( المطوع والازقرتي الرهيب )

[قلب العنـــا]

[align=center][grade="DEB887 D2691E A0522D"]1. راكب سيارة صفرة *** ويغازل عند الشبرة
2. نافخ نفسه ومتفلسف *** كاشخ بعقال وغترة
3. باين عليه متشبب *** ومصبّغ يا ناس شعره
4. تلقاه في السوق يتسكع *** وِيحوط في سوق الخضرة
5. سوق الذهب ميْفوته *** للنسوان ينظر نظرة

6. ايكِزْ ويشوف بِعْيونه *** ويواصلْ نظرة بنظرة
7. مثل الرادار يصوِّرْ *** والجيِّد ماخذْ حِذْره
8. والجوّال لاصِقْ لِذْنه *** لأجل الشلَخْ والهَذْرة
9. أكيد مجنون وِمْصَرْقَع *** وِمْتعِّبْ حالَهْ وفِكْرَه
10. كم مرّة حصّلْ وفْقة *** وِتْسَطَّرْ كمِّنْ سطره

11. يوم قلنا لهْ لا تغازِلْ *** سوَّا لنهْ صكَّه وحَشْرَه
12. يقول ازْقِرْتِي آنهْ *** وَاموت في حبِّ الشقْرة
13. وانه ما زلْتْ اعْزوبي *** آدخِّنْ واشْرَبْ خمْرَه
14. واغني يا ليلْ يا عينْ *** لأجل الطرَبْ والشهرة
15. واللي يبي يِتْزَقْرَتْ *** عندي لهْ أكبرْ خِبْرَة

16. اتخليه يفهم ويصيرْ *** قنَّاصي يفهَم صَقْرَه
17. بعض الساعات اتْمشِّهْ *** أو أركبْ موتَرْ إجْرَهْ
18. واتصَيَّدْ للحبارى *** ابْموتَرْ مالَهْ نِمْرَهْ
19. مَقْدَرْ أصبرْ عنْ طبْعِي *** رُوحوا شتكوني بُكْرَهْ
20. في الحبْس بَقْعَدْ لي يومين *** واتْرَخَّصْ عُقُبْ بُكْرَهْ

21. أطْلَعْ مِسْتانِسْ وايِدْ *** وارْجَعْ للبيتْ في الجَسْرَه
22. ما دام بلادي زينه *** ما لي هَوَس للسفرَهْ
23. وبنوك المال ما تقصِّرْ اتسلِّفْ فوق العشْرَهْ
24. بس الهاتِفْ ذابِحْنِي *** كل يوم ايْطَرِّشْ نَشْرَهْ
25. كل الفواتيرْ تِلْسَعْ *** أكثرْ منْ لَسْع الجَمْرَهْ

26. يا زين كورنيش الدوحة *** في ساعةْ ليله قمْرَهْ
27. آروح هناك آبسِّطْ *** وافرِشْ زوليتي الخضْرَهْ
28. واللحم المشوي عندي *** والروتي فوق السفرة
29. والبارد محطوط يمِّي *** والعيش الزينْ والخِضْرة
30. واقْعدْ متربع واكلْ *** وابَصْبِصْ يمنه ويسره

31. يمكن آشوف مقصودي *** واروح للبرْ بالدرَّه
32. في الصبح أنامْ وتْريَّحْ *** في ليلي تِحْلى السهرَة
34. وصْحابي طايحين حولي *** سكْرانينْ آخِرْ سَكْرَه
35. والفديو شغال عندي *** ومطفي ليت الحجرة

36. من زود ما شوف أفلامي *** غعيوني صارت حمرة
37. هذي حياتي كل يومْ *** سمعوني يا أهل الوكرة
38. امطوعْكم ما حبّه *** ولا أطيقه بالمرّة
39. ايخرِّعْ ابسوالفه *** ويقولْ عن قبري وقبْرَه
40. والموت يخوّف وايد *** وامرضْ يومْ أسمعْ ذِكْره

41. يا حبّه للإذاعة *** كل يوم يبي ايقول شِعْره
41. أشعار الحب ما يقولها *** مب عارف ليش يا حسرة
42. أكيد يغني في البيت *** ويجرْ ربابته جرَّه
43. يمكن يغني في البيت *** ويطبِّلْ فوق الجرّة
44. لو ابكيفي سفّرْته *** بالبر إلى بو سمرة
45. مللني من طق الباب *** ما يمدي آكل تمره

46. بهدل عيشتي وطفّشْني *** كل يوم ايقول لي عِبْرَة
47. يا ناس فكّوني منه *** وللا باروح للبصرة
48. لو آشوفه في بيتي *** بحفر له أكبر حفرة
49. بادفّه في وسطها *** باحط فوق صدره صخرة
50. من كثر ما جنني *** خلا في نفسي حرّة

51. أكيد ايدعّي ويقول *** الله يكفيني شرّه
52. ودّي أتزوج لكنْ *** الغالي عالي مهره
53. يا ليت حكومتي تسمحْ *** أتزوّجْ من سقطرة
54. حيث المهر ما يكلّف *** ولا الأكل والخضرة
55. والعرسْ يتمْ ابسرعة *** من غير زعلْ أو نِجْرة

56. وارجع بعدين لبلادي *** فرحان ابطِيب العشرة
57. واصير إنسان نافعْ *** وارتاح في بيت الأسرة
58. توني عرفت اعيوبي *** يا نفسي كوني حرّة
59. خليني أرجع للخيرْ *** واصلّي بليون مرّة
60. واعوّض عن تقصيري *** واتْنعّمْ بالمسرّة

61. واصوم وازكّي واحج *** واروح في الحال للعمرة
62. كل واحد يخطي ويتوب والتايب مقبول عذره
63. واللي ميتوب ويسوّفْ *** يندمْ ويموت إبوِزْرهْ
64. يا ربّ اغفرْ لي وارحمْ *** وارزقني الجنة الخضرة
65. وابعدْ شيطاني عنّي *** حتى ألتزم بالمرّة
66. واللي نصحني يا ناسْ *** الله يطوّل في عمرهْ
67. ويكثِّرْ من أمثالهْ *** ويعزَّهْ ويرْفعْ قدْرَهْ
-------------------

تحياتي [/grade][/align]

[عبد الله بن شنار]

يعطيك العافيه

الله لا يهينك