أحـلـــى غـــــــاده ..~

[سمح المحيا]

يا اللي لمحتوا دمعتـي بجفونـي
مستغربين اللي حصـل ياسـاده!!

تكفون لفـراق الغضـي خلونـي
أشكي همومي محتضن لي وساده

ماعاد أبيكـم تنشـدون شلونـي
جرحي وعارف علتـه وضمـاده

إن كان بيديكـم سنـع شوفونـي
وإلا اتركونـي للحـزن واجهـاده

من يوم غابت عن سماي وكونـي
مولاة قلبـي.. غايتـه.. ومـراده

أم العيون السود / كـل جنونـي
ست السمر والبيض.. وأحلى غاده

كني عن أبواب الفـرح صدّونـي
وإلا الصبر.. كثر الرجا مافـاده!

لابو قصيد ٍ يرتضي لـي هونـي
يشكي من الحظ الردي وعنـاده!

قولوا لها شاللي حصـل؟ دلّونـي
(أبطت) .. وخابر مالهـا بالعـاده

بعض البشـر غابـوا ولاهمونـي
والبعض يمكـن خيرتـي فابعـاده

بس المصيبه لو تصيـب ظنونـي
بغيـاب نـور وطلّـة المـيّـاده

قولوا لها والشـوق زاد شجونـي
وينك؟؟ تراني مـا أطيـق زيـاده

يا ام الغلا كلـه ونـور عيونـي
ياروووح احـمد ونبـض فـؤاده

شوفي غيابـك يستثيـر سكونـي
والليل عينـي ماهتنـت برقـاده

ضاقت نواحي خافقـي وركونـي
من روحتك فجـأه بـدون افـاده

دفتر قصيديْ اشتاقلك من دونـي
صفحاتـه لرقـة يـدك معـتـاده

وجدي عليـك اليـوم يامظنونـي
وجـد العراقـي لا بكـى بغـداده

أقسم بـرب البيـت واتعرفونـي
وأبيـات شعـري تنتظـر هـدّاده

إن كـان عـادت والله لْتلقونـي
أقصد وألبّسهـاْ القصيـد قـلاده

والحين أبي علم ٍ يكـفّ ظنونـي
منهو يجيب أخبارهـا ياسـاده؟؟

أما كـذا .. وإلا ابعـدوا خلونـي
أرجع لحضن وسادتـي كالعـاده!!

[حلم]

اقتباس شوفي غيابـك يستثيـر سكونـي والليل عينـي ماهتنـت برقـاده ضاقت نواحي خافقـي وركونـي من روحتك فجـأه بـدون افـاده دفتر قصيديْ اشتاقلك من دونـي صفحاتـه لرقـة يـدك معـتـاده

[align=center]؛
؛

[mark=#000000].. سمح المحيا ..[/mark]


أنتقاء رآائع ..
و أحرف في قمة الجمآال ..

ألف شكر ..




؛
؛[/align]

[طُهر ,!]

أقسم بـرب البيـت واتعرفونـي
وأبيـات شعـري تنتظـر هـدّاده

.

.

روووووووعهـ

صح لسانك سمح

يعتيك ربي الف عاافيه ع هالقصيده الرووعه مثلكـ

ماننحرم من جديدك الاحلىآ يارب

[سـَمآ ♪]

يا ام الغلا كلـه ونـور عيونـي
ياروووح احـمد ونبـض فـؤاده

شوفي غيابـك يستثيـر سكونـي
والليل عينـي ماهتنـت برقـاده

ضاقت نواحي خافقـي وركونـي
من روحتك فجـأه بـدون افـاده

دفتر قصيديْ اشتاقلك من دونـي
صفحاتـه لرقـة يـدك معـتـاده

[فتى الرائدية]

[align=center]


تسلم ياسمح ع هالقصيدة الرااائعه

[/align]

[البسيط الجهني]

أكثر من رااااائع .. تسلم... بارك الله فيك ..

الله لا يحرمنا منك . ولا من أبداعك ..

ارق تحية لشخصك ..

[لأجل اشتياقي]

.
.

الله ياسمح


مبدع حتى في الانتقاء


لاحرمنا هذا الجمال


لك مني كامل شكري وخالص احترامي

.
.

[سمح المحيا]

اقتباس المشاركة الأصلية كتبت بواسطة حلمـ ..! [align=center]؛ ؛ [mark=#000000].. سمح المحيا ..[/mark] أنتقاء رآائع .. و أحرف في قمة الجمآال .. ألف شكر .. ؛ ؛[/align]

مرورك الرائع يالغلا..

وشاكر لج..

[سمح المحيا]

اقتباس المشاركة الأصلية كتبت بواسطة ڛگڕ مآڷح أقسم بـرب البيـت واتعرفونـي وأبيـات شعـري تنتظـر هـدّاده . . روووووووعهـ صح لسانك سمح يعتيك ربي الف عاافيه ع هالقصيده الرووعه مثلكـ ماننحرم من جديدك الاحلىآ يارب

ويعتيك العافيه يا سكر مالح...


وتسلمين عالمرور..

[سمح المحيا]

اقتباس المشاركة الأصلية كتبت بواسطة شذى الايام يا ام الغلا كلـه ونـور عيونـي ياروووح احـمد ونبـض فـؤاده شوفي غيابـك يستثيـر سكونـي والليل عينـي ماهتنـت برقـاده ضاقت نواحي خافقـي وركونـي من روحتك فجـأه بـدون افـاده دفتر قصيديْ اشتاقلك من دونـي صفحاتـه لرقـة يـدك معـتـاده

تسلمين ياشذى عالمرور


وتحياتي لج..