سالفه وقصيده

[الجوووري]

قصه عن القهوه..وهي سالفه مشهوره ..صارت في ديوان ابن رشيـد..

وهي سالفه علوش بن ظويهر..من قبيله عنزه..

هذا الله يسلمكم علوش كان في مضافه بن رشيد ..وفي حدى الايام..وكان الديوان مليان..من الرجاجيل والضيوف..وهو يقول بن رشيد صاحب الديوان..

القهوه..وهم يقومون الصبيان يدورون على الضيوف..ويقهونهم..وشوي وهو يوصل الدور لابن ظويهر..ويومه شرب الفنجال وهو ما يعجبه..وهو يكبه وراه..

في اللحظه هذي شافه بن رشيـد وماعجبه فعل بن ظويهر..وهو يقول له..

وش نوحك سفيـت الفنجال ياعلوش..===>>> يعني وراك كبيت الفنجال..:
وهو يقول علوش ..ابد طال عمرك مالي نظر في القهوه اليوم..طبعا هالكلام ما اقنع الشيـخ..وهو يقول له ابداً انت لك يومين عندنا..وتشرب من قهوتنا وش نوحك اليوم..

والمهم وهو يضغط عليه بالكلام..الين ماقاله علوش..ابد طال عمرك بس قهوتك صايده اليوم..وهو يقول بن رشيد..وش يعني صايده..وهو يلتفت على اللي جنبه
وهو يسألهم وش رايكم بالقهوه..وهم يقولون ابد طال عمرك ماذقنا اطيب من قهوتك


المهم..وهو يسأله بن رشيد وش هي صايده قهوتي..وهو يقوله ابو عوف طال عمرك..ابو عوف هذا اكبر من النمله ..ويسمونه القعس

طبعا الامير ما عطاه بال ولا صدقه..ويومه علوش شاف السالفه كذا وهو يقوم
ويقول رقبتي لك رهينه طال عمرك اذا ماكانت القهوه صايده ابو عوف..

وهم يروحون يكبون الخمره ==>>الدله الكبيره اللي مسوين فيها القهوه..

وهم يحصلون فيها ابو عوف..وهو يستغرب بن رشيد قال وشلون عرفت..

وهو يقول علوش..ابد طال عمرك القهوه صار فيها طعم حموضه من ابو عوف..

والله وهو يروح بن رشيد وهو يسأل الصبيان اللي عنده كم بقى له بن ظويهر في المضافه عندنا..وهم يقولون له يوم والا يومين..وهو يقول لهم لا تخلونه يمشي..ابيه..

المهم وهو يروح الامير ويسأل اللي عنده ويقولهم وش اللي لو خلطناه في القهوه مايبين؟؟؟ وهم يقولون له ورق العرفج..وهو يأمرهم انهم يحطونه في القهوه اللي يتقهوى منها علوش ويومه تقهوى وهو يسأله بن رشيد ها ياعلوش..
تتطعم بقهوتنا شين..وهو يقول ايه طال عمرك القهوه صايده ورق عرفج
ويروح بن رشيد ويسأل ربعه نبي شئ ما يعرفه..المهم وهو يقولهم يحمسون فنجال محروق وفنجال ني..ويخلطونهم ويسوون القهوه منها..وهم يسألونه وهو يقولهم بها طعم نياه وطعم حراق


المهم وهم يفكرون بشئ مايكشفه..وهم يحطون الراك..قشر المسواك..وهو يسأله بن رشيد ها يا علوش تطعم بقهوتنا شئ..وهو يقوله ايه طال عمرك..بها طعم مسواك


وهو يقوله بن رشيـد تدري ياعلوش..كل ماشفت الهلال مثل الباكوره في القبله وجهك واشوف..====>>>يعني تعال عندي.. وترى كل ماينوب قهوتك ومعاميلك علينا ..


وكان من التواجديـن محمد الذويبي من حرب وهو يقول هالقصيده...

تستاهل الكيف الحمر يابن وايل
انت الذي تستاهل الكيـف كلـه
اللي نقدته وسط ديـوان حايـل
لولاك ياعلوش محدن فطن لـه
بدلال من يقعد صغا كل عايـل
الضيغمي ريف الايدين المقلـه
الضيغمي مردي المهار الاصايل
يامنقطع في ساقته مـن سجلـه
يابن ظويهر مابها قـول قايـل
تستاهل الفنجال لا جـا محلـه
ياناقـد الفاقـد بحكـم الدلايـل
ياريف هجنٍ والمزاهـب مقلـه
ربعك بني وايل مـذاد القبايـل
اهل الجموع الراسيه والمظلـه
زبن الدخيل اللي تواطاه طايـل
الجمع دونه والرمـك منكهلـه

وسلااامتكم ,,
ملطووش

[عبدالعزيز الجلعود]

الجوووري

قصه ررررررائعه

من التراث

كن سأتي بها
ولكنك
سبقتيني بها

شكرا لمجهودااااتك

[الجوووري]

هلاااا وغلاا اخوي عبد العزيز smile0
نورت الموضوع بطلتك شووكرن على مروورك يالغااااااالي smile0

[ابتسـ ألم ـامة]

[align=center]
بسم الله الرحمن الرحيم
السلام عليكم ورحمة الله وبركاته

أختي الجوووري

اختيار رائع

سلمت الأيادي

ياعطر الرائدية الفواح

دمتِ بخير



كلمــات مــن ذهــب
مامن كاتب إلا سيفنى***ويبقي الدهر ماكتبت يداه
فلا تكتب بكفيك غير شئ***يسرك في القيامة أن تراه
_________________
[glow=0000FF]@ اللهم عظم حب القرآن في قلوبنا، وقلوب أبنائنا
واجعلنا ممن تعلم القرآن وعلمه@[/glow]
مع التحية و التقدير[/align]

[أبو رائد]

الله يعطيك العافية يا الجووووري


حقــــًـا من روائع القصص في التراث


نشكرك على هذه السالفة والقصيدة

[الجوووري]

تسلمين لي اختي ابتساااامه smile0
شااكره لك مروورك يالغااااااليه

[الجوووري]

الله يعافيك ابو رائد وشاكره لك مروورك smile0

[سامي الشمري]

[align=center]بسم الله الرحمن الرحيم ..

أولاً أحب أشكرك يالجوري على طرحك للموضوع ..

ولكن الي تسفا فنجال ابن رشيد ماهو أبن ظويهر ..


ولكن على حسب سمعي لقصص الأولين أنه

الي نثر فنجال ابن رشيد هو (( دغيّــم الظلماوي))

ولكن الي أكد لي الأمر هو الروي (( الشرهان ))

الذي ذكر هذه القصة في أحد رواياته على التفزيون ..

أرجوا أن يكون كلامي صحيح ..

فهذا ماسمعته وشاهدته ..


و أخيراً .. أشكرك على الموضوع ..


تحيـــــتي ,,,,..,.,.[/align]

[الجوووري]

والله يا سامي أبن ظويهر ولا دغيم انا وش علي
مشكوور على المعلوومه سامي وشاكره لك مروورك

[نواف الفهاد]

الجووووووووري...

وتوهج يزداد... ويزداد...

وحضور يكسر كل قيود الغياب...

راااااااااااااااااائعة ,,,,,,

وقصة لاتحتاااااااااااج لتعليق ,,,,,

تحياتي ,,,