؟!!
والله نوب اذا اشتقت للكوره ادورها

7 _ ( بالله غير تقوول الصدز ) .. عمر أحد لزخك بحدى معاااارك الحواااري ؟؟!!
ياكثرهـم اخر وحده قبل شهر جـاني منه إلتواء بالمفصل ويبي لي راحه شهر وتأهيل اسبوعين

8 _ طيب عمرك كفخت أحد من اللي لعبوا ضدك ؟؟!!
ياكثرهم اللى كفختهم وياكثر اللى انتثرت سنونه بسبتي ^_^

9 _ وش شعورك إذا بفريقك لاعب ( طويل لسااان ) كل شوي وهو مطلع بلاااعيمه عليك ؟؟!!
ارد عليه واقول (( أمسك مركزك ولا تسوي فيها ))

10 _ إذاا جيت براااسك كووور ومتحمس هي نيتك ويووم جيت كنسلووها وش تسوووي ؟؟!!

بالعكس يمكن خيره << من كثر الاصابات اللى تجيه واللى يسببها للى ضده ^_^



وننتظر اجاباتك على الاسئله اخووي


ومشكور عليها