منتديات الرائدية - اجراءات القبول النهائي للوظائف التعليمية في الكويت

اقتباس:

المشاركة الأصلية كتبت بواسطة aljori (المشاركة 622053)

السلام عليكم ورحمة الله وبركاته
بنات الخفجي اللي انقبلت بالكويت ياليت تتجمعون هنا حتى نفيد بعض...

1- متى الدوام يبدأ؟ وهل في دوام برمضان ؟؟؟
2- من راحت وسوت البصمات بالادلة الجنائية ؟؟
3- من عندها فكرة متى تبدأ إجراءات التعيين ؟ وعلى اي اساس يحطوني بأي منطقة؟؟
اخاف على اساس البطاقة المدنية !! لان بطاقتي الشويخ السكنية مستحيل اروح واجي كل يوم من الشويخ للخفجي لو الفحيحيل اهون !!
4-والبنات ساكنين بسكن خاص؟ ولا يرحون ويردون كل يوم ؟؟
لان اللي اعرفه سكن وزارة التربية بس للمعلمات الخارجيات من مصر وتونس ...
5- صحيح في دورة تأهيلية للمعلمات في 24-8 ؟؟

اللي عندها فكرة جزاها الله خير ترد ... لان كل اللي اعرفهن مقدمات من القطيف والإحساء !!
وما اعرف ولا وحده من بنات الخفجي ..!!

تحياتي

السلام عليكم ..
طبعا قبل اجراءات التعيين تقدمين طلب و يعطونك موعد اختبار. الاختبار من شقين تحريرى و مقابله شخصيه فى نفس اليوم وفى حال تجاوز الاختبار تروحين التربيه وتفتحين ملف و تستلمين الطلبات وخطابات التوجيه واللى اذكر منها

1. الفحصوصات الطبيه و تقدير العمر و بموجبها استخراج شهاده من المجلس الطبى
2. الادله الجنائيه تسوين بصمات و محلها فى المنقف و قبل كذا لازم تودين الجواز للاحمدى بادارة الهجره لاستخراج رقم موحد و هو غير عن اللى يستخدمونه فى الحدود. و اعتقد التبصم و استخراج الشهاده ياخذ 9 ايام.
3. استخراج بطاقه مدنيه و فتح حساب فى البنك (الخليج)
4. شهادة حسن سيره و سلوك من سفارة المملكه فى الكويت ويطلب منك لاستخراجها البطاقه المدنيه الكويتيه

ولمن تخلصين كل هالطلبات تودينها للتربيه مبنى 2 و راح يعبون شوية اوراق مع خطاب اقرار التعيين و الراتب (550 د.ك) و تاخذينها لقسم التنسيق فى بنايه 1. وهناك يحددون مو عد الدوره التاهيليه واللى مدتها اسبوع ومكان الدوام. بالنسبه لمكان التعيين فاللى سمعته انهم مخصصين المنطقه العاشره للموظفات اللى من الخفجى و لاكن مدرى اذا له علاقه بعنوان السكن فى البطاقه المدنيه.

وحد علمى نعم فيه دوره تاهيليه فى 24\8\2008 و فيه دوام فى رمضان (والغائه تحت الدراسه)

اتمنى انى اكون افدت قدر المستطاع و تمنياتى للجميع بالتوفيق والسداد