بنات الكليه والعامل

[نـــزف]

]بنات الكليه..والعامل
السلام عليكم ورحمة الله وبركآته..
بصراحه هالموضوع اللي بتكلم فيه صار له أكثر من شهر بس اليوم زاد عن حده حيييل...

اليوم الأحد
تآريخ 1_7_1431ه
السآعه 7:45صبآحآ
المكان الكليه<الساحه الخارجيه<فوق سقف غرفة الدكاتره
الحدث عامل قزنا قز

اليوم الصبح اول مادخلت مع الباب ونزلت عباتي طبعآ كالعاده محشورين بذا الحر بالساحه الخارجيه
دخلت شوي داخل براجع شوي قبل الأمتحان إلا صوت طق يعني واحد يشتغل قلت يمكن بيت يبنى جديد بس الصوت كان قريب حيل رفعت راسي بشوف والا ابو هناد فوقي تمامآ وكاشف الأمه العربيه هذي تاكل وهذي تمشي وهذي تذاكر وهذيك تسولف وابو الشباب يقز قز خير آن شآء الله وين عايشين<<آدري بالخفجي

الحين قبل شهر ونص عشان البيت اللي بجمب الكليه يبنى حطو لنا شراع وكل شوي مطيره الهوآء يعني مستحين علينا آمانه وين أصرفه هندي بنص الكليه معنا
ومو بس كذا رئيسة الأمن زعيمة العصابه
مارضت دخلنا نقولها عامل تقول لحظه شوي<<
وابو الشباب صارله مايقارب الشهر يتنقل في أرجاء المعموره الكليه
مره شفنا 2عند قسم الأحياء والجدار مو عالي بالراحه يطب وبين المحاضرات البنات هناك شوي 10بالكثير
أنا بفهم الصيانه ماتنتظر هالأسبوعين لين تعدي؟؟
آنتم الغيتو الكورس الصيفي بحجة الصيانه
ليه كذا...؟؟
غارو على خواتكم وبناتكم حسو يامسؤلين...

[أنس بن مالك]

نزف والله الطاسة ضايعة الله المستعان

شكراً نزف ,,,

[السهم الجارح]

الله يعينك يابنات الكليه

[عبدالعزيز خلف]

انا اشوف انك تعلميــــــــن الوالد



وان شاء الله ابوك يدور له حــــــــــل


يا انه يمسكه >>ويكفر به كفر
ولا يعلم الشرطـــــــه




اتمنى من الله ان يستر علينا وعليكم ان شاء الله ..



........!!!!!

[نور الدنياا]

لازم تبلغين المسؤلات

[فہٌداك الہٌروحہ]

الله يعين اقول بس لا يطلع يصور << عيال الحرام مايخافون من الله

انتبهي بس منهم

<< ويمكن بكرا بترحين لدورت المياه يطلع لك عامل ماما يبي يصلح برا << هع ياشينها

[كحله]

بلغوا الهيئه احسن شي

[شاقني]

.

مثل ما قال كحله . .

اسهل واسرع حل تبلغون الهيئة
صدقيني في وقتها ينتفونه ومقاوله

[وليه العطر]

[align=center]مدري وش أقول هندي عادي مايعتبر رجال ولا يعلم أحد .... ولا ليه تسكتون ووين إدارتكم وأهلكم ووين جيران الكلية ومن المقاول اللي يسمح لنفسه يشغل عماله بالشمس نظام العمل والعمال يقول مافيه شغل الا باليل بالصيف تحاشياً لحرارة الشمس ..

يمديكم تشتكون عند الهيئة يسحبون المقاول والعمال والكلية والمندوبية مدري للحين هذا اسمها ولا تغير ترى معلوماتي قديمة يسحبونهم على وجههم ... وبس

[/align]

[فتى التنمية]

الله المستعان , قلت الرقابة, وتساهل المسئولون , فتمرد المجاورون , فمتى يفيق المراقبون .
حفظ الله الجميع وحماكم من كل مكروه,,,,