ياراعي البلهاء ( البجيدي ) .. الشملي وجبال حايل ...!
 

* فخذ البجايده .. من عنزه ... أنعم واكرم

* تشرفت بهم ..



ويــنه .. هجوس الشاعر اللي ( قصايده ) ...!
.... مثل الطيــور اللي على الصيد صايده ....!!!

حامـت على ( حسن الفريسه ) وتقتنص ..!!
..... صيدن سميــن ويعتبر ... من فرايده

وانا هنا .. حوًلت .. باهل النــقا وهــم
..... قومن .. على طيب المواقف بنايده

تاريخن ابيض .. بالقبايل بها الوفـــا
..... ياحيـًها .. بين الخلايق .. عوايده ...!!

لا قلت .. لي من بالمدايح .. تخصــها
..... اللي .. على طيب المواقيف جايده ...!

اقول لك .. من نسل وايل .. نقا وكرم
...... وعلومهم .. عند اكثر الناس سايده

كالشمس .. طيبه بالعرب .. بان ضيها
...... ربع الكرم .. والجود .. ذولا البجـــايده

ياراعي (البلها ) .. وان قلت وينهم ,,,؟؟؟
..... تجيك قومن كاسره .. كل كـــايده

نخوة شهامـــه .. شامخه .. في مجالها
....... نخوه .. على صعب المواقيف قايده

وانا سند .. من نسل شمر .. هل النقا
...... وافخر وكلًن يفتخر .. في عوايده

هذا أنا .. وان قلت فالشعر منزلي
...... وهذا قصيده .. كاتبه فالبجـــايده


* الشملي وما ادراك مابها ... وما أدراك عن ( جبال حايل ) ...!!:101:




هذا انا .. وان جيت جيتك .. ( بحمْلي )
... ولاني .. على كثر الســواليف سايل

ياطيري الشامخ .. على الشعر ( حُم لي )
... واقنص لي الجزله .. وعدَ الجـــزايل

وارقى الطويله .. واقتنص لي ( ورم لي )
.... وحوًل بديرة .. طيبين الســـلايل

من كنت .. فيها ايَام .. ماقلت .. كم لي
..... دامي .. على حب المناعير .. نايل

يارب .. من حب المناعير .. دًم لي
.... ولا تجعل الخفاق .. بالهمً شايل ......!!!!

في ديرة الشملي .. واهلها .. تضم لي
... حبن .. وانا من ساعة الشك زايل

[ ياطير .. مابه همً .. بالحًب .. عُــم لي
.... مادام عيني .. شافت جبال .. حايل ] ...!!



:101:

[ ياطير .. مابه همً .. بالحًب .. عُــم لي
.... مادام عيني .. شافت جبال .. حايل ] ...!!





رااائعه..

وصح لسانك..

والنعم فيهم..

و النعم بالبجايده و فيك اخوي سند

صح لسانك
قصائد رااائعه

شهادتي فيك مجروحة يا سند


صح لسانك يابعدي ،،

مشكور

مامعنى البلها هنا؟

[align=center]

صح لسانك يا سند

وافي يا الخويّ

والله يعطيك العافية
على حضورك وعلى قصيدك


وهذه الأبيات كتبها فايز بن عبدالله البجيدي
ردًا على القصيدة الثانية

[/align]


[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
انا هجوسي لا نخيته نظم لي=الي يجملني بعين القبايل
وانا نخيتك ياهجوسي و قم لي=ابيك تمطر لي صدوق المخايل
ابيك تثبت بالوغى تحتزم لي=وتشرفن لامن سأل كل سايل
يالله يا والي المقادير دم لي=شمر هل الطولات طيب وفعايل
اللي فعايلهم على الغير تِملي=ماكل من يبغى الطويلات نايل
واللي بعسرات المواقيف تَملي=عيون من يبغى يشوف الجمايل
قلبي على خوة هل الطيب ثملي=يستاهلون الطيب والشك زايل
ياطير يالي حمت اثقلت حملي=وابيك تسمح يافريد الجزايل
[/poem]

صـــح أبدانكم
الجميع

وشكرا لردودكم .. وشكرا للقراء ايضاَ

وشكرا للجميع بدون استثناء

تشرفت بالمنطقه والقبيله

وصح لسان الشاعر / فايز البجيدي على الرد

والله لا يهينه

والله يبيض وجهه تشرفت به وبالمحافظ واهلها

شكرا للجميع .......................!!

سند مطر

صح لسانك , هذه الصفحة مليئة بمعان الوفاء الرائعة

صح لسانك

صح بدنك

واشكرك لاطرائك ومرورك

لاهنت
ابيض وجه

واشكرك على كلامك الذي غير مستغرب منك ياسعووود
لاهنت
.
.