[poem=font=",5,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
.
ألا ياهاجسي ... وينك ابي تبدع لنا الألحان = واغنيبك شموخ الحرف وانته بالشموخ تبين
عهدتك لادعيتك باللزز تنضم لي الأوزان = تقول ابشر وانا مثل الوتد في عهدتك مالين
بقائن في رحاب الشعر كنك قائد الفرسان = علون مثل طيرن شامخن لا يعشق الدانين
وهبت الشعر ... من صغري وهذي نعمة الرحمن = تملكته على حسن القصيد بكل حين وحين
صهل خيل القصيد .. بهيبته شامخ يشد عنان = ميادينه خناجر فارسه مايعرف الهاوين
سما حرفي ... ولكن الهواجيس اشتكت أشجان = آسى بغداد .. أسى قدس العلا .. واليوم حوثيين
حماقات الرجال ... اللي غدابه هقوة الخذلان = تبي تحكم ولاهمه جوابن يرضي السالين
عجب .... ياحضرة العالم حياتك كلها خسران = تبي تفرح ولكن الجهل حارب صفاة الدين
رجالن ماتعرف اللازمات وعيشته نكران = فعقبها فناجيل المراجل والكلام يزين
تحدثني عن الفرقا ... واقول ان الحديث احيان = يعنيني على نزف الحبر سبة حزن هالعين
ألا ياهاجسي خلني أعيش بنعمة النسيان = وارحب بالحضور اللي لفانا بالغلا عانين
هلا باللي لفانا يا هلا في جمعة الخلان = هلا بهل الحضور اللي سطا نوره كما الباهين
هلا ماهي تميز جملة الحاظر عن الشيخان = هلا تسمو على اللي في وصال قلوبنا ناصين
هلا مثل الطيور اللي ترفرف بالسما جنحان = تصيد قلوب تفرح لانها جتنا من الغالين
ألا ياهاجسي ... شكرن على مابديت لي قيفان = واغنيبك شموخ الحرف وانته بالشموخ تبين
.
[/poem]
.
العرض العادي
