[أبو فهاد]

يقول الشاعر : سعد المطرفي ..

إن القصيدة ماهي سياسية ... ولكن لها ظروفها ... !!

ــ
ــ
ــ
ــ
ــ
ــ
ــ

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تصدق إني لو بأقول إن بوش مو مجرم حروب=محد يصدقني لأن الحرب لعبة مبتلي
وتصدق إني لو بأقول الذيب بالوقت مهيوب=يمكن هذاك الشخص يبغى يقوم ويأشر عليّ
لكن حقيقة حاصلة إن الطلي شاف الدروب=وأكبر دليل إن بوش هذا جدّه من أمه طلي
هذا ترى التاريخ والتاريخ يـُحفظ بالقلوب=أبي المباحث ما تسرّع لين تسمع مايلي
محبوبتي غرامها تنبي سياسات الشعوب=بكل بساطة قلت أسايسها وأبيـّـن منزلي
أدري غريبة شوي بنت الناس عشيقة خطوب=ماهي مثل خواتها تبي الكلام الفللي
وأخذت أسولف عن خطط هتلر وشارون الكذوب=كل يقول أبعتلي كل يقول أبعتلي
وياسر مع معمر مع إن الوقت يمشي ومحسوب=يجيك واحدهم يقول ستار أكاديمي سلي
وخابر أنا صدام يوم إن قال والشعب مغصوب=(( ماأريد أحد يحكي إنقليزي أوكييييه )) قالوله : بلي
طفشتها لين زهقت حتى بدت يمكن تتوب=لين إنطقت أبسألك قلت إسألي قلت إسألي
قالت "سعد" حنا العرب نمشي على عكس الهبوب=وهذا الكلام اللي يودّينا لنار تصطلي
أرجوك سكـّـر مابديته من مواضيع الذنوب=ودوّر على موضوع ثاني من هوى الذلة خلي
قلت أببدّيها غزل وأصب فيها كوب كوب=وأنعنش حروف الغرام اللي يجي والأولي
وأخذت أدلـّـعها وأولعـّـها وأذوّبها وأذوب=يامهلبية ياكريم كريم يا سكر جلي
لأن بيني وبينكم حنا العرب يادوب دوب=يجي دماغ الشخص فينا بالمصايب ممتلي
وأكبر دليل بهالزمن إن الطلي شاف الدروب=واللي حصل إن بوش هذا جدّه من أمه طلي[/poem]

الشاعر / سعد المطرفي