السلام عليكم ،،،
بعد غيبه طويله عن قسمي العزيز حبيت اكتب لكم اليوم طبق عزيز على قلبي،،،
وطبعا هالطبق العزيز مره يجنن،،،
سؤال خارجي؟؟؟
كم مره تمم فيها لفظ كلمه عزيز؟؟؟؟
طيب نرد لموضووعنا
الطبق هو صينيه دجاج مع الكريمه
المقادير:
كريما حمرا كي دي دي
دجاج مقطع ومشيوول الجلد عنه يعني نبا حوالي ديايتين
مشرووم (فطر)
بصل مقطع تويل تويل
فلفل بارد اخضر حبه واحده فقط لاغير
جزر مبشوور
جبن كرافت ملعقه واحده
جبن مبشور ( موزيريلا)
خبز ايراني (2)
الطريقه لاهنتوا ولا هان الجميع:
نقطع البصل ونحطه على النار مع الزيت وبعدين نضيف البهارات والملح
بعدين نحط الفلفل البارد المقطع ونحط الجزر المبشور ونحط المشرووم وبعدين نحط الدجاج المقطع ونخليه على النار خمس دقايق وبعدين نضيف الكريما الحمرا ونضيف ملعقه جبن كرافت وخلاص
لا في بعد نسيتوني ،،،
ناخذ البايركس ونقطع الخبز الايراني ونحطه فيه طبقه واحده فقط وبعدين نأخذ الخليط الدجاج والكريما ونحطه فوقه وبعدين نحط طبقه خبز بعد ونحط فوقها الدجاج واخر شي
نحط فوق الدجاج جبن مبشووور ( الموزيريلا)
وهني وعافيه امانه جربووه وربي روووعه
المواضيع المتشابهه
العرض الشجري