[align=center]هذة القصيدة قالها / نومان السريحي العنزي بعد أن أصابه مرض الجدري وأشرف على الهلاك فقال يوصي أخيه ويذكر زوال الدنيا[/align]
[poem=font="Simplified Arabic,5,black,normal,normal" bkcolor="skyblue" bkimage="backgrounds/1.gif" border="double,5,gray" type=1 line=0 align=center use=ex num="0,black"]
يالله يارحمن ياخالق البشر=ياعالم بالغيب ياستار
يارب يامعبود يامجزل العطا=تلطف بعبدك حاير ومحتار
لا بد ما تجري الجواري على الفتى=ويصبر لحكم الوالي الجبار
يقول نومان السريحي مثايل=يشدن لنوار الزهر بآذار
ياخوي أبي أوصيك وأحفظ وصاتي=خلك لضيفانك خادم وميمار
الضيف اليا منه لفالك ذمي=واليامشى من حسبت الشعار
ولا خير باللي ما يحشم خويه=ولاخير باللي ما يعز الجار
ولا تعاشر الهلاق قليل القدا=اما يمدح بك والا تكسب عار
ولا ترافق المثبور ردي الشوفه=بالوجه مراه وبالقفا عقار
ولا ترافق البخيل قليل الصخا=ترى ماينفع لو زمانك جار
ولا تطلب الصخي والبخيل عندك=يحكي لنفسه وانت مالك كار
ياقانص بالبوم تراك خاسر=عليك بالحر ياتايه الأبصار
البوم بوم ويارث البوم مثله=والحر حر ويجذبه حرار
ياشمعة الصبيان لا تأمن القدر=ولا عامر الا يقتفيه دمار
دنياك مادامت لحي يمشي=لوهرفت لك حبلها جرار
كم واحد ضحكت له ثم خانته=وعقب الطرب تجري عليه أمرار
باقت رجال قريش من عقب عزهم=وهدمت دورهم وهي قبل عمار
وخانت بأبوليلى المهلهل ربيعه=الزير جتنا عنهم الأخبار
وباقت بأخو وطفى ذياب ابن غانم=وحتى الزناتي ناشته الأقدار
وباقت بأبو زيد الهلالي سلامه=دنياك هذي طبعها غدار
وخانت بأخو ميثا عمير ابن راشد=وعمر وزبن الجاذيات عرار
وباقت بالفضول ياوي قبيله=حمول الخيل مدلهين الجار
وضحكت للرشيد وثم باقت=أنهد حايل وأنهدم قفار
ودنياك باقت بالسعود من أول=ثم أقبلت تضحك لهم بأصخار
دنيا كفانا الله من شر جورها=شفنا بها من الخير والأشرار
كنت أعفا من شرد الصيد بالفلا=واليوم جسمي بالمرض منهار
أقفوا وخلوني خلاوي بصيره=وحطوا هميد الرمث تقل اجدار
والحمد لله يوم ربي فزع لي=الكيف طاب وزالت الأخطار
وصلوا على خير البرايا محمد=اعداد ما هلت حقوق أمطار[/poem]
المواضيع المتشابهه
العرض العادي
